നിർഭയ കേസ്​: വധശിക്ഷക്ക്​ സ്​റ്റേയില്ല; മുഴുവൻ പ്രതികളേയും വെള്ളിയാഴ്​ച തൂക്കിലേറ്റും

ന്യൂഡൽഹി: മരണവാറണ്ട്​ സ്​റ്റേ​ ആവശ്യപ്പെട്ട്​ നിർഭയകേസ്​ പ്രതികൾ നൽകിയ ഹരജി ഡൽഹി പട്യാല ഹൗസ്​ കോടതി തള്ളി. ഇതോടെ നിർഭയ കേസ്​ പ്രതികളെ നാളെ രാവിലെ 5.30ന്​ തൂക്കിലേറ്റുമെന്ന്​ ഉറപ്പായി.

നിയമപരമായ നടപടികൾ ഇനിയും ബാക്കിയുണ്ടെന്ന്​ ചൂണ്ടിക്കാട്ടിയായിരുന്നു നിർഭയ കേസ്​ പ്രതികൾ കോടതിയിൽ ഹരജി നൽകിയത്​. എന്നാൽ, ഇനി പ്രതികൾക്ക്​ വധശിക്ഷക്കെതിരെ നിയമപരമായ നടപടികളൊന്നും ബാക്കിയില്ലെന്ന്​ പബ്ലിക്​ പ്രോസിക്യൂട്ടർ കോടതിയിൽ അറിയിച്ചു. പ്രതികൾ വീണ്ടും നൽകിയ ദയാഹരജി രാഷ്​ട്രപതി പരിഗണിച്ചിട്ടില്ലെന്നും പബ്ലിക്​ പ്രോസിക്യൂട്ടർ ഇർഫാൻ അഹമ്മദ്​ പറഞ്ഞു.