ബിഹാർ മന്ത്രിസഭയിലേക്ക് ഏഴ് മന്ത്രിമാർ കൂടി; സത്യപ്രതിജ്ഞ ചെയ്തത് ബി.ജെ.പി പ്രതിനിധികൾ

പട്‌ന: ബിഹാറിൽ ഏഴ് പുതുമുഖങ്ങളെ കൂടി ഉൾപ്പെടുത്തി നിതീഷ് കുമാർ മന്ത്രിസഭയിൽ വികസിപ്പിച്ചു. ഏഴു പേരും സഖ്യകക്ഷിയായ ബി.ജെ.പിയിൽ നിന്നുള്ളവരാണ്.

മന്ത്രിമാർക്ക് ഗവർണർ ആരിഫ് മുഹമ്മദ് ഖാൻ സത്യവാചകം ചൊല്ലിക്കൊടുത്തു. ഇതോടെ ആകെ മന്ത്രിമാരുടെ എണ്ണം 36 ആയി.

ബിഹാറിലെ ബി.ജെ.പി അധ്യക്ഷനും റവന്യൂ, ഭൂപരിഷ്‌കരണ മന്ത്രിയുമായിരുന്ന ദിലീപ് ജയ്‌സ്വാൾ രാജിവെച്ച അതേ ദിവസമാണ് മന്ത്രിസഭാ വിപുലീകരണം. ഒരാൾക്ക് ഒരു പദവി എന്ന പാർട്ടി നയമനുസരിച്ചാണ് ജയ്‌സ്വാൾ രാജിവെച്ചത്.