നീറ്റ് ക്രമ​​ക്കേട്: മോദി മൗനം ​​​വെടിയണമെന്ന് കോൺഗ്രസ്

ന്യൂ​ഡ​ൽ​ഹി:​ ദേ​ശീ​യ മെ​ഡി​ക്ക​ൽ പ്ര​വേ​ശ​ന പ​രീ​ക്ഷ (നീ​റ്റ്-​യു.​ജി) ക്ര​മ​ക്കേ​ടി​ൽ ​ആ​രോ​പ​ണം ക​ടു​പ്പി​ച്ച് കോ​ൺ​ഗ്ര​സ്. മ​ധ്യ​​പ്ര​ദേ​ശി​നെ പി​ടി​ച്ചു​കു​ലു​ക്കി​യ വ്യാ​പം കും​ഭ​കോ​ണ​ത്തി​ന്റെ ര​ണ്ടാം പ​തി​പ്പാ​ണ് നീ​റ്റ് ചോ​ദ്യ​പേ​പ്പ​ർ ചോ​ർ​​ച്ച​​യെ​ന്ന് കോ​ൺ​ഗ്ര​സ് അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ ആ​രോ​പി​ച്ചു. മോ​ദി സ​ർ​ക്കാ​ർ നീ​റ്റ് അ​ഴി​മ​തി വി​ദ്യാ​ഭ്യാ​സ മ​ന്ത്രി​യി​ലൂ​ടെ​യും ദേ​ശീ​യ പ​രീ​ക്ഷ ഏ​ജ​ൻ​സി (എ​ൻ.​ടി.​എ)​യി​ലൂ​ടെ​യും മൂ​ടി​വെ​ക്കാ​ൻ ​​ശ്ര​മി​ക്കു​ക​യാ​ണ്. വി​ഷ​യ​ത്തി​ൽ മോ​ദി മൗ​നം വെ​ടി​യ​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു. ചോ​ദ്യ​പേ​പ്പ​ർ ചോ​ർ​ന്നി​ട്ടി​ല്ലെ​ങ്കി​ൽ എ​ന്തി​നാ​ണ് ബി​ഹാ​റി​ൽ 13 പേ​രെ അ​റ​സ്റ്റ് ചെ​യ്ത​തെ​ന്നും ഖാ​ർ​ഗെ ചോ​ദി​ച്ചു.

പു​തി​യ ബി.​ജെ.​പി സ​ർ​ക്കാ​ർ ​സ​ത്യ​പ്ര​തി​ജ്ഞ ചെ​യ്ത​തോ​ടെ യു​വാ​ക്ക​ളു​ടെ സ്വ​പ്ന​ങ്ങ​ൾ​ക്ക് നേ​രെ വീ​ണ്ടും ആ​ക്ര​മ​ണം തു​ട​ങ്ങി​യെ​ന്ന് കോ​ൺ​ഗ്ര​സ് ജ​ന​റ​ൽ സെ​ക്ര​ട്ട​റി പ്രി​യ​ങ്ക ഗാ​ന്ധി കു​റ്റ​പ്പെ​ടു​ത്തി. 24 ല​ക്ഷം വി​ദ്യാ​ർ​ഥി​ക​ളു​ടെ​യും അ​വ​രു​ടെ ര​ക്ഷി​താ​ക്ക​ളു​ടെ​യും ആ​ശ​ങ്ക അ​വ​ഗ​ണി​ച്ച് ധി​ക്കാ​ര​പ​ര​മാ​യ പ്ര​തി​ക​ര​ണ​മാ​ണ് വി​ദ്യാ​ഭ്യാ​സ മ​ന്ത്രി​യു​ടെ ഭാ​ഗ​ത്തു​നി​ന്നും ഉ​ണ്ടാ​കു​ന്ന​ത്. ബി​ഹാ​റി​ലും ഗു​ജ​റാ​ത്തി​ലും പൊ​ലീ​സ് സ്വീ​ക​രി​ച്ച ന​ട​പ​ടി​ക​ൾ വ്യാ​ജ​മാ​ണോ എ​ന്നും പ്രി​യ​ങ്ക ചോ​ദി​ച്ചു. ബി.​ജെ.​പി സ​ർ​ക്കാ​റു​ക​ൾ​ക്ക് കീ​ഴി​ൽ ചോ​ദ്യ​പേ​പ്പ​ർ ചോ​ർ​ച്ച നി​ത്യ​സം​ഭ​വ​മാ​യി മാ​റി​യെ​ന്ന് ജ​യ്റാം ര​മേ​ശ് കു​റ്റ​പ്പെ​ടു​ത്തി. ഉ​ത്ത​ർ​പ്ര​ദേ​ശി​ൽ 40 പ​രീ​ക്ഷ​ക​ളു​ടെ ചോ​ദ്യ​പേ​പ്പ​റു​ക​ളാ​ണ് ചോ​ർ​ന്ന​ത്. ഗു​ജ​റാ​ത്ത് ചോ​ദ്യ​പേ​പ്പ​ർ ചോ​ർ​ച്ച​യു​ടെ ത​ല​സ്ഥാ​ന​മാ​യി മാ​റി​യെ​ന്നും ജ​യ്റാം ര​മേ​ശ് എ​ക്സി​ൽ കു​റി​ച്ചു.

