ചെറുകിട ഇടത്തരം വ്യവസായങ്ങൾക്കായി മൂന്നുലക്ഷം കോടിയുടെ വായ്​പ

ന്യൂഡൽഹി: ചെറുകിട ഇടത്തരം ​സ്​ഥാപനങ്ങൾക്കായി മൂന്നുലക്ഷം കോടിയുടെ വായ്​പ ലഭ്യമാക്കുമെന്ന്​ ധനമന്ത്രി നിർമല സീതാരാമൻ. 45 ലക്ഷം യൂനിറ്റുകൾക്ക്​ ഇതി​​​​​​​​​​െൻറ സഹായം ലഭ്യമാകും. ഈട്​ ആവശ്യമില്ലാതെയായിരിക്കും ചെറുകിട മേഖലക്ക്​ വായ്​പ ലഭ്യമാക്കുമെന്നും ധനമന്ത്രി പറഞ്ഞു.  100 കോടി വിറ്റുവരവുള്ള സ്​ഥാപനങ്ങൾക്കാണ്​ വായ്​പ ലഭ്യമാക്കുക. തിരിച്ചടവിന്​ നാല്​ വർഷത്തെ മൊറ​ട്ടോറിയവും  അനുവദി​ക്കും. 

സ്വയം പര്യാപ്​ത ഇന്ത്യ ലക്ഷ്യമാക്കിയാണ് പ്രധാനമന്ത്രി പ്രഖ്യാപിച്ച 20 ലക്ഷം കോടി രൂപയുടെ പാക്കേജെന്ന്​ ധനമന്ത്രി നിർമല സീതാരാമൻ​. ഭൂമി, തൊഴിൽ, പണലഭ്യത, നിയമം  എന്നിവയെ അടിസ്​ഥാനമാക്കിയുള്ളതാണ്​ സാ​മ്പത്തിക പാക്കേജ്​. ആത്മ നിര്‍ഭര്‍ അഭിയാന്‍ പാക്കേജ് എന്ന്​ വിളിക്കുന്ന പാക്കേജി​െന മലയാളത്തിൽ സ്വയം ആശ്രിത പാക്കേജ്​ എന്നുവിളിക്കുമെന്നും ധനമന്ത്രി പറഞ്ഞു. 

ആത്മനിര്‍ഭര്‍ അഭിയാന്‍ പാക്കേജ് പതിനഞ്ച് വ്യത്യസ്ത മേഖലകള്‍ക്കായാണ്​ അനുവദിക്കുക. മീഡിയം എൻര്‍പ്രൈസസുകള്‍ക്കും രണ്ടെണ്ണം ഇ.പി.എഫ്.(എംപ്ലോയീസ്​ പ്രൊവിഡൻറ്​ ഫണ്ട്)നും രണ്ടെണ്ണം ബാങ്കിതര ധനകാര്യ സ്ഥാപനങ്ങള്‍(എന്‍.ബി.എഫ്.സി.) കള്‍ക്കും രണ്ടെണ്ണം മ്യൂച്വല്‍ ഫണ്ട് ഇന്‍വെസ്​റ്റ്​മ​െൻറ്​ (എം.എഫ്.ഐ.)നും ഒരെണ്ണം ഡിസ്‌കോമിനും മൂന്നെണ്ണം നികുതിയുമായി ബന്ധപ്പെട്ടതിനും ഒന്ന് കോണ്‍ട്രാക്ടര്‍മാര്‍ക്കും വേണ്ടിയുള്ളതാണ്.

