വിദ്യാഭ്യാസ അവകാശ നിയമത്തിൽ പുനപരിശോധനക്കൊരുങ്ങി നീതി​ ആയോഗ്​

ന്യൂഡൽഹി: വിദ്യാഭ്യാസ അവകാശ നിയമത്തിൽ പുന​പ​രശോധനക്കൊരുങ്ങി നീതി ആയോഗ്​. ആറ്​ മുതൽ പതിനാല്​ വയസുവരെയുള്ള കുട്ടികൾക്ക്​ നിർബന്ധിതവും സൗജന്യവുമായ വിദ്യാഭ്യാസം ഉറപ്പ്​ നൽകുന്നതാണ്​ നിയമം. എന്നാൽ ഇത്തരത്തിൽ വിദ്യാർഥികൾക്ക്​ നൽകുന്ന വിദ്യാഭ്യാസത്തി​​െൻറ നിലവാരത്തിൽ കുറവ്​ ഉണ്ടായിട്ടുണ്ടെന്നാണ്​ നീതി ആയോഗി​​െൻറ വിലയിരുത്തൽ. ഇതി​​െൻറ അടിസ്​ഥാനത്തിലാണ്​ നിയമത്തിൽ മാറ്റം വരുത്താൻ നീതി ആയോഗ്​ ഒരുങ്ങുന്നതെന്നാണ്​ സൂചന.

നിയമം മൂലം വിദ്യാർഥികളുടെ സ്​കൂളുകളിൽ നിന്നുള്ള കൊഴിഞ്ഞുപോക്ക്​ ഒരു പരിധി വരെ കുറക്കാൻ സാധിച്ചിട്ടുണ്ടെന്നാണ്​ വിലയിരുത്തൽ. ഗ്രാമീണ മേഖലയി​ലെ ആറ്​ മുതൽ പതിനാല്​ വയസ്​ വരെയുള്ള കുട്ടികളിൽ ഭൂരിപക്ഷവും വിദ്യാലയങ്ങളിൽ എത്തുന്നുണ്ടെന്നാണ്​ കണക്കുകൾ സൂചിപ്പിക്കുന്നത്​. എന്നാൽ ഇവരുടെ പഠന നിലവാരത്തിൽ കുറവ്​ ഉണ്ടായിട്ടുണ്ടെന്നും നീതി ആയോഗി​​െൻറ വിലയിരുത്തലുണ്ട്​. എട്ടാം ക്ലാസ്​ പാസാകുന്ന വിദ്യാർഥിക്ക്​ രണ്ടാം ക്ലാസിലെ പാഠപുസ്​തകം പോലും വായിക്കാൻ കഴിയാത്ത സാഹചര്യമുണ്ട്​. ഇൗയൊരു സ്​്​ഥിതിയിലാണ്​ വിദ്യാഭ്യാസ അവകാശ നിയമത്തിൽ മാറ്റത്തിന്​ നീതി ആയോഗ്​ ഒരുങ്ങുന്നത്​.

ഒരു കുടുംബം തന്നെ ഒന്നിലധികം റേഷൻ കാർഡുകൾ കൈവശം വെക്കുന്ന സാഹചര്യം നിലവിലുണ്ടെന്നും നീതി ആയോഗ്​ വിലയിരുത്തുന്നു. ഇത്​ ​ഒഴിവാക്കാനായി ആധാർ അടിസ്​ഥാനമാകിയ റേഷനിങ്​ സംവിധാനം നടപ്പിലാക്കാനുള്ള നീക്കത്തിലാണ്​ നീതി ആയോഗ്​. ഇതു വഴി റേഷനിങ്​ സംവിധാനത്തിലെ പ്രശ്​നങ്ങൾക്ക്​ പരിഹാരം കാണാമെന്നും ഇവർ കണക്കുകൂട്ടുന്നു.