മോദിയുടെ സ്​റ്റേഡിയം, അദാനി റിലയൻസ്​ എൻഡുകൾ; ജയ്​ഷാ അധ്യക്ഷൻ -പരിഹസിച്ച്​ രാഹുൽ

ഗുജറാത്ത്​​ മൊ​േട്ടരയിലെ സർദാർ വല്ലഭായ്​ പ​േട്ടലിന്‍റെ പേരിലുള്ള സ്​​റ്റേഡിയത്തിന്​ നരേന്ദ്ര മോദിയുടെ പേര്​ നൽകിയതിനെ പരിഹസിച്ച്​ രാഹുൽ ഗാന്ധി. സ്​റ്റേഡിയത്തിന്‍റെ പവലിയനുകളുടെ പേര്​ അദാനി, റിലയൻസ്​ എന്നിങ്ങനെയാണെന്ന വിവരകൂടി പുറത്തുവന്ന പശ്​ചാത്തലത്തിലാണ്​ സമൂഹമാധ്യമങ്ങളിൽ വിമർശനവുമായി രാഹുൽ രംഗത്തുവന്നത്​.

'മോദിയുടെ സ്​റ്റേഡിയം, അദാനി റിലയൻസ്​ എൻഡുകൾ, ജയ്​ഷാ അധ്യക്ഷൻ, സത്യം സ്വയം പുറത്തുവരുന്നത്​ ഇങ്ങിനെയാണ്​'-രാഹുൽ ട്വിറ്ററിൽ കുറിച്ചു. 'നമ്മൾ രണ്ട്​ നമ്മുക്ക്​ രണ്ട്' എന്ന ഹാഷ്​ടാഗും രാഹുൽ പങ്കുവച്ചു. സ്​റ്റേഡിയത്തിന്‍റെ പേര്​ മാറ്റിയതിനെ നിരവധിപേർ സമൂഹമാധ്യമങ്ങളിൽ പരിഹസിച്ചിട്ടുണ്ട്​.

Beautiful how the truth reveals itself.

Narendra Modi stadium
- Adani end
- Reliance end

With Jay Shah presiding.#HumDoHumareDo

— Rahul Gandhi (@RahulGandhi) February 24, 2021

'ഇന്നലെ മോദിജി സംസാരിച്ചത്​ നിസ്വാർഥതയെപറ്റിയായിരുന്നു. ഇന്നിപ്പോ മൊ​േട്ടര സ്​റ്റേഡിയത്തിന്‍റെ പേര്​ നരേന്ദ്രമോദി സ്​റ്റേഡിയം എന്നാക്കിയിരിക്കുന്നു' -ഒരാൾ ട്വിറ്ററിൽ കുറിച്ചു. 'സ്​റ്റേഡിയം മോടിപിടിപ്പിക്കാൻ കോടികൾ ചിലവഴിക്കാനുണ്ട്​. എന്നാൽ ജോലിയെപറ്റി ചോദിച്ചാൽ മൊത്തം പ്രതിസന്ധിയാണെന്ന്​ പറയും'-മാനവ്​ ഗുപ്​ത ക​ുറിച്ചു.

Refurbished #MoteraCricketStadium
has been built at an estimated cost of Rs 800 crore......But when we say #Modi_rojgar_do then India in BIG Crisis due to Covid 19 !! #मोदी_मतलब_देश_चौपट pic.twitter.com/IdPhpO2cIf

