മഞ്ഞ, പച്ച, ഓറഞ്ച്​, നീല - ജീവനക്കാരുടെ വസ്​ത്രങ്ങൾക്ക്​ നവരാത്രി ദിവസങ്ങളില്‍ നിറം നിശ്ചയിച്ച്​ യൂനിയൻ ബാങ്ക്​; പാലിച്ചില്ലെങ്കിൽ പിഴ

നവരാത്രി ദിവസങ്ങളില്‍ ജീവനക്കാർക്ക് ഡ്രസ് കോഡ് നിർബന്ധമാക്കി യൂനിയന്‍ ബാങ്ക്. ഇതു സംബന്ധിച്ച്​ ജനറൽ മാനേജൻ സർക്കുലർ ഇറക്കി. ഒക്ടോബർ ഏഴ് മുതല്‍ 15 വരെയാണ് ഡ്രസ് കോഡ് അനുസരിച്ച്​ വസ്​ത്രം ധരിക്കേണ്ടത്​.

ഡ്രസ് കോഡ് പാലിച്ചില്ലെങ്കില്‍ 200 രൂപ പിഴയൊടുക്കേണ്ടിവരും. എല്ലാ ദിവസവും ​ഗ്രൂപ്പ്​ ഫോ​ട്ടോ എടുക്കണമെന്നും നിർദേശം ഉണ്ട്​.ഒക്ടോബർ ഏഴ് -വ്യാഴാഴ്ച -മഞ്ഞ, വെള്ളി- പച്ച, ശനി- ഗ്രേ, ഞായർ- ഓറഞ്ച്, തിങ്കൾ -വെള്ള, ചൊവ്വ-ചുവപ്പ്, ബുധൻ -നീല, വ്യാഴം -പിങ്ക്​, വെള്ളി - പർപ്പ്​ൾ കളറുകളിലുള്ള വസ്ത്രമാണ് 15 വരെ ധരിക്കേണ്ടത്.

എന്നാൽ ബാങ്ക്​ അധികൃതരുടെ നടപടിക്കെതിരെ പ്രതിഷേധവുമായി ജീവനക്കാർ രംഗത്തെത്തി. ഒക്​ടോബർ ഒന്നിനാണ്​ ഉത്തരവിറങ്ങിയിരിക്കുന്നത്​.