നീറ്റ് ക്രമക്കേട്: വിദ്യാർഥി സംഘടനകളുടെ സംയുക്ത പാർലമെന്‍റ് മാർച്ച് ഇന്ന്

ന്യൂഡൽഹി: നീറ്റ് പരീക്ഷ നടത്തിപ്പിലെ ക്രമക്കേടുകളിൽ പ്രതിഷേധിച്ചും ടെസ്റ്റിങ് ഏജൻസി പിരിച്ചുവിടണമെന്നും പുന:പരീക്ഷ നടത്തണമെന്നും ആവശ്യപ്പെട്ട് ഇന്ന് വിദ്യാർഥി സംഘടനകൾ പാർലമെൻ്റിലേക്ക് സംയുക്ത മാർച്ച് നടത്തും. ചോ​ദ്യ​പേ​പ്പ​ർ ചോ​ർ​ച്ചയും പരീക്ഷയിലെ ക്രമക്കേടും ഉൾപ്പടെയുള്ള സംഭവങ്ങളിൽ വിദ്യാർഥി സംഘടനകൾ പ്രതിഷേധം തുടരുകയാണ്. എൻ.എസ്.യു.ഐ, ഐസ, എസ്.എഫ്.ഐ, എ.ഐ.എസ്.എഫ്, സമാജ്വാദി ഛത്രസഭ എന്നീ സംഘടനകളാണ് മാർച്ചിൽ പങ്കെടുക്കുക. കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാൻ രാജിവയ്ക്കണമെന്നും ഇവർ ആവശ്യപ്പെടുന്നു.

നീറ്റ് ക്രമക്കേട്, പരീക്ഷകൾ ന്യായമായും സുതാര്യമായും നടത്താനുള്ള എൻ.ടി.എയുടെ കഴിവില്ലായ്മയുടെ വ്യക്തമായ ഉദാഹരണമാണെന്ന് സംഘടനകൾ ചൂണ്ടിക്കാട്ടി. അതിനാൽ ഈ നിർണായക പരീക്ഷകൾ നടത്താൻ പുതിയതും വിശ്വസനീയവുമായ ഒരു ഏജൻസി സ്ഥാപിക്കണമെന്ന് എൻ.എസ്‌.യു.ഐ പ്രസിഡൻ്റ് വരുൺ ചൗധരി പറഞ്ഞു. ലക്ഷക്കണക്കിന് വിദ്യാർഥികളുടെ ഭാവി അപകടത്തിലാണെന്ന് അവർ ആരോപിച്ചു. കൂടാതെ എല്ലാ ഉദ്യോഗാർഥികൾക്കും നീറ്റ്-യുജിയുടെ പുതിയ തീയതികൾ ഉടൻ പുറത്തുവിടണമെന്നും അവർ ആവശ്യപ്പെട്ടു.

നീ​റ്റ് പരീക്ഷയുമായി ബ​ന്ധ​പ്പെ​ട്ട് ഉ​യ​ർ​ന്ന പ്ര​ശ്ന​ങ്ങ​ൾ ലോ​ക്‌​സ​ഭ​യി​ൽ ച​ർ​ച്ച ചെ​യ്യ​ണ​മെ​ന്നാ​വ​ശ്യ​പ്പെ​ട്ട് പ്ര​തി​പ​ക്ഷ നേ​താ​വ് രാ​ഹു​ൽ ഗാ​ന്ധി പ്ര​ധാ​ന​മ​ന്ത്രി ന​രേ​ന്ദ്ര മോ​ദി​ക്ക് ക​ത്ത​യ​ച്ചിരുന്നു. പ്ര​തി​പ​ക്ഷ​ത്തി​ന്റെ അ​ഭ്യ​ർ​ഥ​ന പ്ര​കാ​രം ജൂ​ൺ 28, ജൂ​ലൈ ഒ​ന്ന് തീ​യ​തി​ക​ളി​ൽ വി​ഷ​യം പാ​ർ​ല​മെ​ന്റി​ന്റെ ഇ​രു​സ​ഭ​ക​ളി​ലും ച​ർ​ച്ച ചെ​യ്യാ​മെ​ന്ന് സ്പീ​ക്ക​ർ ഉ​റ​പ്പു​ന​ൽ​കി​യ​താ​ണെ​ങ്കി​ലും അ​തു​ണ്ടാ​യി​ല്ല. നീ​റ്റി​ലെ ക്ര​മ​ക്കേ​ടു​ക​ൾ ഉ​ന്ന​ത വി​ദ്യാ​ഭ്യാ​സ സ​മ്പ്ര​ദാ​യ​ത്തി​ലെ പാ​ളി​ച്ച​ക​ൾ തു​റ​ന്നു​കാ​ട്ടു​ന്ന​താ​ണ്. ക​ഴി​ഞ്ഞ ഏ​ഴു വ​ർ​ഷ​ത്തി​നി​ടെ, 70ല​ധി​കം ചോ​ദ്യ​പേ​പ്പ​ർ ചോ​ർ​ച്ച​യു​ണ്ടാ​യെ​ന്നും ഇ​ത് ര​ണ്ടു കോ​ടി​യി​ല​ധി​കം വി​ദ്യാ​ർ​ഥി​ക​ളെ ബാ​ധി​ച്ചെ​ന്നും രാ​ഹു​ൽ ക​ത്തി​ൽ ചൂ​ണ്ടി​ക്കാ​ട്ടി.

