ആന്ധ്രാ പ്രദേശില്‍ കാറും ലോറിയും കൂട്ടിയിടിച്ച് ഒമ്പത് മരണം

അനന്തപുരം: ആന്ധ്രാ പ്രദേശില്‍ കാറും ലോറിയും കൂട്ടിയിടിച്ച് ഒമ്പത് പേര്‍ മരിച്ചു. അനന്തപുരം ജില്ലയിലെ ബുദാഗവി ഗ്രാമത്തില്‍ ഞായറാഴ്ചയായിരുന്നു അപകടം.

അമിതവേഗത്തിലായിരുന്ന ലോറി നിയന്ത്രണം വിട്ടാണ് അപകടം സംഭവിച്ചതെന്ന് പൊലീസ് പറഞ്ഞു.

ഡ്രൈവര്‍ അടക്കം ഒമ്പത് പേരാണ് കാറിലുണ്ടായിരുന്നതെന്ന് ഉറവകൊണ്ട പൊലീസ് സ്റ്റേഷന്‍ എസ്.ഐ വെങ്കട സ്വാമി പറഞ്ഞു.

സംഭവത്തില്‍ പൊലീസ് കേസെടുത്തിട്ടുണ്ട്.