പി​ന്നാ​ക്ക, ന്യൂ​ന​പ​ക്ഷ ക​മീ​ഷ​ൻ നി​യ​മ​നം  വൈ​കു​ന്ന​തി​ൽ പ്ര​തി​ഷേ​ധം

ന്യൂഡൽഹി: മോദി സർക്കാർ രാജ്യത്തെ പട്ടികജാതി^പട്ടിക വർഗക്കാർക്കും ന്യൂനപക്ഷ, പിന്നാക്ക ജനവിഭാഗങ്ങൾക്കും എതിരാണെന്നതി​െൻറ തെളിവാണ് ഈ ജനവിഭാഗങ്ങൾക്കുള്ള ദേശീയ കമീഷനുകളുടെ പുനഃസംഘടന വൈകിക്കുന്നതെന്ന് കൊടിക്കുന്നിൽ സുരേഷ് എം.പി ലോക്സഭയിൽ കുറ്റപ്പെടുത്തി. ഭരണഘടന സ്ഥാപനമായ ദേശീയ പട്ടികജാതി കമീഷൻ ചെയർമാ​െൻറയും മെംബർമാരുടെയും കാലാവധി അവസാനിച്ചിട്ടും പുതിയ ചെയർമാനെയും അംഗങ്ങളെയും നിയമിച്ചിട്ടില്ലെന്നും കൊടിക്കുന്നിൽ ചൂണ്ടിക്കാട്ടി. 
 

ആക്ഷേപം നിഷേധിച്ച  കേന്ദ്ര സാമൂഹികനീതി മന്ത്രി താവർചന്ദ് െഗലോട്ട്, ഒഴിവുവന്ന കമീഷനുകളിൽ ചെയർമാന്മാരെയും മെംബർമാരെയും നിയമിക്കാൻ സർക്കാർ നടപടി സ്വീകരിച്ചുവരുകയാണെന്ന് വിശദീകരിച്ചു. നൂറുകണക്കിന് കേസുകൾ കമീഷ​െൻറ  മുന്നിൽ കെട്ടിക്കിടക്കുകയാണെന്ന് കൊടിക്കുന്നിൽ പറഞ്ഞു. ജാതി സർട്ടിഫിക്കറ്റ്, സ്കോളർഷിപ് തുടങ്ങിയവക്കുള്ള അപേക്ഷകൾ ലഭിക്കുന്നില്ല.  ദേശീയ പട്ടികവർഗ കമീഷ​െൻറ സ്ഥിതിയും മറിച്ചല്ല.

ദേശീയ ന്യൂനപക്ഷ കമീഷ​െൻറ പ്രവർത്തനം നിലച്ചിട്ട് മാസങ്ങളായി. പുതിയ  ചെയർമാ​െൻറയും അംഗങ്ങളുടെയും നിയമനം അനാവശ്യമായി നീട്ടിക്കൊണ്ടുപോകുകയാണ് കേന്ദ്ര സർക്കാർ.  മുസ്ലിം, ക്രിസ്ത്യൻ, സിഖ് മതത്തിൽപെട്ട ജനവിഭാഗങ്ങളാണ് ദേശീയ ന്യൂനപക്ഷ കമീഷന് കീഴിൽ വരുന്നത്.
 ദേശീയ പിന്നാക്ക കമീഷ​െൻറ സ്ഥിതിയും ഇതുതന്നെ. ബി.ജെ.പി സർക്കാർ കേന്ദ്രത്തിൽ അധികാരത്തിൽവന്ന കാലയളവിലെല്ലാം പട്ടികജാതി, പിന്നാക്ക, ദലിത്, ന്യൂനപക്ഷക്ഷേമ പ്രവർത്തനങ്ങൾ അട്ടിമറിക്കുകയും ഭരണഘടനാപരമായ അവകാശങ്ങൾ നിഷേധിക്കുകയുമാണ് ഉണ്ടായിട്ടുള്ളത്. സവർണവർഗത്തി​െൻറ താൽപര്യങ്ങൾ സംരക്ഷിക്കുകയും കോർപറേറ്റുകളുടെ താളത്തിനൊത്ത് തുള്ളുകയും ചെയ്യുന്ന മോദി സർക്കാറിന് ദലിത്, പിന്നാക്ക, ന്യൂനപക്ഷ േപ്രമം പ്രസംഗത്തിൽ മാത്രമേയുള്ളൂവെന്നും കൊടിക്കുന്നിൽ സുരേഷ് ചൂണ്ടിക്കാട്ടി.