ജനങ്ങളു​ടെ ബാങ്ക്​ നിക്ഷേപം സുരക്ഷിതം; നടക്കുന്നത്​ നുണപ്രചാരണമെന്ന്​ മോദി

ന്യൂഡൽഹി: ജനങ്ങളുടെ ബാങ്ക്​ നിക്ഷേപങ്ങൾ സുരക്ഷിതമല്ലെന്ന രീതിയിൽ നടക്കുന്ന പ്രചാരണങ്ങൾ തെറ്റാണെന്ന്​ പ്രധാനമന്ത്രി നരേന്ദ്ര മോദി. എല്ലാവരുടെയും ബാങ്ക്​ അക്കൗണ്ടുകളിലെ പണം സുരക്ഷിതമാണെന്ന്​ ഉറപ്പ്​ നൽകുന്നു. ബാങ്ക്​ നിക്ഷേപങ്ങൾ​ കൂടുതൽ സുരക്ഷിതമാക്കാനുള്ള നടപടികൾ സർക്കാർ സ്വീകരിക്കുമെന്നും മോദി പറഞ്ഞു. വ്യാപാര സംഘടനയായ ഫിക്കിയുടെ പരിപാടിയിൽ സംസാരിക്കുകയായിരുന്നു അദ്ദേഹം. 

രാജ്യ​ത്തെ ബാങ്കിങ്​ സ​മ്പ്രദായത്തെ തകർക്കുകയാണ്​ യു.പി.എ ചെയ്​തത്​. വൻകിട വ്യാപാരികൾക്ക്​ വൻതോതിൽ വായ്​പ നൽകുന്നതായിരുന്നു അവരുടെ നയം​. കൽക്കരി, 2ജി ഇടപാടിനെക്കാളും വലിയ അഴിമതിയാണ്​ ഇതെന്നും മോദി പറഞ്ഞു.

വ്യാപാരികൾക്ക്​ വേണ്ടിയാണ്​ ജി.എസ്​.ടി നടപ്പിലാക്കിയത്​. വൻകിട ചെറുകിട വ്യത്യാസമില്ലാതെ മുഴുവൻ വ്യാപാരികളെയും ജി.എസ്​.ടിയുമായി ബന്ധിപ്പിക്കുക എന്നതാണ്​ സർക്കാറി​​െൻറ ലക്ഷ്യമെന്നും അദ്ദേഹം വ്യക്​തമാക്കി.