എൻ.സി.ബി ചെറിയ മീനുക​െള പിടിക്കുന്ന തിരക്കിൽ; അദാനിയുടെ തുറമുഖത്തുനിന്ന്​ മയക്കുമരുന്ന്​ പിടികൂടിയതിൽ മൗനം -ഷമ മുഹമ്മദ്​

ന്യൂഡൽഹി: ആഡംബര കപ്പലിലെ ലഹരി കേസുമായി ബന്ധപ്പെട്ട്​ നാർക്കോട്ടിക്​ കൺട്രോൾ ബ്യൂറോ ചെറിയ മീനുക​െള പിടിക്കുന്ന തിരക്കിലാണെന്ന്​ കോൺഗ്രസ്​ നേതാവ്​ ഡോ. ഷമ മുഹമ്മദ്​. അതേസമയം ഗുജറാത്തിൽ അദാനിയുടെ ഉടമസ്​ഥതയിലുള്ള മുന്ദ്ര തുറമുഖത്തുനിന്ന്​ 3000 കിലോ ഹെറോയ്​ൻ പിടിച്ചെടുത്ത സംഭവത്തിൽ മൗനംപാലിക്കുകയാണെന്നും അവർ പറഞ്ഞു.

'ആഡംബര കപ്പലിലെ മയക്കുമരുന്ന്​ കേസുമായി ബന്ധ​െപ്പട്ട്​ ചെറിയ മീനുകളെ പിടിക്കുന്ന തിരക്കിലാണ്​ എൻ.സി.ബി. എന്നാൽ അദാനിയുടെ മുന്ദ്ര തുറമുഖത്തുനിന്ന്​ 3000 കിലോഗ്രാം ഹെറോയ്​ൻ പിടിച്ചെടുത്ത സംഭവത്തിലെ വലിയ മീനുകളെ പിടിക്കുന്നതിൽ എൻ.സി.ബി മൗനത്തിലാണ്​. എന്തുകൊണ്ടാണ്​ എൻ.സി.പി മയക്കുമരുന്ന്​ മാഫയിയയിലെ രാജാക്കൻമാരെ പിടികൂടാത്തത്​. അത്​ ആരുടെ ഉത്തരവിലാണ്​?' -ഷമ ചോദിച്ചു.

മുംബൈ ആഡംബര കപ്പലിലെ ലഹരി കേസുമായി ബന്ധപ്പെട്ടായിരുന്നു ഷമയുടെ പ്രതികരണം. ബോളിവുഡ്​ താരം ഷാരൂഖ്​ ഖാന്‍റെ മകൻ ആര്യൻ ഖാൻ ഉൾപ്പെടെ എട്ടുപേരാണ്​ ഇതിൽ ഉൾപ്പെട്ടിരിക്കുന്നത്​. ഇവരുടെ അറസ്റ്റ്​ കഴിഞ്ഞദിവസം രേഖപ്പെടുത്തിയിരുന്നു.

അദാനിയുടെ ഗുജറാത്തിലെ തുറമുഖത്തുനിന്ന്​ 3000 കോടി ഹെറോയ്​ൻ പിടികൂടിയിരുന്നു. രണ്ട്​ കണ്ടെയ്​നറുകളിലായാണ്​ മയക്കുമരുന്ന്​ എത്തിയത്​. തീവ്രവാദ പ്രവർത്തനങ്ങൾക്ക്​ പണം കണ്ടെത്താനാണ്​ ലഹരി കടത്തെന്ന സൂചനകൾ ഉയർന്നിരുന്നു. അതേസമയം ഗുജറാത്തും കേന്ദ്രവും ഭരിക്കുന്ന ബി.ജെ.പി സർക്കാർ പ്രതി​രോധത്തിലാകുകയും ചെയ്​തിരുന്നു. സംഭവത്തിൽ വിദേശികളക്കം എട്ടുപേരാണ്​ പിടിയിലായത്​. അന്തരാഷ്​ട്ര വിപണയിൽ 21,000 കോടി രൂപ വിലവരും പിടിച്ചെടുത്തവക്ക്​. ഇറാനിലെ ബന്ദർ അബ്ബാസ്​ തുറമുഖത്തുനിന്ന്​ വിജയവാഡയിലെ ആഷി ട്രേഡിങ്​ കമ്പനിയുടെ പേരിലാണ്​ കണ്ടെയ്​നർ എത്തിയത്​.