എട്ടാം ക്ലാസ്​ വരെ ഹിന്ദി നിർബന്ധമാക്കി പുതിയ വിദ്യാഭ്യാസ നയം

ന്യൂഡൽഹി: എട്ടാം ക്ലാസ്​ വരെ ഹിന്ദി നിർബന്ധമാക്കിക്കൊണ്ട്​ പുതിയ വിദ്യാഭ്യാസ നയം കേന്ദ്രസർക്കാർ തയാറാകുന് നു. കെ. കസ്​തൂരിരംഗൻ കമ്മിറ്റിയുടെ കരട്​ റിപ്പോർട്ടിലെ നിർദേശങ്ങളനുസരിച്ചാണ്​ വിദ്യാഭ്യാസ നയം രൂപീകരിക്കുന ്നത്​. രാജ്യത്താകമാനം ശാസ്​ത്രത്തിനും ഗണിതത്തിനും ഏകീകൃത സിലബസ്​ നടപ്പിലാക്കണമെന്നും ശിപാർശയുണ്ട്​.

നിലവിൽ തമിഴ്​നാട്​, കർണാടക, തെലങ്കാന, ആന്ധ്രപ്രദേശ്​, ഗോവ, പശ്​ചിമബംഗാൾ, അസം എന്നിവിടങ്ങളിലൊന്നും സ്​കൂളുകളിൽ ഹിന്ദി പഠിപ്പിക്കണമെന്ന്​ നിർബന്ധമില്ല. വിദ്യാഭ്യാസ നയം നിലവിൽ വരുന്നതോടെ ഇൗ സംസ്​ഥാനങ്ങളിലും ഹിന്ദി പഠിപ്പിക്കേണ്ടത്​ നിർബന്ധമാകും.

പ്രാദേശിക ഭാഷകളായ അവധി, ഭോജ്​പുരി, മൈഥിലി തുടങ്ങിയവ സംസാരിക്കുന്ന ഇടങ്ങളിൽ അവയുടെ വികസനത്തിനായി അഞ്ചാംക്ലാസുവരെ ഇവയെ പ്രോത്​സാഹിപ്പിക്കുന്നതിനും റിപ്പോർട്ടിൽ ശ​ിപാർശയുണ്ട്​.

റിപ്പോർട്ട്​ തയാറായിട്ടുണ്ടെന്നും കമ്മിറ്റി അംഗങ്ങൾ കൂടിക്കാഴ്​ചക്ക്​ സമയം ആവശ്യപ്പെട്ടിട്ടുണ്ടെന്നും മാനവിക വിഭവശേഷി മന്ത്രി പ്രകാശ്​ ജാവദേക്കർ പറഞ്ഞു.