തെരഞ്ഞെടുപ്പിനുമുമ്പ്​ ബോണ്ട്​ വിവാദം

ന്യൂ​ഡ​ൽ​ഹി: അ​ഞ്ചു സം​സ്ഥാ​ന നി​യ​മ​സ​ഭ തെ​ര​ഞ്ഞെ​ടു​പ്പു​ക​ൾ പ്ര​ഖ്യാ​പി​ക്കു​ന്ന​തി​ന് തൊ​ട്ടു​മു​മ്പാ​യി പു​തി​യ ഇ​ല​ക്ട​റ​ൽ ബോ​ണ്ടു​മാ​യി സ​ർ​ക്കാ​ർ. ബോ​ണ്ട്​ വ​ഴി​യു​ള്ള സം​ഭാ​വ​ന​യു​ടെ 90 ശ​ത​മാ​ന​വും ചെ​ന്നെ​ത്തു​ന്ന​ത്​ കേ​ന്ദ്ര ഭ​ര​ണ​ക​ക്ഷി​യാ​യ ബി.​ജെ.​പി​ക്കാ​​ണെ​ന്ന മു​ൻ​കാ​ല ക​ണ​ക്കു​ക​ൾ ചൂ​ണ്ടി​ക്കാ​ട്ടി പ്ര​ധാ​ന പ്ര​തി​പ​ക്ഷ​മാ​യ കോ​ൺ​ഗ്ര​സ്​ അ​ട​ക്കം വി​വി​ധ പാ​ർ​ട്ടി​ക​ൾ സ​ർ​ക്കാ​റി​നെ വി​മ​ർ​ശി​ച്ചു. ഈ ​മാ​സം നാ​ലു മു​ത​ൽ 13വ​രെ​യു​ള്ള തീ​യ​തി​ക​ളി​ൽ ബോ​ണ്ട്​ വാ​ങ്ങി പാ​ർ​ട്ടി​ക​ൾ​ക്ക്​ സം​ഭാ​വ​ന ചെ​യ്യാ​മെ​ന്നാ​ണ്​ ധ​ന​മ​ന്ത്രാ​ല​യം വി​ജ്ഞാ​പ​ന​ത്തി​ൽ പ​റ​ഞ്ഞ​ത്. സ്​​റ്റേ​റ്റ്​ ബാ​ങ്ക്​ ഓ​ഫ്​ ഇ​ന്ത്യ മു​ഖേ​ന മാ​ത്ര​മാ​ണ്​ ബോ​ണ്ട്​ പു​റ​ത്തി​റ​ക്കു​ന്ന​ത്. എ​സ്.​ബി.​ഐ​യു​ടെ ചെ​ന്നൈ, ബം​ഗ​ളൂ​രു, മും​ബൈ, ഡ​ൽ​ഹി, കൊ​ൽ​ക്ക​ത്ത, ല​ഖ്​​നോ, ഷിം​ല, ഡ​റാ​ഡൂ​ൺ, ഗു​വാ​ഹ​തി, പ​ട്​​ന, ച​ണ്ഡി​ഗ​ഢ്, ശ്രീ​ന​ഗ​ർ, ഗാ​ന്ധി​ന​ഗ​ർ, ഭോ​പാ​ൽ, റാ​യ്പൂ​ർ ന​ഗ​ര​ങ്ങ​ളി​ലെ 29 ശാ​ഖ​ക​ൾ വ​ഴി​യാ​ണ്​ വി​ത​ര​ണം. ഇ​ങ്ങ​നെ വാ​ങ്ങു​ന്ന ബോ​ണ്ടു​ക​ൾ​ക്ക്​ 15 ദി​വ​സ​ത്തേ​ക്കാ​ണ്​ സാ​ധു​ത. അ​തി​ന​കം പാ​ർ​ട്ടി​ക​ൾ ബാ​ങ്ക്​ അ​ക്കൗ​ണ്ടി​ൽ നി​ക്ഷേ​പി​ച്ച്​ മാ​റ്റി​യെ​ടു​ക്ക​ണം. നി​യ​മ​സ​ഭ​യി​ലേ​ക്കോ ലോ​ക്സ​ഭ​യി​ലേ​ക്കോ ന​ട​ന്ന തെ​ര​ഞ്ഞെ​ടു​പ്പു​ക​ളി​ൽ ഒ​രു ശ​ത​മാ​ന​ത്തി​ൽ കു​റ​യാ​ത്ത വോ​ട്ട്​ കി​ട്ടി​യ രാ​ഷ്ട്രീ​യ പാ​ർ​ട്ടി​ക​ൾ​ക്ക്​ മാ​ത്ര​മാ​ണ്​ ഇ​ല​ക്ട​റ​ൽ ബോ​ണ്ട്​ വ​ഴി സം​ഭാ​വ​ന സ്വീ​ക​രി​ക്കാ​വു​ന്ന​ത്.

