'മരിച്ചവരുടെ സമീപത്തുനിന്ന്​ ഓക്​സിജൻ സിലിണ്ടർ തട്ടിയെടുക്കും'; നാസിക്കിലെ ആശുപത്രിയിൽ അ​രങ്ങേറിയത്​ ദാരുണ സംഭവങ്ങൾ

മുംബൈ: മഹാരാഷ്​ട്രയിലെ നാസിക്കിൽ ഓക്​സിജൻ ടാങ്കർ ചോർന്ന്​ 24 കോവിഡ്​ രോഗികൾ മരിക്കാനിടയായ സംഭവത്തിൽ പുറത്തുവരുന്നത്​ ദാരുണ വിവരങ്ങൾ. സാക്കിർ ഹുസൈൻ ആശുപത്രിയിൽ ബുധനാഴ്ചയായിരുന്നു സംഭവം. വെൻറിലേറ്ററിൽ കഴിയുന്ന 24 രോഗികളാണ്​ മരണത്തിന്​ കീഴടങ്ങിയത്​. ഒാക്​സിജൻ ടാങ്കറിന്​ ചോർച്ച സംഭവിച്ചതോടെ വെന്‍റിലേറ്ററിലേക്കുള്ള ഓക്​സിജൻ വിതരണം തടസപ്പെടുകയായിരുന്നു.

നാസികിൽ കോവിഡ്​ രോഗിക​െള ചികിത്സിക്കുന്ന പ്രധാന ആശുപത്രികളിലൊന്നാണ്​ സാക്കിർ ഹുസൈൻ ആശുപത്രി. അത്യാസന്ന നിലയിലായ ഒരു രോഗി മരിച്ചുകഴിഞ്ഞ്​ നിമിഷങ്ങൾക്കകം അയാൾക്ക്​ ഘടിപ്പിച്ചിരുന്ന ഓക്​സിജൻ സിലിണ്ടറിനായി മറ്റു രോഗികളുടെ ബന്ധുക്കൾ വട്ടം കൂടുകയായിരുന്നുവെന്ന്​ 23കാരനായ വിക്കി ജാദവ്​ പറയുന്നു. മരണത്തിന്‍റെ ചൂടാറും മു​േമ്പ ആ ഒാക്​സിജൻ സിലിണ്ടർ തങ്ങളുടെ പ്രിയപ്പെട്ടവർക്ക്​ വേണ്ടി തട്ടിപ്പറിച്ചെടുക്കും. തന്‍റെ മുത്തശ്ശിക്ക്​ വേണ്ടി ഇത്തരത്തിൽ ഓക്​സിൻ സിലിണ്ടർ സംഘടിപ്പിച്ചെങ്കിലും ജീവൻ രക്ഷിക്കാനായില്ലെന്നും വിക്കി ജാദവ്​ പറയുന്നു.

വിക്കിയുടെ മുത്തശ്ശി 65കാരിയായ സുഗന്ദ തോറട്ടുൾപ്പെടെ 24 രോഗികളാണ്​ ഓക്​സിജൻ ചോർച്ചയെ തുടർന്ന്​ മരിച്ചത്​. 'നമ്മുടെ കൺമുമ്പിൽ ഒരാൾ മരിക്കുന്നതുകണ്ടാൽ മണിക്കൂറു​കളോളം അതിന്‍റെ ആഘാതമുണ്ടാകും. മരിച്ച രോഗികളുടെ സമീപത്തുനിന്ന്​ ഉടൻ തന്നെ ഓക്​സിജൻ സിലിണ്ടർ തട്ടിയെടുത്തുകൊണ്ടുപോകുന്നത്​ കണ്ടുനിൽക്കാൻ കഴിയില്ല. അവർ തങ്ങളുടെ പ്രിയപ്പെട്ടവർക്ക്​ വേണ്ടിയാകാം ഓക്​സിജൻ സംഘടിപ്പിക്കുന്നത്​. ഞാനും അത്തരത്തിൽ ശ്രമിച്ചിരുന്നു. പക്ഷേ യാതൊരു ഫലവുമുണ്ടായില്ല' -ജാദവ്​ പറയുന്നു.

രാവിലെ 10 മണിയോടെയാണ്​ വിക്കി സ​ുഗന്ദയെ കാണാനെത്തുന്നത്​. സുഗന്ദയുടെ ആരോഗ്യനില വഷളാകുകയും ഓക്​സിജന്‍റെ അളവ്​ 38ലെത്തുകയും ചെയ്​തിരുന്നു. അപ്പോൾ തന്നെ ഓക്​സിജൻ ലഭിക്കുന്നില്ലെന്ന്​ അധികൃതരെ വിവരമറിച്ചു. ഉടൻ തന്നെ അധികൃതരെത്തി അവ പരിശോധിക്കുകയും ഓക്​സിജൻ ചോർച്ച കണ്ടെത്തുകയുമായിരുന്നു.

