'കർഷകർ വിഷം കഴിച്ചാൽ ആശങ്കയില്ല; പക്ഷേ, അവർ പിസ്സ തിന്നാൽ അതു വാർത്തയാണ്'

ന്യൂഡൽഹി: കരിനിയമങ്ങൾക്കെതിരെ സമരം നടത്തുന്ന കർഷകർ പിസ്സ കഴിക്കുന്നത്​ ദേശീയ മാധ്യമങ്ങൾ ആക്ഷേപകരമായ വാർത്തയാക്കിയതിനെതിരെ സാമൂഹിക മാധ്യമങ്ങളിൽ പ്രതിഷേധം. വിള നശീകരണവും വിലക്കുറവും കാരണം ജീവിതം ദുരിതത്തിലായ കർഷകർ ആത്​മഹത്യ ചെയ്യാൻ വിഷം കഴിക്കു​േമ്പാൾ ആശങ്കപ്പെടാത്തവരാണ്​ അവർ പിസ്സ കഴിക്കുന്നുവെന്ന്​ ​േകൾക്കു​േമ്പാഴേക്ക്​ അത്​ വാർത്തയാക്കുന്നതെന്ന്​ ട്വിറ്ററാറ്റികൾ ചൂണ്ടിക്കാട്ടുന്നു.

'ആദ്യം ബിരിയാണി, ഇപ്പോൾ പിസ്സ: പ്രതിഷേധിക്കുന്ന കർഷകർക്ക്​ 'ആഡംബര' ഭക്ഷണം' എന്ന തലക്കെട്ടിലാണ്​ ദേശീയ മാധ്യമങ്ങൾ പലതും വാർത്ത നൽകിയത്​. ​കരിനിയമങ്ങൾക്കെതിരെ ഡൽഹി അതിർത്തിയിൽ വീറോടെ പ്രതിഷേധിക്കുന്ന കർഷകർക്ക്​ ഭക്ഷണവും മറ്റുമടക്കം നിരവധി സംഘടനകളാണ്​ സഹായ ഹസ്​തവുമായെത്തുന്നത്​. സമരക്കാർക്കിടയിൽ വയോധികർ ഏറെയുള്ളതിനാൽ രാജ്യാന്തര സന്നദ്ധ സംഘടനയായ ഖൽസ എയ്​ഡ്​ 'ഫൂട്​ മസാജ്​ സെൻറർ' അടക്കം തുടങ്ങിയിട്ടുണ്ട്​.

ഇത്തരത്തിൽ ബർമിയിൽനിന്നുള്ള ഭാരതീയ കിസാൻ യൂനിയൻ പ്രവർത്തകർ ഭക്ഷണമായി പിസ്സ നൽകുന്നതിനെയാണ്​ ചില മാധ്യമങ്ങളും സംഘ്​പരിവാർ അനുകൂലികളും ചോദ്യം ചെയ്യുന്നത്​. യഥാർഥ കർഷകർ പാടത്താ​ണെന്നും ഡൽഹി അതിർത്തിയിൽ നടക്കുന്നത്​ പ്രതിഷേധമല്ല, പിസ്സ പാർട്ടിയാണെന്നും സംഘ്​പരിവാർ കേന്ദ്രങ്ങൾ ആരോപിക്കുന്നു.

ഇതിന്​ ചുട്ട മറുപടിയാണ്​ ട്വിറ്റർ അടക്കമുള്ള സാമൂഹിക മാധ്യമങ്ങളിൽ ഉയരുന്നത്​. സംഘ്​പരിവാർ ചായ്​വുള്ള 'ഗോഡി മീഡിയ' സമരത്തെ താറടിച്ചുകാട്ടാൻ മനഃപൂർവം നടത്തുന്ന ശ്രമമായി ഇതിനെ പലരും ചൂണ്ടിക്കാട്ടുന്നു. സമരത്തിന്​ ലഭിക്കുന്ന അഭൂതപൂർവമായ പിന്തുണയിൽ വിറളിപൂണ്ടാണ്​ ഏതുവിധേനയും ഇകഴ്​ത്തിക്കാട്ടാനുള്ള ശ്രമമെന്നും പ്രതിഷേധത്തിന്​ പിന്തുണ നൽകുന്നവർ പറയുന്നു.

'വിഷം കഴ​ിക്കുന്ന കർഷകർ ഒരിക്കലും​ ആശങ്കയായിരുന്നില്ല, പക്ഷേ, അവർ പിസ്സ കഴിക്കു​േമ്പാൾ അത്​ വാർത്തയാണ്​' എന്ന്​ കറുപ്പ്​ പ്രതലത്തിൽ എഴുതിയ കുറിപ്പാണ്​ സോഷ്യൽ മീഡിയയിൽ വൈറലായി ഷെയർ ചെയ്യപ്പെടുന്നത്​. നടനും ഗായകനുമായ ദിൽജിത്​ ദോസഞ്ച്​ ഷെയർ ചെയ്​ത ഈ കുറിപ്പിന്​ ഒന്നര മണിക്കൂറിനകം 30000ത്തോളം ലൈക്കാണ്​ ലഭിച്ചത്​.