വെങ്കയ്യ നായിഡു കർഷകരോട്​ മാപ്പു പറയണം- കോൺഗ്രസ്​

ന്യൂഡൽഹി: നിർഭാഗ്യകരമായ പ്രസ്​താവനയിൽ വെങ്കയ്യ നായിഡു കർഷകരോട്​ മാപ്പു പറയണമെന്ന്​ കോൺഗ്രസ്​. വായ്​പ എഴുതിത്തള്ളൽ ഫാഷനായിരിക്കുകയാണെന്ന്​ കഴിഞ്ഞ ദിവസം വെങ്കയ്യ നായിഡു പറഞ്ഞിരുന്നു. എന്നാൽ വായ്​പയുടെ ഭാരം താങ്ങാനാകാതെ കർഷകർ ആത്​മഹത്യ ചെയ്യുന്ന സംഭവത്തിൽ എന്താണ്​ ഫാഷനെന്ന്​ കോൺഗ്രസ്​ നേതാവ്​ ടോം വടക്കൻ ചോദിച്ചു. 

വെങ്കയ്യ നായിഡുവി​​​​​െൻറ പ്രസ്​താവന നിർഭാഗ്യകരമായിപ്പോയി. മധ്യപ്രദേശിൽ ദാരുണമായി കൊല്ല​െപ്പടുന്ന കർഷകരെ കുറിച്ചാണ്​ കേന്ദ്രമന്ത്രി പറയുന്നത്​. എന്താണ്​ അതിൽ ഫാഷനായിട്ടുള്ളത്​. വായ്​പ എഴുതിത്തള്ളുന്നത്​ കർഷക​െര ബാങ്കുകളുടെ വലയിൽ നിന്ന്​ രക്ഷിക്കാനാണ്​. നായിഡു കർഷകരോട്​ മാപ്പു പറയണമെന്ന്​ ടോം വടക്കൻ പറഞ്ഞു. 

എന്നാൽ കർഷക പ്രശ്​നത്തിൽ ദീർഘകാലത്തേക്കുള്ള പരിഹാരമാണ്​ വേണ്ടത്​.  താത്​കാലിക പരിഹാരങ്ങളാണ്​ ഇ​േപ്പാൾ ഉള്ളത്​. താത്​കാലിക പരിഹാരം കാണുന്നത്​​ ഒരു ഫാഷനായിരിക്കുകയാണെന്നാണ്​ താൻ പറ​ഞ്ഞത്​. ത​​​​​െൻറ പ്രസ്​താവന​ വളച്ചൊടിക്കുകയായിരുന്നെന്നും വെങ്കയ്യ നായിഡു പറഞ്ഞു