സർക്കാർ ഓഫീസുകളിലും വിദ്യാഭ്യാസ സ്ഥാപനങ്ങളിലും വന്ദേമാതരം നിർബന്ധമാക്കി മദ്രാസ് ഹൈകോടതി

ചെ​ന്നൈ: ത​മി​ഴ്​​നാ​ട്ടി​ലെ എ​ല്ലാ സ​ർ​ക്കാ​ർ ഒാ​ഫി​സു​ക​ളി​ലും വി​ദ്യാ​ഭ്യാ​സ സ്​​ഥാ​പ​ന​ങ്ങ​ളി​ലും സ്വ​കാ​ര്യ ക​മ്പ​നി​ക​ളി​ലും ഫാ​ക്​​ട​റി​ക​ളി​ലും വ​ന്ദേ​മാ​ത​രം നി​ർ​ബ​ന്ധ​മാ​ക്കി മ​ദ്രാ​സ്​ ഹൈ​കോ​ട​തി സിം​ഗി​ൾ ബെ​ഞ്ചി​​െൻറ വി​ധി. 

വ​ന്ദേ​മാ​ത​രം ആ​ദ്യ​മാ​യി എ​ഴു​തി​യ​ത്​ ബം​ഗാ​ളി​യി​ലോ സം​സ്​​കൃ​ത​ത്തി​ലോ എ​ന്ന പ​രീ​ക്ഷ ചോ​ദ്യ​വു​മാ​യി ബ​ന്ധ​പ്പെ​ട്ട്​ ഹ​ര​ജി​യി​ൽ തീ​ർ​പ്പു​ക​ൽ​പി​ക്ക​വെ​യാ​ണ്​ രാ​ജ്യ​സ്​​നേ​ഹ​ത്തി​​െൻറ സ​ന്ദേ​ശം എ​ല്ലാ​വ​രി​ലും വ​ള​ർ​ത്തി​യെ​ടു​ക്ക​ണ​മെ​ന്ന്​ ചൂ​ണ്ടി​ക്കാ​ട്ടി ജ​സ്​​റ്റി​സ്​ എം.​വി. മു​ര​ളീ​ധ​ര​ൻ ഉ​ത്ത​ര​വ്​ പു​റ​പ്പെ​ടു​വി​ച്ച​ത്. സ്​​കൂ​ളു​ക​ളി​ലും കോ​ള​ജു​ക​ളി​ലും സ​ർ​വ​ക​ലാ​ശാ​ല​ക​ളി​ലും  ആ​ഴ്ച​യി​ലൊ​രി​ക്ക​ൽ നി​ർ​ബ​ന്ധ​മാ​യും വ​ന്ദേ​മാ​ത​രം ആ​ല​പി​ക്ക​ണ​മെ​ന്നും തി​ങ്ക​ളാ​ഴ്ച​യോ വെ​ള്ളി​യാ​ഴ്ച​യോ ആ​ണ് ഉ​ചി​ത​മെ​ന്നും കോ​ട​തി പ​റ​ഞ്ഞു. 

സ​ർ​ക്കാ​ർ ഒാ​ഫി​സു​ക​ളി​ലും സ്വ​കാ​ര്യ ക​മ്പ​നി​ക​ളി​ലും ഫാ​ക്​​ട​റി​ക​ളി​ലും ചെ​റു​തും വ​ലു​തു​മാ​യ  തൊ​ഴി​ൽ​ശാ​ല​ക​ളി​ലും മാ​സ​ത്തി​ലൊ​രി​ക്ക​ൽ വ​ന്ദേ​മാ​ത​രം ആ​ല​പി​ക്ക​ണ​മെ​ന്നും കോ​ട​തി വി​ധി​ച്ചു. ബം​ഗാ​ളി​യി​ലോ സം​സ്കൃ​ത​ത്തി​ലോ പാ​ടാ​ൻ ക​ഴി​യാ​ത്ത​വ​ർ​ക്കാ​യി ത​മി​ഴി​ലേ​ക്കു മൊ​ഴി മാ​റ്റ​ണം.  വ​​ന്ദേ​മാ​ത​രം ​പ്ര​ച​രി​പ്പി​ക്കാ​ൻ ത​മി​ഴി​ലും  ഇം​ഗ്ലീ​ഷി​ലു​മു​ള്ള വി​വ​ർ​ത്ത​ന പ​തി​പ്പ്​ സ​ർ​ക്കാ​ർ പ്ര​സി​ദ്ധീ​ക​ര​ണ​ങ്ങ​ളി​ലും വെ​ബ്​​സൈ​റ്റു​ക​ളി​ലും സാ​മൂ​ഹി​ക മാ​ധ്യ​മ​ങ്ങ​ളി​ലും ന​ൽ​കാ​ൻ പ​ബ്ലി​ക്​​ ഇ​ൻ​ഫ​ർ​മേ​ഷ​ൻ ഡ​യ​റ​ക്​​ട​റോ​ട്​ കോ​ട​തി നി​ർ​ദേ​ശി​ച്ചു.  കോ​ട​തി വി​ധി ന​ട​പ്പാ​ക്കു​ന്ന​തി​നു​ള്ള ന​ട​പ​ടി​ക​ൾ സ്വീ​ക​രി​ക്കാ​ൻ ചീ​ഫ് സെ​ക്ര​ട്ട​റി​ക്കു കോ​ട​തി നി​ർ​ദേ​ശം ന​ൽ​കി. ദേ​ശ​സ്നേ​ഹം രാ​ജ്യ​ത്തെ എ​ല്ലാ പൗ​ര​ന്മാ​ർ​ക്കു​മു​ണ്ടാ​കേ​ണ്ട അ​ടി​സ്ഥാ​ന ഗു​ണ​മാ​ണ്. ദേ​ശീ​യ​ഗീ​ത​ത്തെ ആ​ദ​രി​ക്ക​ൽ ഭ​ര​ണ​ഘ​ട​നാ ബാ​ധ്യ​ത​യാ​ണ്. രാ​ജ്യ​ത്തെ എ​ല്ലാ പൗ​ര​ന്മാ​രും വി​ധി​യു​ടെ  അ​ന്തഃ​സ​ത്ത ഉ​ൾ​ക്കൊ​ള്ളു​മെ​ന്ന പ്ര​തീ​ക്ഷ​യോ​ടെ​യാ​ണ്​ വി​ധി​ന്യാ​യം അ​വ​സാ​നി​ക്കു​ന്ന​ത്.  സ്കൂ​ളു​ക​ളി​ൽ വ​ന്ദേ​മാ​ത​രം നി​ർ​ബ​ന്ധ​മാ​ക്ക​ണ​മെ​ന്ന ഹ​ര​ജി അ​ടു​ത്ത മാ​സം 25നു ​വീ​ണ്ടും പ​രി​ഗ​ണി​ക്കാ​നി​രി​ക്കേ​യാ​ണ്​  വി​ധി.  