— 𝐌𝐚𝐧𝐚𝐯 𝐆𝐮𝐩𝐭𝐚® (@Manav_SS_Gupta) February 24, 2021

പേര്​ മാറ്റത്തിന്​ പിന്നാലെ​ രസകരമായ നിരവധി വിവരങ്ങൾ സമൂഹമാധ്യമങ്ങളിൽ പ്രചരിക്കുന്നുണ്ട്​​. സർദാർ വല്ലഭായ്​ പ​േട്ടലിന്‍റെ പേരിലുള്ള സ്​​റ്റേഡിയത്തിന്‍റെ പേരാണ്​ നരേന്ദ്ര മോദി എന്നാക്കി മാറ്റിയത്​. രാഷ്​ട്രപതി രാംനാഥ്​ കോവിന്ദാണ് ഇക്കാര്യം​ പ്രഖ്യാപിച്ചത്​. 1,10,000 സീറ്റുകളുള്ള ​സ്​റ്റേഡിയം ലോകത്തിലെ ഏറ്റവും വലിയ ക്രിക്കറ്റ്​ സ്​റ്റേഡിയമാണ്​. ഇന്ത്യ ഇംഗ്ലണ്ട്​ മൂന്നാം ടെസ്റ്റ്​ നടക്കുന്ന സ്​റ്റേഡിയത്തിൽ മൂന്നാം നിലയിലുള്ള അദാനി പവലിയനിന്‍റെ ടിക്കറ്റ്​ നിരക്ക്​ 2500 രൂപയാണ്​.

അദാനി പ്രീമിയം സ്റ്റാന്‍റിൽ ടിക്കറ്റ്​ ലഭിക്കണമെങ്കിൽ 1000 രൂപ മുടക്കണം. ഇതിനെ അപേക്ഷിച്ച്​ വില കുറവാണ്​ റിലയൻസ്​ പവലിയൻ ടിക്കറ്റിന്​. റിലയൻസിന്‍റെ കോർപ്പറേറ്റ്​ ബോക്​സിന്​ 500 രൂപ മുടക്കിയാൽ മതിയാകും. ഏറ്റവും താഴെയുള്ള റിലയൻ സ്റ്റാന്‍റിന്​ 300 രൂപയാണ്​ നിരക്ക്​. കോർപ്പറേറ്റ്​ ചങ്ങാത്തത്തിന്‍റെ പേരിൽ ജനകീയ വിചാരണ നേരിടുന്നയാളാണ്​ പ്രധാനമന്ത്രി നരേന്ദ്ര മോദി. അദാനി, റിലയൻസ്​ ഉടമകളും മോദിയും തമ്മിലുള്ള സൗഹൃദം പ്രശസ്​തമാണ്​.

King of Motera..!! pic.twitter.com/1aEqzFAIyM

— Veer Sorry Worker (@VeeryaSorry) February 24, 2021

ഇന്ത്യ-ഇംഗ്ലണ്ട്​ ക്രിക്കറ്റ്​ മത്സരത്തിന്​ മുന്നോടിയായി ഭൂമിപൂജയോടെയാണ്​ ഉദ്​ഘാടനചടങ്ങുകൾ നിർവഹിച്ചത്​. ആഭ്യന്തര മന്ത്രി അമിത്​ ഷാ, ബി.സി.സി.ഐ സെക്രട്ടറി ജയ്​ബഷാ, കായിക മന്ത്രി കിരൺ റിജിജു എന്നിവർ ചടങ്ങിൽ സന്നിഹിതരായിരുന്നു. ആൻജിയോപ്ലാസ്റ്റിക്​ ശേഷം വിശ്രമ ജീവിതം നയിക്കുന്ന ബി.സി.സി.ഐ പ്രസിഡന്‍റ്​ സൗരവ്​ ഗാംഗുലി ചടങ്ങിൽ സംബന്ധിച്ചില്ല.

ഇന്ത്യ-ഇംഗ്ലണ്ട്​ പരമ്പരയിലെ 3,4 ടെസ്റ്റുകളും അഞ്ച്​ ട്വന്‍റികളും ഈ സ്​​റ്റേഡിയത്തിലാണ്​ നടക്കുന്നത്​. 2020ൽ അമേരിക്കൻ പ്രസിഡന്‍റ്​ ഡോണൾഡ്​ ട്രംപ്​ ഇന്ത്യ സന്ദർശിച്ചപ്പോൾ വേദിയൊരുക്കിയത്​ മൊ​േട്ടര സ്​റ്റേഡിയത്തിലായിരുന്നു. നേരത്തേ ഡൽഹി ഫിറോസ്​ ഷാ കോട്​ല സ്​റ്റേഡിയത്തിന്​ അന്തരിച്ച കേന്ദ്രമന്ത്രി അരുൺ ജയ്​റ്റ്​ലിയുടെ പേര്​ നൽകിയിരുന്നു.