അ​തി​നി​ടെ, നീ​തി ആ​വ​ശ്യ​പ്പെ​ട്ട് വി​വി​ധ ന​ഗ​ര​ങ്ങ​ളി​ൽ വി​ദ്യാ​ർ​ഥി​ക​ൾ ആ​രം​ഭി​ച്ച സ​മ​രം ​പ്ര​തി​ദി​നം ശ​ക്തി പ്രാ​പി​ക്കു​ക​യാ​ണ്. വെ​ള്ളി​യാ​ഴ്ച ഡ​ൽ​ഹി​യി​ൽ നീ​റ്റ് പ​രീ​ക്ഷാ​ർ​ഥി​ക​ൾ കേ​ന്ദ്ര വി​ദ്യാ​ഭ്യാ​സ മ​ന്ത്രി ധ​ർ​മേ​ന്ദ്ര പ്ര​ധാ​ന്റെ വ​സ​തി​ക്ക് മു​ന്നി​ൽ പ്ര​തി​ഷേ​ധ​വു​മാ​യി എ​ത്തി. ഇ​വ​രെ മ​ന്ത്രി കൂ​ടി​ക്കാ​ഴ്ച​ക്ക് വി​ളി​ച്ച​തോ​ടെ​യാ​ണ് സ​മ​രം അ​വ​സാ​നി​ച്ച​ത്. ​ജ​യ്പൂ​രി​ൽ എ​ൻ.​എ​സ്.​യു ന​ട​ത്തി​യ പ്ര​തി​ഷേ​ധ​ത്തി​ന് നേ​രെ രാ​ജ​സ്ഥാ​ൻ പൊ​ലീ​സ് ന​ട​ത്തി​യ അ​തി​ക്ര​മ​ത്തി​ൽ നി​ര​വ​ധി പേ​ർ​ക്ക് പ​രി​ക്കേ​റ്റു.

ഡ​ൽ​ഹി, മും​ബൈ, കൊ​ൽ​ക്ക​ത്ത തു​ട​ങ്ങി ന​ഗ​ര​ങ്ങ​ളി​ലും പ്ര​തി​ഷേ​ധം ക​ന​ക്കു​ന്നു​ണ്ട്. ചോ​ദ്യ​പേ​പ്പ​ർ ചോ​ർ​ന്നി​ട്ടി​ല്ലെ​ന്ന് മ​ന്ത്രി ധ​ർ​മേ​ന്ദ്ര പ്ര​ധാ​ൻ ആ​വ​ർ​ത്തി​ച്ചു. എ​ന്നാ​ൽ, ചോ​ർ​ന്ന​തി​ന് തെ​ളി​വു​ണ്ടെ​ന്ന് ബി​ഹാ​റി​ലെ പ​ട്ന​യി​ലും ഗു​ജ​റാ​ത്തി​ലെ​ ഗോ​ധ്ര​യി​ലും പൊ​ലീ​സ് ന​ട​പ​ടി ചൂ​ണ്ടി​ക്കാ​ട്ടി വി​ദ്യാ​ർ​ഥി​ക​ളും പ്ര​തി​പ​ക്ഷ​വും പ​റ​യു​ന്നു. പ​ട്ന​യി​ൽ ചോ​ർ​ന്നു​വെ​ന്ന് പ​റ​യ​പ്പെ​ടു​ന്ന ചോ​ദ്യ​പേ​പ്പ​ർ ​ക​ത്തി​ച്ച​തി​ന്റെ ഏ​താ​നും ഭാ​ഗ​ങ്ങ​ൾ ദേ​ശീ​യ മാ​ധ്യ​മ​ങ്ങ​ൾ പു​റ​ത്തു​വി​ടു​ക​യു​ണ്ടാ​യി.