മേ​യ് അ​ഞ്ചി​ന് ന​ട​ന്ന നീ​റ്റ്-​യു.​ജി പ​രീ​ക്ഷ ക്ര​മ​ക്കേ​ടു​മാ​യി ബ​ന്ധ​പ്പെ​ട്ട ഹ​ര​ജി​ക​ൾ സു​പ്രീം​കോ​ട​തി ജൂ​ലൈ എ​ട്ടി​ന് പ​രി​ഗ​ണി​ക്കും. 26 ഹ​ര​ജി​ക​ളാ​ണ് സു​പ്രീം​കോ​ട​തി മു​മ്പാ​കെ എ​ത്തി​യി​ട്ടു​ള്ള​ത്. ചീ​ഫ് ജ​സ്റ്റി​സ് ഡി.​വൈ. ച​ന്ദ്ര​ചൂ​ഢ്, ജ​സ്റ്റി​സു​മാ​രാ​യ ജെ.​ബി. പ​ർ​ദി​വാ​ല, മ​നോ​ജ് മി​ശ്ര എ​ന്നി​വ​ര​ട​ങ്ങി​യ ബെ​ഞ്ചാ​ണ് വാ​ദം കേ​ൾ​ക്കു​ക. രാ​ജ്യ​ത്തെ 4,750 കേ​ന്ദ്ര​ങ്ങ​ളി​ൽ ന​ട​ന്ന പ​രീ​ക്ഷ 24 ല​ക്ഷ​ത്തോ​ളം വി​ദ്യാ​ർ​ഥി​ക​ളാ​ണ് എ​ഴു​തി​യ​ത്. ചോ​ദ്യ​പേ​പ്പ​ർ ചോ​ർ​ച്ച ഉ​ൾ​പ്പെ​ടെ ആ​രോ​പ​ണ​ങ്ങ​ളാ​ണ് പ​രീ​ക്ഷ​യെ വി​വാ​ദ​ത്തി​ലാ​ക്കി​യ​ത്. ആ​രോ​പ​ണ​ങ്ങ​ൾ പ​രീ​ക്ഷ​യു​ടെ പ​വി​ത്ര​ത​യെ ബാ​ധി​ച്ചു​വെ​ന്ന് ജൂ​ൺ 11ന് ​നി​രീ​ക്ഷി​ച്ച കോ​ട​തി കേ​ന്ദ്ര​ത്തി​​ന്‍റെയും നാ​ഷ​ന​ൽ ടെ​സ്റ്റി​ങ് ഏ​ജ​ൻ​സി​യു​ടെ​യും പ്ര​തി​ക​ര​ണ​വും തേ​ടി​യി​രു​ന്നു. എ​ന്നാ​ൽ, കൗ​ൺ​സ​ലി​ങ് ന​ട​പ​ടി​ക​ൾ സ്റ്റേ ​ചെ​യ്യ​ണ​മെ​ന്ന ആ​വ​ശ്യം അം​ഗീ​ക​രി​ച്ചി​രു​ന്നി​ല്ല.