സാമ്പത്തിക പാക്കേജിലെ പ്രധാന പ്രഖ്യാപനങ്ങൾ

• വായ്​പ തിരിച്ചടവ്​ മുടങ്ങിയ സ്​ഥാപനങ്ങൾക്ക്​ 20,000 കോടി രൂപയുടെ പദ്ധതി
• ചെറുകിട വ്യവസായങ്ങളുടെ വികസനത്തിന്​​ 10,000 കോടി രൂപ
• ഓഹരി മൂലധനമായി 50,000 കോടി ലഭ്യമാക്കും
• അവശ്യ വ്യവസായങ്ങൾക്ക്​ 20,000 കോടി രൂപയുടെ പ​ാക്കേജ്​​​​
• തൊഴിലുകൾ സംരക്ഷിക്കാൻ പ്രത്യേക സഹായം നൽകും​​
• മികച്ച നിലയിൽ പ്രവർത്തിക്കുന്ന സ്​ഥാപനങ്ങൾക്ക്​ ശേഷി വർധിപ്പിക്കാൻ 10,000 കോടി രൂപയുടെ സഹായം നൽകും 
• ഇ.പി.എഫ്​ വിഹിതം നാലു ശതമാനം കുറച്ചു. ജീവനക്കാരുടെയും തൊളിലുടമകളുടെയും രണ്ടു ശതമാനം വിഹിതം  വീതമാണ്​ കുറച്ചത്​
• ഇ.പി.എഫ്​ വിഹിതം കേന്ദ്രസർക്കാർ അടക്കുന്നത്​ തുടരും. 72.22 ലക്ഷം തൊഴിലാളികളുടെ മൂന്നുമാസത്തെ ഇ.പി.എഫ്​ വിഹിതമാണ്​ സർക്കാർ അടക്കുക. ജൂൺ, ജൂലൈ, ആഗസ്​റ്റ്​ മാസങ്ങളിലെ തൊഴിലാളികളുടെ ഇ.പി.എഫ്​ വിഹിതമാണ്​ അടക്കുക
• 15000 രൂപയിൽ താഴെ ശമ്പളമുള്ള 100 ജീവനക്കാരുള്ള സ്​ഥാപനങ്ങൾക്ക്​ ഇ.പി.എഫ്​ ഇളവ്​ അനുവദിക്കും 
• െവെദ്യുത ഉൽപ്പാദന വിതരണ കമ്പനികൾക്ക്​ 90,000കോടി രൂപ അനുവദിക്കും. വൈദ്യുത നിരക്ക്​ കുറക്കണമെന്ന്​ വിതരണ കമ്പനികൾക്ക്​ നിർദേശം നൽകി
• സർക്കാർ മേഖലയിൽ 200 കോടി രൂപ വരെയുള്ള ആഗോള ടെണ്ടറുകൾ അനുവദിക്കില്ല
• കേന്ദ്ര ഏജൻസികളുടെ കരാറുകാരുടെ കാലാവധി ആറുമാസം നീട്ടി

ധനമന്ത്രി നിർമല സീതാരാമൻ വാർത്തസമ്മേളനത്തിലാണ്​ ഇക്കാര്യം അറിയിച്ചത്​. വിവിധ മന്ത്രാലയങ്ങളായും വിദഗ്​ധരായും കൂടിയാ​േലാചിച്ച ശേഷമാണ്​ പാക്കേജ്​.  പാക്കേജിനായി വിവിധ വിഭാഗങ്ങളുമായി ചർച്ച നടത്തുകയും ചെയ്​തു.  പ്രാദേശിക ബ്രാൻഡുകളു​ണ്ടാക്കുകയാണ്​ പാക്കേജി​​​​​​​​​​െൻറ ലക്ഷ്യം. ഇവയെ അന്താരാഷ്​ട്ര വിപണിയി​ലെത്തിക്കാനുള്ള ശ്രമം ഉണ്ടാകു​െമന്നും ധനമന്ത്രി പറഞ്ഞു. 

രാജ്യത്തെ കോവിഡ്​ പ്രതിസന്ധിയുടെ പശ്ചാത്തലത്തിൽ 20ലക്ഷം കോടി രൂപയുടെ സാമ്പത്തിക പാക്കേജ്​ പ്രധാനമന്ത്രി നരേന്ദ്രമോദി പ്രഖ്യാപിച്ചിരുന്നു. ഇന്ത്യൻ ജി.ഡി.പിയുടെ 10 ശതമാനമാണ്​ ഇതിനായി നീക്കിവെച്ചത്​. ആത്മ നിര്‍ഭര്‍ അഭിയാന്‍ പാക്കേജ് എന്ന പേരില്‍ 20 ലക്ഷം കോടി രൂപയുടെ പാക്കേജ് പ്രധാനമായും എം.എസ്.എം.ഇ മേഖലയെ ശാക്തീകരിക്കാന്‍ ആണെന്ന് രാജ്യത്തെ അഭിസംബോധന ചെയ്ത് കൊണ്ട് പ്രധാനമന്ത്രി വ്യക്തമാക്കിയിരുന്നു. കര്‍ഷകര്‍, ചെറുകിട വ്യവസായങ്ങള്‍, തൊഴിലാളികള്‍, ഇടത്തരക്കാര്‍, മധ്യവര്‍ഗക്കാര്‍ എന്നിവര്‍ക്കെല്ലാം പാക്കേജി​​​​​​​​​​െൻറ പ്രയോജനം ലഭിക്കുമെന്നും പ്രധാനമന്ത്രി അറിയിച്ചിരുന്നു.