'നീതീഷ്​ വീണ്ടും മുഖ്യമന്ത്രിയാകില്ലെന്ന്​ ഉറപ്പ്​ നൽകുന്നു' - ചിരാഗ്​ പാസ്വാൻ

ഖജാരിയ (ബിഹാർ): ബിഹാറിൽ​ നീതീഷ്​ കുമാർ വീണ്ടും മുഖ്യമന്ത്രിയാകില്ലെന്ന്​ ആവർത്തിച്ച്​ എൽ.ജെ.പി നേതാവ്​ ചിരാഗ്​ പാസ്വാൻ. ബിഹാർ നിയമസഭ തെരഞ്ഞെടുപ്പിലെ രണ്ടാംഘട്ടത്തിൽ വോട്ട്​ രേഖപ്പെടുത്തി പുറത്തിറങ്ങിയ ​ശേഷമായിരുന്നു പ്രതികരണം. ലോക്​ ജനശക്തി നേതാവായ ചിരാഗ്​ പസ്വാൻ ഒറ്റക്കാണ്​ മത്സരിക്കുന്നത.്​ എൽ.ജെ.പി പിന്തുണയോടെ ബി.ജെ.പി സർക്കാറുണ്ടാക്കുമെന്നും ചിരാഗ്​ പാസ്വാൻ വ്യക്തമാക്കിയിരുന്നു.

'നിതീഷ്​ മുക്തമായ ബിഹാറിനായി ജനങ്ങൾ അനുഗ്രഹം നൽകി. നവംബർ 10ന്​ ശേഷം നിതീഷ്​ കുമാർ മുഖ്യമന്ത്രിയായി തുടരില്ലെന്ന്​ ഞാൻ നിങ്ങൾക്ക്​ രേഖാമൂലം ഉറപ്പുനൽകാം. എനിക്ക്​ ഇതിൽ യാതൊരു റോളുമില്ല. എ​െൻറ ആഗ്രഹം ബിഹാർ ആദ്യം, ബീഹാറി ആദ്യം എന്നുമാത്രം. നാലുലക്ഷം ബിഹാറികളുടെ നിർദേശങ്ങൾ അനുസരിച്ച്​ തയാറാക്കിയ ദർശന രേഖ അനുസരിച്ച്​ ജോലി ചെയ്യണമെന്ന്​ ഞാൻ ആഗ്രഹിക്കുന്നു' -ചിരാഗ്​ പാസ്വാൻ എ.എൻ.ഐയോട്​ പറഞ്ഞു.

സംസ്​ഥാന സർക്കാറിനെ നിരന്തരം ട്വീറ്റുകളിലൂടെയും ചിരാഗ്​ പസ്വാൻ വിമർശിച്ചിരുന്നു. സംസ്​ഥാനത്തി​െൻറ തകർച്ചയെ തുടർന്ന്​ ബിഹാറിൽനിന്നാണെന്ന്​ പറയാൻ ബിഹാറിലെ ജനങ്ങൾ മടിക്കുന്നതായി അദ്ദേഹം പറഞ്ഞിരുന്നു.

ആദ്യഘട്ട​ വോ​ട്ടെടുപ്പിന്​ ശേഷം നിതീഷ്​ കുമാർ ജി, തോൽവി ഭയം ആ​രിൽനിന്നും ഒളിച്ചുവെച്ചിട്ടില്ല. ജനങ്ങൾ അദ്ദേഹത്തെ നിരസിച്ചു. നിങ്ങളുടെ വോട്ടുകൾ പാഴാക്കരുതെന്ന്​ ഞാൻ അഭ്യർഥിക്കുന്നു. ബിഹാറിലെ മാറ്റത്തിനുവേണ്ടി ജനങ്ങൾ അനുഗ്രഹിച്ച്​ കഴിഞ്ഞു. നീതീഷില്ലാത്ത ബിഹാർ, ബിഹാർ ആദ്യം, ബീഹാറി ആദ്യം -ചിരാഗ്​ പസ്വാൻ ട്വീറ്റിൽ കുറിച്ചു.

കഴിഞ്ഞ 15 വർഷത്തിനിടെ ബിഹാർ കുപ്രസിദ്ധിയിൽനിന്ന്​ ദയനീയമായി മാറി. കുടിയേറ്റം, തൊഴിലില്ലായ്​മ, വെള്ളപ്പൊക്കം തുടങ്ങിയവയിൽ യാതൊരു മാറ്റവും സംഭവിച്ചില്ല. അധ്യാപകരും വിദ്യാർഥികളുമടക്കം ഇരുട്ടിൽ ജീവിക്കുന്നു. ബിഹാറിൽനിന്നുള്ള കുടിയേറ്റ തൊഴിലാളികൾ സ്വയം ബിഹാറികളെന്ന്​ വിളിക്കാൻ പോലും മടികാണിക്കുന്നു. ജനാധിപത്യം അതി​െൻറ വിധി മാറ്റാൻ അവസരം നൽകുന്നു -മറ്റൊരു ട്വീറ്റിൽ ചിരാഗ്​ പസ്വാൻ കുറിച്ചു.

'ബിഹാർ ഫസ്​റ്റ്​, ബീഹാറി ഫസ്​റ്റ്​' എന്ന മുദ്രാവാക്യമുയർത്തിയാണ്​ എൽ.ജെ.പിയുടെ തെരഞ്ഞെടുപ്പ്​ പ്രചരണം. സീതദേവിക്കായി ക്ഷേ​ത്രം പണിയുമെന്നതാണ്​ പ്രധാന വാഗ്​ദാനം. ഉത്തർപ്രദേശ്​ അയോധ്യയിലെ രാമക്ഷേത്രത്തേക്കാൾ വലിയ ക്ഷേത്രം​ സീതാമാർഹിയിൽ സീതക്കായി നിർമിക്കുമെന്ന്​ വ്യക്തമാക്കിയിരുന്നു.