വ്യ​ക്​​തി​ക​ൾ​ക്ക്​ ഒ​റ്റ​ക്കോ കൂ​ട്ടാ​യോ രാ​ജ്യ​ത്തെ സ്ഥാ​പ​ന​ങ്ങ​ൾ​ക്കോ ഇ​ല​ക്ട​റ​ൽ ബോ​ണ്ട്​ വാ​ങ്ങി അം​ഗീ​കൃ​ത പാ​ർ​ട്ടി​ക​ൾ​ക്ക്​ സം​ഭാ​വ​ന ചെ​യ്യാം. ഇ​ത്ത​ര​ത്തി​ൽ ആ​രാ​ണ്​ ബോ​ണ്ട്​ വാ​ങ്ങി​യ​തെ​ന്നോ ഏ​തു പാ​ർ​ട്ടി​ക്ക്​ ന​ൽ​കി​യെ​ന്നോ വെ​ളി​പ്പെ​ടു​ത്തേ​ണ്ട​തി​ല്ല. രൊ​ക്കം പ​ണ​മാ​യി സം​ഭാ​വ​ന ന​ൽ​കു​ന്ന​തി​ൽ സു​താ​ര്യ​ത​യി​ല്ലെ​ന്നും ക​ള്ള​പ്പ​ണ സാ​ധ്യ​ത​യു​ണ്ടെ​ന്നും ചൂ​ണ്ടി​ക്കാ​ട്ടി​യാ​ണ്​ 2018ൽ ​ഇ​ല​ക്ട​റ​ൽ ബോ​ണ്ട്​ പ​ദ്ധ​തി മോ​ദി​സ​ർ​ക്കാ​ർ ന​ട​പ്പാ​ക്കി​യ​ത്. ഏ​റ്റ​വും സൗ​ക​ര്യ​പ്ര​ദ​മാ​യി ഇ​ഷ്ട​പ്പെ​ട്ട പാ​ർ​ട്ടി​ക​ൾ​ക്ക്​ വാ​രി​​ക്കോ​രി പ​ണം ന​ൽ​കാ​ൻ കോ​ർ​പ​റേ​റ്റു​ക​ൾ​ക്കു​ള്ള അ​വ​സ​രം കൂ​ടി​യാ​ണ്​ ഇ​തു​വ​ഴി തു​റ​ന്ന​ത്.

ഇ​ല​ക്ട​റ​ൽ ബോ​ണ്ട്​ വ​ഴി ഏ​റ്റ​വും കൂ​ടു​ത​ൽ സം​ഭാ​വ​ന എ​ത്തു​ന്ന​ത്​ ബി.​ജെ.​പി​ക്കാ​ണ്. 2021-22 വ​രെ​യു​ള്ള കാ​ല​ത്ത്​ ഏ​ഴ്​ ദേ​ശീ​യ പാ​ർ​ട്ടി​ക​ൾ​ക്കും 24 പ്രാ​ദേ​ശി​ക പാ​ർ​ട്ടി​ക​ൾ​ക്കു​മാ​യി ല​ഭി​ച്ച 9188 കോ​ടി രൂ​പ​യു​ടെ ബോ​ണ്ടി​ൽ 5272 കോ​ടി​യും ബി.​ജെ.​പി​ക്കാ​ണ്​ കി​ട്ടി​യ​തെ​ന്ന്​ അ​സോ​സി​യേ​ഷ​ൻ ഓ​ഫ്​ ഡെ​മോ​ക്രാ​റ്റി​ക്​ റി​ഫോം​സ്​ (എ.​ഡി.​ആ​ർ) പ​ഠ​ന റി​പ്പോ​ർ​ട്ട്​ പു​റ​ത്തി​റ​ക്കി​യി​രു​ന്നു.

മ​ധ്യ​പ്ര​ദേ​ശ്, രാ​ജ​സ്ഥാ​ൻ, ഛത്തി​സ്​​ഗ​ഢ്, തെ​ല​ങ്കാ​ന, മി​സോ​റം നി​യ​മ​സ​ഭ തെ​ര​ഞ്ഞെ​ടു​പ്പു​ക​ൾ തെ​ര​ഞ്ഞെ​ടു​പ്പ് ക​മീ​ഷ​ൻ ദി​വ​സ​ങ്ങ​ൾ​ക്ക​കം പ്ര​ഖ്യാ​പി​ക്കും. ലോ​ക്സ​ഭ തെ​ര​ഞ്ഞെ​ടു​പ്പി​ലേ​ക്കും മാ​സ​ങ്ങ​ൾ മാ​ത്രം. ഇ​ല​ക്ട​റ​ൽ ബോ​ണ്ടു​ക​ൾ ‘നി​യ​മാ​നു​സൃ​ത കോ​ഴ’​യാ​ണെ​ന്ന്​ കോ​ൺ​ഗ്ര​സ്​ നേ​താ​വും മു​ൻ ധ​ന​മ​ന്ത്രി​യു​മാ​യ പി. ​ചി​ദം​ബ​രം കു​റ്റ​പ്പെ​ടു​ത്തി. ബി.​ജെ.​പി​ക്ക്​ ‘സ്വ​ർ​ണ​ക്കൊ​യ്ത്ത്​’ ന​ട​ത്താ​ൻ വ​ഴി​തു​റ​ക്കു​ക​യാ​ണ്. അ​ജ്ഞാ​ത​മാ​യ സം​ഭാ​വ​ന​ക​ളി​ൽ 90 ശ​ത​മാ​ന​വും ബി.​ജെ.​പി​ക്കാ​ണ്​ കി​ട്ടു​ന്ന​തെ​ന്ന്​ മു​ൻ​കാ​ല ക​ണ​ക്കു​ക​ൾ തെ​ളി​യി​ച്ചി​ട്ടു​ണ്ടെ​ന്ന്​ അ​ദ്ദേ​ഹം പ​റ​ഞ്ഞു.