ഓക്​സിജൻ ചോർച്ചയെ തുടർന്ന്​ മൂന്നാംനിലയിൽ ഇതോടെ പരിഭ്രാന്തി പടർന്നു. അത്യാസന്ന നിലയിലായ രോഗികൾക്കായി ജീവനക്കാർ മറ്റൊരു സിലിണ്ടറുകൾ അതേസമയം തന്നെ സംഘടിപ്പിച്ചിരുന്നു. എന്നാൽ ജംബോ സിലിണ്ടറുകൾ ഉയർന്ന അളവിലുള്ള ചോർച്ചക്ക്​ പകരമായില്ല. ഇതോടെ ശ്വാസതടസത്തെ തുടർന്ന്​ അത്യാസന്ന നിലയിലായ രോഗികൾ മരണത്തിന്​ കീഴടങ്ങുകയായിരുന്നു. ഡോക്​ടർമാരും നഴ്​സുമാരും രോഗികളുടെ ജീവൻ രക്ഷിക്കാൻ പരമാവധി ശ്രമിച്ചിരുന്നു. അപായ സൂചന ലഭിച്ചതോടെ രോഗികളുടെ ബന്ധുക്കൾ സ്​ഥലത്തെത്തി. തങ്ങളുടെ പ്രിയപ്പെട്ടവർക്ക്​ ഓക്​സിജൻ ലഭിക്കുന്നില്ലെന്ന്​ മനസിലായതോടെ മരിച്ചവരുടെ സമീപത്തുനിന്ന്​ ഓക്​സിജൻ എടുത്തുമാറ്റാൻ താനടക്കമുള്ള ബന്ധുക്കൾ ആഹ്വാനം ചെയ്യുകയുമായിരുന്നു -വിക്കി പറഞ്ഞു.

അപകട സാധ്യത അറിഞ്ഞതോടെ പലരും തങ്ങളുടെ ബന്ധുക്കളെ ഓ​ട്ടോറിക്ഷകളിലും സ്വകാര്യ വാഹനങ്ങളിലും മറ്റു ആശുപത്രികളിലെത്തിക്കാൻ ശ്രമിച്ചു. എന്നാൽ ഒരേ വാർഡിൽ സഹോദരനും മാതാവും ചികിത്സയിലുണ്ടായിരുന്ന നിതിൻ വേലുക്കറിനെപ്പോലുള്ളവർക്ക്​ അതിന്​ കഴിഞ്ഞില്ല.

'കോവിഡ്​ ബാധിച്ച്​ ചികിത്സയിലായിരുന്ന അമ്മയെ ഒരു ദിവസത്തിന്​ ശേഷവും സഹോദരൻ നാലുദിവസത്തിനുശേഷവും ആശുപത്രി വിടാൻ ഇരിക്കുകയായിരുന്നു. രാവിലെ ഭക്ഷണവുമായെത്തു​േമ്പാൾ സഹോദരന്​ യാതൊരു പ്രശ്​നങ്ങളുമില്ലായിരുന്നു. എന്നാൽ രണ്ടുമണിക്കൂറിന്​ ശേഷം കാര്യങ്ങൾ മാറിമറിഞ്ഞു. സഹ​ായത്തിനായി അപേക്ഷിച്ച്​ അവൻ എന്‍റെ കൺമുന്നിൽ മരിച്ചുവീണു. എനിക്ക്​ ഒന്നും ചെയ്യാൻ കഴിഞ്ഞില്ല' -45കാരനായ സഹോദര​െനക്കുറിച്ച്​ നിതിൻ വേലുക്കർ പറഞ്ഞു.

രോഗികളുടെ ജീവൻ രക്ഷിക്കാൻ തങ്ങളാൽ കഴിയുന്നതെല്ലാം ചെയ്​തുവെന്നായിരുന്നു ആശുപത്രി അധികൃതരുടെ പ്രതികരണം. സംഭവ സമയത്ത്​ 100ഓളം മറ്റു രോഗികളുടെ ജീവൻ ആശുപത്രി അധികൃതർക്ക്​ രക്ഷിക്കാൻ കഴിഞ്ഞതായും രോഗിയായ രാജേഷ്​ കനാഡെയുടെ ഭാര്യ ശ്രദ്ധ പറഞ്ഞു.