എന്നെ വെറുത്തതിലൂടെ പ്രതിപക്ഷം രാജ്യത്തെ വെറുത്തു -മോദി

ന്യൂഡൽഹി: തന്നെ വെറുത്തതിലൂടെ പ്രതിപക്ഷം ഇന്ത്യാ രാജ്യത്തെ വെറുത്തുവെന്ന്​ പ്രധാനമന്ത്രി നരേന്ദ്രമോദി. കേ ാൺഗ്രസ്​ നേതാക്കൾ ലണ്ടനിൽ വാർത്താസമ്മേളനം നടത്തി ഇന്ത്യയെ മോശമായി ചിത്രീകരിച്ചത്​ ഇതി​​​​​െൻറ ഭാഗമാണെന്നു ം മോദി ലോക്​ സഭയിൽ പറഞ്ഞു. തന്നെ വിമർശിക്കാം എന്നാൽ രാജ്യത്തെ വിമർശിക്കരുത്​. ത​​​​​െൻറ സർക്കാർ അഴിമതി മുക്ത മാണ്​. അഴിമതിക്കെതിരെ ശക്തമായ നടപടിയാണ്​ സ്വീകരിക്കുന്നത്​. തെരഞ്ഞെടുപ്പിൽ ആരോഗ്യകരമായ മത്സരത്തിന്​ തയാറാ ണെന്നും നരേന്ദ്ര മോദി കൂട്ടിച്ചേർത്തു.

ഇന്ത്യൻ വ്യോമസേനയെ ശക്തിപ്പെടുത്താൻ കോൺഗ്രസിന്​ താത്​പര്യമില്ല. അതുകൊണ്ടാണ്​ റഫാൽ ഇടപാട്​ വേണ്ടെന്ന്​വെക്കാൻ ആവശ്യപ്പെടുന്നത്​. ഭരണഘടനയെ ദുരുപയോഗം ചെയ്​തത്​ കോൺഗ്രസാണ്​. 1959ൽ അന്നത്തെ കേന്ദ്ര സർക്കാർ കേരളത്തിലെ കമ്മ്യൂണിസ്​റ്റ്​ സർക്കാറിനെ പിരിച്ചു വിട്ടു. അറുപത്​ വർഷങ്ങൾക്ക്​ ശേഷം ഇന്നും കേരളത്തിലെ സുഹൃത്തുക്കൾ അത്​ ഒാർക്കുന്നുവെന്നാണ്​ വിശ്വാസം. പിന്നെ എന്താണ്​ പരിശുദ്ധതയെന്നും എന്താണ്​ ഭരണഘടനാ സ്​ഥാപനങ്ങളോടുള്ള ബഹുമാനമെന്നും മോദി പരിഹാസത്തോടെ ചോദിച്ചു.

അഞ്ച്​ വർഷം അതിവേഗമാണ്​ ഭരണം മുന്നോട്ടു പോയത്​. കോൺഗ്രസ്​ 55 വർഷം ഭരിച്ചപ്പോൾ 38%ആയിരുന്നു ശൗചാലയങ്ങൾ ഉണ്ടായിരുന്നത്​. എന്നാൽ 55 മാസം കൊണ്ട്​ തങ്ങൾ അത്​ 98%ത്തിനടുത്തെത്തിച്ചു. 55 വർഷം കൊണ്ട് കോൺഗ്രസ്​ 12 കോടി​ പാചക വാതക കണക്ഷൻ നൽകിയപ്പോൾ 55 മാസം കൊണ്ട്​ തങ്ങൾ അത്​ 13 കോടിയാക്കി വർധിപ്പിച്ചുവെന്നും കഴിഞ്ഞ നാലര വർഷം കൊണ്ട്​ ഇന്ത്യ ഏറ്റവും വലിയ ആറാമത്തെ സമ്പദ്​ വ്യവസ്​ഥയായി മാറിയതായും മോദി അവകാശപ്പെട്ടു.

പാവപ്പെട്ട കുടുംബത്തിൽ ജനിച്ച്​ അവരുടെ സുൽത്താൻ ഭരണത്തിന്​ വെല്ലുവിളി ഉയർത്തി എന്നതാണ്​ അവർക്കു മുമ്പിൽ താൻ ചെയ്​ത തെറ്റ്​. ഇത്​ കോൺഗ്രസിന്​ ഒരിക്കലും സഹിക്കാനാവില്ലെന്നും മോദി പരിഹസിച്ചു. കോൺഗ്രസ്​ അവരുടെ നഷ്​ടത്തിൽ ഇലക്​ട്രോണിക്​ വോട്ടിങ്​ മെഷീനെ കുറ്റപ്പെടുത്തുകയാണ്​. അവർ തെരഞ്ഞെടുപ്പ്​ കമീഷ​​​​​െൻറ പവിത്രതയെ ചോദ്യം ചെയ്യുകയാണെന്നും മോദി ആരോപിച്ചു.