വ​ന്ദേ​മാ​ത​രം എ​ഴു​തി​യ​ത്​ ബം​ഗാ​ളി​യി​ൽ 

ബ​ങ്കിം​ച​ന്ദ്ര ചാ​റ്റ​ർ​ജി വ​ന്ദേ​മാ​ത​രം എ​ഴു​തി​യ​തു ബം​ഗാ​ളി​യി​ലാ​ണെ​ന്നു കോ​ട​തി വി​ധി​ച്ചു. ബം​ഗാ​ളി​യി​ൽ എ​ഴു​തു​ക​യും പി​ന്നീ​ട്​ സം​സ്​​കൃ​ത​ത്തി​ലേ​ക്ക്​ മൊ​ഴി​മാ​റ്റു​ക​യു​മാ​ണു​ണ്ടാ​യ​തെ​ന്ന്​ ഹ​ര​ജി​ക്കാ​ര​​െൻറ വാ​ദം കോ​ട​തി അം​ഗീ​ക​രി​ച്ചു. സ​ർ​ക്കാ​ർ അ​ഭി​ഭാ​ഷ​ക​​െൻറ മ​റി​ച്ചു​ള്ള സ​ത്യ​വാ​ങ്​​മൂ​ലം കോ​ട​തി ത​ള്ളി.   സം​സ്ഥാ​ന  സ​ർ​ക്കാ​റി​​െൻറ അ​ധ്യാ​പ​ക റി​ക്രൂ​ട്ട്മ​െൻറ്​ ബോ​ർ​ഡ്  പ​രീ​ക്ഷ​യെ​ഴു​തി​യ കെ. ​വീ​ര​മ​ണി​യു​ടെ ഹ​ര​ജി തീ​ർ​പ്പാ​ക്കി​ക്കൊ​ണ്ടാ​ണ്​   വി​ധി.

വ​ന്ദേ​മാ​ത​രം എ​ഴു​തി​യ​ത് ഏ​തു ഭാ​ഷ​യി​ലാ​ണെ​ന്നാ​യി​രു​ന്നു പ​രീ​ക്ഷ​യി​ലെ ചോ​ദ്യം. ബം​ഗാ​ളി  എ​ന്ന്​  വീ​ര​മ​ണി ഉ​ത്ത​ര​മെ​ഴു​തി. ഉ​ത്ത​ര സൂ​ചി​ക​യി​ൽ ശ​രി​യു​ത്ത​രം സം​സ്കൃ​ത​മാ​യി​രു​ന്നു. വീ​ര​മ​ണി​ക്ക്​ മാ​ർ​ക്ക് 89. റാ​ങ്ക് ലി​സ്​​റ്റി​ൽ ഉ​ൾ​പ്പെ​ടു​ന്ന​തി​നു​ള്ള ക​ട്ട്ഓ​ഫ് മാ​ർ​ക്ക് 90. ബം​ഗാ​ളി​യെ​ന്ന ഉ​ത്ത​രം ശ​രി​യാ​ണെ​ന്നും അ​തി​നാ​ൽ റാ​ങ്ക് പ​ട്ടി​ക​യി​ൽ ഉ​ൾ​പ്പെ​ടു​ത്താ​ൻ ന​ട​പ​ടി വേ​ണ​മെ​ന്നും ആ​വ​ശ്യ​പ്പെ​ട്ടാ​ണ്​ വീ​ര​മ​ണി കോ​ട​തി​യെ സ​മീ​പി​ച്ച​ത്.  ശ​രി​യു​ത്ത​ര​ത്തി​​െൻറ മാ​ർ​ക്കു കൂ​ടി ന​ൽ​കി വീ​ര​മ​ണി​യെ റാ​ങ്ക് പ​ട്ടി​ക​യി​ൽ ഉ​ൾ​പ്പെ​ടു​ത്താ​നും ജ​സ്​​റ്റി​സ്​  മു​ര​ളീ​ധ​ര​ൻ ഉ​ത്ത​ര​വി​ട്ടു.