മഹാരാഷ്​ട്ര പൊലീസിൽ 24 മണിക്കൂറിനിടെ 80 പേർക്ക്​ കോവിഡ്​

മുംബൈ: കഴിഞ്ഞ 24 മണിക്കൂറിനിടെ മഹാരാഷ്​ട്ര പൊലീസിലെ 80 പേർക്ക്​ കോവിഡ്​ സ്ഥിരീകരിച്ചു. ഇതോടെ ​സംസ്ഥാന​ത്തെ പൊലീസ്​ സേനയിലെ കോവിഡ്​ ബാധിതരുടെ എണ്ണം 1889 ആയി. 

1,031 പേർ ചികിത്സയിലാണ്​. 838 പേർ രോഗമുക്തരായി. രണ്ട്​ പേർ കൂടി കോവിഡ്​ ബാധിച്ച്​ മരിച്ചതോടെ സേനയിൽ രോഗം ബാധിച്ച്​ മരിച്ചവരുടെ എണ്ണം 20 ആയി.

കോവിഡ്​ അതിവേഗംപടർന്നു പിടിച്ചതോടെ മഹാരാഷ്​ട്രയിൽ ആരോഗ്യ രംഗം അതി സങ്കീർണമായാണ്​ മുന്നോട്ടു പോകുന്നത്​. . പ്രതിദിനം രോഗബാധിതരുടെ എണ്ണം 3000ത്തിന്​ മുകളിലാണ്​. 52,667 പേർക്കാണ്​ മഹാരാഷ്​ട്രയിൽ കോവിഡ്​ സ്ഥിരീകരിച്ചത്​. 1,695 പേർ മരണത്തിന്​ കീഴടങ്ങി. 15,786 പേർ രോഗമുക്തരായി.