ആറു വർഷം മുൻപ് വിവാഹം രജിസ്റ്റർ ചെയ്തു -പ്രതികരിച്ച് നയൻതാരയും വിഘ്നേഷും

ചെന്നൈ: വിവാഹം കഴിഞ്ഞ് നാലു മാസത്തിനുള്ളിൽ വാടക ഗർഭധാരണത്തിലൂടെ അമ്മയായതിൽ നിയമപ്രശ്നങ്ങൾ ഇല്ലെന്ന് ദക്ഷിണേന്ത്യൻ നടി നയൻതാരയും ഭർത്താവ് വിഘ്നേഷ് ശിവനും. ആറു വർഷം മുൻപ് വിവാഹം രജിസ്റ്റർ ചെയ്തിരുന്നുവെന്നും കഴിഞ്ഞ ഡിസംബറിലാണ് വാടക ഗർഭധാരണത്തിന് നടപടികൾ തുടങ്ങിയതെന്നും താരദമ്പതികൾ തമിഴ്നാട് ആരോഗ്യ വകുപ്പിന് നൽകിയ സത്യവാങ്മൂലത്തിൽ അറിയിച്ചു.

വിവാഹ രജിസ്റ്റർ രേഖകളും ഇതോടൊപ്പം സമർപ്പിച്ചിട്ടുണ്ട്. വിവാഹം കഴിഞ്ഞ് ആറു വർഷം കഴിയാതെ വാടക ഗർഭധാരണത്തിന് നിലവിൽ നിയമം അനുവദിക്കുന്നില്ല. കുഞ്ഞുങ്ങൾ ജനിച്ച വിവരം പുറത്തു വന്നതിനു പിന്നാലെ ഇക്കാര്യം ചൂണ്ടികാണിച്ച് തമിഴ്നാട് സർക്കാർ അന്വേഷണം പ്രഖ്യാപിച്ചത്. ആരോഗ്യ വിദ്യാഭ്യാസ ഡയറക്ടറുടെ നേതൃത്വത്തിലുള്ള സംഘമാണ് വാടക ഗർഭധാരണത്തിനുള്ള നിയമങ്ങൾ താരം ലംഘിച്ചോയെന്ന് അന്വേഷിക്കുന്നത്. ചെന്നൈയിലെ വന്ധ്യതാ ക്ലിനിക്കിൽ വച്ചാണ് പ്രസവം നടന്നതെന്ന വിവരം നേരത്തെ പുറത്തായിരുന്നു. ദുബൈയിൽ താമസിക്കുന്ന മലയാളിയാണ് വാടക ഗർഭം ധരിച്ചതന്നെ വിവരവും പുറത്തുവന്നിട്ടുണ്ട്.

വാ​ട​ക ഗ​ർ​ഭ​ധാ​ര​ണ നി​യ​മ​ങ്ങ​ൾ പാ​ലി​ച്ചാ​ണോ താ​ര​ദ​മ്പ​തി​ക​ൾ കു​ഞ്ഞു​ങ്ങ​ളെ സ്വ​ന്ത​മാ​ക്കി​യ​തെ​ന്ന് വ്യക്തമാക്കാൻ സർക്കാർ ആവശ്യപ്പെട്ടിരുന്നു. ഇ​തു സം​ബ​ന്ധി​ച്ച്​ സം​സ്ഥാ​ന മെ​ഡി​ക്ക​ൽ കോ​ള​ജ്​ ഡ​യ​റ​ക്ട​റേ​റ്റ്​ ഇ​വ​രോ​ട്​ വി​ശ​ദീ​ക​രണം തേടിയിരുന്നു.

2022 ജ​നു​വ​രി 25 മു​ത​ൽ രാ​ജ്യ​ത്ത്​ വാ​ണി​ജ്യാ​ടി​സ്ഥാ​ന​ത്തി​ൽ വാ​ട​ക ഗ​ർ​ഭ​ധാ​ര​ണം നി​യ​മ​പ​ര​മാ​യി നി​രോ​ധി​ച്ചി​ട്ടു​ണ്ട്. 21-36 വ​യ​സ്സ്​ പ്രാ​യ​മു​ള്ള വി​വാ​ഹി​ത​ക്ക്​ ഭ​ർ​ത്താ​വി​ന്‍റെ സ​മ്മ​ത​ത്തോ​ടെ മാ​ത്ര​മെ അ​ണ്ഡം ദാ​നം ചെ​യ്യാ​നാ​വൂ. വി​വാ​ഹം ക​ഴി​ഞ്ഞ്​ അ​ഞ്ചു​ വ​ർ​ഷം പൂ​ർ​ത്തി​യാ​യി​ട്ടും കു​ഞ്ഞു​ണ്ടാ​വാ​ത്ത നി​ല​യി​ൽ മാ​ത്ര​മെ വാ​ട​ക ഗ​ർ​ഭ​ധാ​ര​ണ​ത്തി​ന്​ അ​നു​മ​തി​യു​ള്ളു. വാ​ട​ക ഗ​ർ​ഭ​ധാ​ര​ണം ന​ട​ത്തു​ന്ന സ്ത്രീ​ക്ക്​ ദ​മ്പ​തി​ക​ളു​മാ​യി ജ​നി​ത​ക ബ​ന്ധ​മു​ണ്ടാ​യി​രി​ക്ക​ണം. ഇ​ത്ത​രം നി​ര​വ​ധി നി​ബ​ന്ധ​ന​ക​ൾ നി​ല​നി​ൽ​ക്കെ ന​യ​ൻ​താ​ര​ക്കും വി​ഗ്​​നേ​ഷ്​ ശി​വ​നും വി​വാ​ഹം ക​ഴി​ഞ്ഞ്​ നാ​ലു മാ​സ​ത്തി​ന​കം വാ​ട​ക ഗ​ർ​ഭ​ധാ​ര​ണം സാ​ധ്യ​മാ​യ​താ​ണ്​ വി​വാ​ദ​മാ​യത്. കഴിഞ്ഞ ജൂ​ണി​ലാ​ണ്​ ന​യ​ൻ​താ​ര​യും വി​ഗ്​​നേ​ഷും വി​വാ​ഹി​ത​രാ​യ​ത്.