അമേത്തിയിൽ സാരിയും ഷൂസും വിതരണം ചെയ്​ത സ്​മൃതി ഇറാനിയെ വിമർശിച്ച്​ പ്രിയങ്ക

അമേത്തി: അമേത്തിയിലെ ജനങ്ങൾക്ക്​ സാരിയും ഷൂസും വിതരണം ചെയ്ത കേന്ദ്ര മന്ത്രി ​സ്​മൃതി ഇറാനിയെ രൂക്ഷമായി വിമർ ശിച്ച്​ കിഴക്കൻ യു.പിയുടെ ചുമതലയുള്ള കോൺഗ്രസ്​ ജനറൽ സെക്രട്ടറി പ്രിയങ്ക ഗാന്ധി. ജനങ്ങളുടെ പ്രശ്​നങ്ങളെ അടിച ്ചമർത്താനല്ല അവ പരിഹരിക്കുന്നതിനുള്ളതാണ്​ ദേശീയതയെന്ന്​ പ്രിയങ്ക വ്യക്​തമാക്കി.

കോൺഗ്രസിൻെറ ശക്​തി കേന്ദ്രങ്ങളായ അമേത്തിയിലെയും റായ്​ബ​േറലിയിലേയും ജനങ്ങൾ അഭിമാനമുള്ളവരാണ്​. മാധ്യമങ്ങളുടെ സാന്നിധ്യത്തിൽ സൗജന്യങ്ങൾ നൽകുന്നത്​ തെറ്റാണ്​. ജനങ്ങളുടെ പ്രശ്​നങ്ങൾ വ്യക്​തമാണ്​. അവർക്ക്​ ജോലി, വിദ്യാഭ്യാസം, സ്​ത്രീ സുരക്ഷ, ആരോഗ്യം എന്നിവയാണ്​ ആവശ്യം. ജനങ്ങളുടെ ഇത്തരം പ്രശ്​നങ്ങൾക്ക്​ പരിഹാരം കാണാനാണ്​ ദേശീയത. ഇവിടെ ബി.ജെ.പി ജനങ്ങളെ കേൾക്കുന്നില്ല. ജനങ്ങൾ അവരുടെ പ്രശ്​നങ്ങൾ ഉയർത്തു​േമ്പാൾ അവ മൂടിവെക്കാനാണ്​ ബി.ജെ.പി ശ്രമിക്കുന്നത്​. ഇത്​ ജനാധിപത്യമോ ദേശീയതയോ അല്ല -പ്രിയങ്ക പറഞ്ഞു.

മാധ്യമങ്ങൾക്ക്​ മുന്നിൽ വെച്ച്​ ജനങ്ങൾക്ക്​ സാരിയും ഷൂസും പണവും നൽകി തെരഞ്ഞെടുപ്പിൽ മത്​സരിക്കുന്ന രീതി തെറ്റാണ്​. അമേത്തിലെ ജനങ്ങൾ ഒരിക്കലും ആരുടെ മുന്നിലും യാചിക്കില്ല. 12 വയസുള്ളപ്പോഴാണ്​ താൻ അമേത്തിയിലെത്തിയത്​. അ​േമത്തിയിലെയും റായ്​ബറേലിയിലെയും ജനങ്ങൾ അഭിമാനമുള്ളവരാണെന്നും പ്രിയങ്ക കൂട്ടിച്ചേർത്തു.