ഐസിസ്​ കേസിൽ മൂന്ന്​ മലയാളികൾക്കെതിരെ എൻ.ഐ.എ കുറ്റപത്രം

ന്യൂഡൽഹി: ഐസിസ്​ കേസിൽ മൂന്ന്​ മലയാളികൾക്കെതിരെ ദേശീയ അന്വേഷണ ഏജൻസി കുറ്റപത്രം സമർപ്പിച്ചു. മലപ്പുറത്തെ മുഹമ്മദ്​ അമീൻ, കണ്ണൂരിലെ മിസ്​അബ്​ അൻവർ, കൊല്ലം ഒാച്ചിറയിലെ റഇൗസ്​ റശീദ്​ എന്നിവർക്കെതിരെഇന്ത്യൻ ശിക്ഷാ നിയമപ്രകാരം ക്രിമിനൽ ഗൂഢാലോചന, ഇന്ത്യാ ഗവൺമെൻറിനെതിരായ യുദ്ധം ചെയ്യൽ എന്നിവയും യു.എ.പിഎയുടെ വിവിധ വകുപ്പുകളും ചേർത്താണ്​ കുറ്റപത്രം സമർപ്പിച്ചത്​.

ടെലഗ്രാം, ഇൻസ്​റ്റാ​ഗ്രാം, ഹൂപ്​ തുടങ്ങങിയ വിവിധ സാമൂഹിക മാധ്യമങ്ങളിൽ ഐസിസ്​ പ്രചാരണത്തിന്​ ചാനലുകൾ നടത്തിയെന്നും ഐസിസിലേക്ക്​ പുതിയ റിക്രൂട്ട്​മെൻറ്​ ലക്ഷ്യമിട്ടായിരുന്നു ഇതെന്നും കുറ്റപത്രത്തിലുണ്ട്​. ഇവർ​ മൂവരും ​െഎസിസുമായി ബന്ധപ്പെട്ട്​ പ്രവർത്തിക്കുന്നവരാണെന്നും എൻ.ഐ.എ ആരോപിച്ചു.