കോവിന്ദിന്​ നിതീഷ്​ കുമാറി​െൻറ പിന്തുണ

ന്യൂഡൽഹി: നിർണായക കളംമാറ്റത്തിൽ എൻ.ഡി.എയുടെ രാഷ്​ട്രപതി സ്​ഥാനാർഥി രാംനാഥ്​ കോവിന്ദിനെ പിന്തുണക്കാൻ പ്രതിപക്ഷത്തുനിന്ന്​ ജനതാദൾ^യു തീരുമാനിച്ചു. പ്രതിപക്ഷം പൊതുസ്​ഥാനാർഥിയെ നിർത്തണമെന്ന്​ ആദ്യമായി ആവശ്യപ്പെട്ട ബിഹാർ മുഖ്യമന്ത്രി നിതീഷ്​കുമാറി​​​െൻറ പാർട്ടി തന്നെ എൻ.ഡി.എ സ്​ഥാനാർഥിക്ക്​ പിന്തുണ പ്രഖ്യാപിച്ച ആദ്യ പ്രതിപക്ഷപാർട്ടിയായി മാറി. ജനതാദൾ^ യുവിന്​ പുറമെ തെലങ്കാന രാഷ്​ട്രസമിതി, ഒഡിഷയിലെ ബിജു ജനതാദൾ, എ.​െഎ.എ.ഡി.എം.കെ എന്നിവര​ുടെയെല്ലാം ​േചർത്ത്​ 62.8 ശതമാനം വോട്ടുറപ്പിച്ചതോടെ രാംനാഥ്​ കോവിന്ദ്​ അടുത്ത രാഷ്​ട്രപതിയാകുമെന്ന്​ ഉറപ്പായി. ജയിക്കാൻ 50 ശതമാനത്തിലേറെ വോട്ടാണ്​ സ്​ഥാനാർഥിക്ക്​ ലഭിക്കേണ്ടത്​​.

പ്രതിപക്ഷത്തിന്​ 33.7ശതമാനം വോട്ടുവിഹിതമാണുള്ളത്​. ഇതുകൂടാതെ സ്വത​ന്ത്രരുടെയും മറ്റ്​ കക്ഷികളുടെയും 2.07 ശതമാനവും ആം ആദ്​മി പാർട്ടിയുടെ​ 0.8ശതമാനവും വോട്ടുവിഹിതം ചേർന്നാലും എൻ.ഡി.എ സ്​ഥാനാർഥിക്ക്​ ഭീഷണിയാകില്ല. പട്​നയിൽ ബുധനാഴ്​ച ചേർന്ന  ജനതാദൾ ^യു വി​​​െൻറ  നേതൃയോഗത്തിനുശേഷം രത്​േനഷ്​ സാഡയാണ്​ കോവിന്ദി​െന പിന്തുണക്കാൻ പാർട്ടിയെടുത്ത തീരുമാനം മാധ്യമപ്രവർത്തകരെ അറിയിച്ചത്​. മുഖ്യമന്ത്രിയുടെ ഒൗദ്യോഗികവസതിക്ക്​ പുറത്താണ്​ പാർട്ടി എം.എൽ.എ തീരുമാനമറിയിച്ചത്​.

ഒാ​േരാ എം.എൽ.എയെയും നേരിൽകണ്ട്​ അഭി​പ്രായമാരായുകയായിരുന്നു നിതീഷ്​കുമാർ. പാർട്ടി എം.എൽ.എമാരെ കൂടാതെ മ​ുതിർന്ന ജനതാദൾ ^യു നേതാക്കളും യോഗത്തിൽ പ​​െങ്കടുത്തു. ബിഹാർ ഗവർണറായിരുന്ന കോവിന്ദി​നെ എൻ.ഡി.എ രാഷ്​ട്രപതി സ്ഥാനാർഥിയാക്കിയതിൽ താൻ വ്യക്​തിപരമായി സന്തുഷ്​ടനാണെന്ന് ആദ്യനാളിൽ തന്നെ നിതീഷ്​ പ്രതികരിച്ചിരുന്നു. എന്നാൽ, പാർട്ടിയിൽ ചർച്ചചെയ്​തശേഷം തീരുമാനം പ്രഖ്യാപിക്കുമെന്ന്​ പറയുകയുമുണ്ടായി. ബി.ജെ.പിക്കെതിരെ ആർ.ജെ.ഡിയുമായും കോൺഗ്രസുമായും ചേർന്ന്​ മഹാസഖ്യമുണ്ടാക്കി ബിഹാറിൽ വീണ്ടും അധികാരത്തി​േലറിയ നിതീഷ്​കുമാർ 22ന്​ പ്രതിപക്ഷകക്ഷികൾ സ്​ഥാനാർഥിനിർണയം സംബന്ധിച്ച്​ യോഗം ചേരാനിരി​െക്കയാണ്​ കൂറുമാറിയത്​.

സോണിയ വിളിച്ച യോഗത്തിൽ പ​െങ്കടുക്കി​െല്ലന്നും ജനതാദൾ ^യു അറിയിച്ചിട്ടുണ്ട്​. എന്നാൽ, നിതീഷി​​​െൻറ തീരുമാനം അംഗീകരിക്കില്ലെന്ന നിലപാടിലാണ്​  ജനതാദൾ ^യു കേരളഘടകം. പ്രതിപക്ഷമെടുക്കുന്ന തീരുമാനത്തോടൊപ്പം നിൽക്കുമെന്നാണവർ അറിയിച്ചിരിക്കുന്നത്​. കഴിഞ്ഞ രാഷ്​​​​്ട്രപതിതെര​ഞ്ഞെട​ുപ്പ്​ സമയത്ത്​ എൻ.ഡി.എയിലായിരുന്ന നിതീഷ്​കുമാർ യു.പി.എ നിർത്തിയ പ്രണബ്​ മുഖർജിക്കായിരുന്നു വോട്ടുചെയ്തത്​. തുടർന്ന്​ മോദിയെ  പ്രധാനമന്ത്രി സ്​ഥാനാർഥിയാക്കിയെന്ന വിഷയമുന്നയിച്ച്​ ബി.ജെ.പി ബന്ധം വിച്ഛേദിച്ച്​ ബിഹാറിൽ മഹാസഖ്യമുണ്ടാക്കുകയും ചെയ്​തു.