നാഗാലാൻഡ് വെടിവെപ്പ്: രോഷാകുലരായ ജനക്കൂട്ടം സൈനിക ക്യാമ്പ്​ തകർത്തു

കൊഹിമ: നാഗാലാൻഡിൽ സുരക്ഷാ സേനയുടെ ആക്രമണത്തിൽ 13 പേർ കൊല്ലപ്പെട്ട സംഭവത്തിൽ സുരക്ഷാ ഉദ്യോഗസ്ഥർക്കെതിരെ ഉടൻ നടപടിയെടുക്കണമെന്ന് ആവശ്യപ്പെട്ട്​ ജനക്കൂട്ടം നടത്തിയ പ്രതിഷേധം സംഘർഷത്തിൽ കലാശിച്ചു. മോൺ കൊഹിമയിലെ കൊന്യാക് യൂനിയൻ ഓഫീസും അസം റൈഫിൾസ് ക്യാമ്പും ജനക്കൂട്ടം തകർത്തു.

Also Read:നാഗാലാൻഡിൽ സുരക്ഷാസേന 12 ഗ്രാമീണരെ വെടിവെച്ച്​ കൊന്നു; ​ഒരു സൈനികനും ജീവഹാനി

ഞായറാഴ്​ച വൈകീട്ടാണ്​ രോഷാകുലരായ നാട്ടുകാർ പ്രതിഷേധിച്ചത്. അക്രമത്തെ കുറിച്ചുള്ള കൂടുതൽ വിവരം അറിവായിട്ടില്ല. ജില്ലയിൽ ഇൻറർനെറ്റ് സേവനങ്ങൾ താൽക്കാലികമായി റദ്ദാക്കിയെങ്കിലും അക്രമണ വീഡിയോകൾ സോഷ്യൽ മീഡിയയിൽ വൈറലായിരുന്നു.

Also Read:നാഗാലാൻഡ്​ വെടിവെപ്പിനെ അപലപിച്ച്​ സുരക്ഷാ സേന​; പ്രത്യേക സംഘം അന്വേഷിക്കും

ശനിയാഴ്ച വൈകീട്ടാണ്​​ നാഗാലാൻഡ്​ മോൺ ജില്ലയിലെ ഓട്ടിങ്​ ഗ്രാമത്തിൽ വെടിവെപ്പുണ്ടായത്​. തീവ്രവാദികളെന്ന്​ കരുതി​ ട്രക്കിൽ സഞ്ചരിച്ചിരുന്ന ഗ്രാമീണർക്കെതിരെ വെടിയുതിർത്തെന്നാണ് റിപ്പോർട്ട്​. കൽക്കരി ഖനിയിൽ നിന്ന്​ ജോലി കഴിഞ്ഞ്​ മടങ്ങുകയായിരുന്ന ഗ്രാമീണരാണ്​ കൊല്ലപ്പെട്ടത്​.

Also Read:തോക്കിനിരയായത്​ നിരപരാധികളായ ഖനി ​െതാഴിലാളികൾ; സൈന്യത്തിന്​ കിട്ടിയ രഹസ്യ വിവരമെന്ത്​

സംഭവം അപലപിച്ച്​ സുരക്ഷാ സേന​ രംഗത്തെത്തിയിട്ടുണ്ട്. പ്രത്യേക ട്രിബ്യൂണൽ അന്വേഷിക്കുമെന്നും കുറ്റക്കാർക്കെതിരെ ശക്​തമായ നടപടിയുണ്ടാവുമെന്നുമാണ് വിശദീകരണം.