ഒഡീഷയിൽ നക്​സൽ കമാൻഡറെ കൊലപ്പെടുത്തി

ഭുവനേശ്വർ: ഒഡീഷയിലെ മൽകാൻഗിരിയിൽ സുരക്ഷാ സേനയുമായി നടന്ന ഏറ്റുമുട്ടലിൽ നക്​സൽ കമാൻഡറെ കൊലപ്പെടുത്തി. ചിത്രകൊണ്ട പൊലീസ്​ സ്​റ്റേഷൻ പരിധിയിലുള്ള വനമേഖലയിൽ ഡിസ്​ട്രിക്​റ്റ്​ വളണ്ടറി ഫോഴ്​സ്​ നടത്തിയ ഏറ്റുമുട്ടലിനൊടുവിലാണ്​ നക്​സൽ കമാൻഡർ കൊലപ്പെട്ടത്​​. ഇയാളിൽ നിന്ന്​ സ്​ഫോടക വസ്​തുക്കൾ കണ്ടെടുത്തതായി പൊലീസ്​ അറിയിച്ചു. കൂടുതൽ നക്​സലുകൾക്കായി സേന തെര​ച്ചിൽ തുടരുകയാണ്​.

വ്യാഴാഴ്​ച ഛത്തിസ്​ഗഢിലെ സുഖ്​മ ജില്ലയിൽ ഡിസ്​ട്രിക്​റ്റ്​ ഫോഴ്​സ്​ നടത്തിയ തെരച്ചിലിൽ 13 നക്​സലുകളെ അറസ്​റ്റു ചെയ്​തിരുന്നു. 
കഴിഞ്ഞ വർഷം നവംബറിൽ ഒഡീഷയിലെ മൽകാൻഗിരി പൊലീസ്​ സ്​റ്റേഷനിൽ 77 സ്​ത്രീകൾ ഉൾപ്പെടെ 222 നക്​സലുകൾ കീഴടങ്ങിയിരുന്നു.