​കനത്ത മഴ; ഹൈദരാബാദിൽ വീടുകൾക്ക്​ മുകളിലേക്ക്​ ചുറ്റുമതിൽ ഇടിഞ്ഞുവീണ്​ ഒമ്പതുമരണം

ഹൈദരാബാദ്​: നഗരത്തിൽ കഴിഞ്ഞദിവസങ്ങളിലായി പെയ്​ത കനത്ത മഴയിൽ വീടുകൾക്ക്​ മുകളിലേക്ക്​ മതിൽ ഇടിഞ്ഞുവീണ്​ ഒമ്പതു മരണം. മരിച്ചവരിൽ രണ്ടുമാസം പ്രായമായ കുഞ്ഞും ഉൾപ്പെടും. നിരവധിപേർക്ക്​ പരിക്കേൽകുകയും ചെയ്​തു.

മുഹമ്മദ്​ നഗറിലെ മുഹമ്മദീയ ഹിൽസിൽ ശനിയാഴ്​ച അർധരാത്രിയിലാണ്​​ സംഭവം. തകര ഷീറ്റുകൊണ്ട്​ മേഞ്ഞ പത്തോളം വീടുകൾക്ക്​ മുകളിലേക്ക്​ കൂറ്റൻ പാറക്കല്ലുകൾ കൊണ്ട്​ നിർമിച്ച ചുറ്റുമതിൽ തകർന്നുവീഴുകയായിരുന്നു. നിരവധിപേർ കുടുങ്ങി കിടക്കുന്നതായാണ്​ വിവരം. പ്ര​ദേശിക ഭരണകൂടത്തി​െൻറ നേതൃത്വത്തിൽ പൊലീസ്​ സ്​ഥലത്തെത്തി രക്ഷാപ്രവർത്തനം ആരംഭിച്ചു.

രണ്ടുദിവസമായി പെയ്യുന്ന കനത്ത മഴയെ തുടർന്നുണ്ടായ വിവിധ അപകടങ്ങളിൽപ്പെട്ട്​ 12 പേരാണ്​ തെലങ്കാനയിൽ ഇതുവരെ മരിച്ചത്​. റോഡുകൾ മുങ്ങുകയും ഗതാഗതം സ്​തംഭിക്കുകയും ചെയ്​തു.