രാജ്യത്ത്​ സമൂഹവ്യാപനമില്ല; 90 ശതമാനം ​കേസുകളും എട്ട്​ സംസ്ഥാനങ്ങളിൽ -ആരോഗ്യമന്ത്രി

ന്യൂഡൽഹി: ഇന്ത്യയിൽ കോവിഡി​​െൻറ സമൂഹവ്യാപനമുണ്ടായിട്ടില്ലെന്ന്​ കേന്ദ്ര ആരോഗ്യമന്ത്രി ഹർഷ വർധൻ. 90 ശതമാനം രോഗികളും എട്ട്​ സംസ്ഥാനങ്ങളിലാണുള്ളതെന്നും ആരോഗ്യമന്ത്രി പറഞ്ഞു. ഇന്ത്യയി​ൽ കോവിഡ്​ രോഗികളുടെ പ്രതിദിന വർധന റെക്കോർഡിലെത്തിയതിന്​ പിന്നാലെയാണ്​ ആരോഗ്യമന്ത്രിയുടെ പ്രതികരണം.

കഴിഞ്ഞ ദിവസം 24,879 പേർക്കാണ്​ രാജ്യത്ത്​ കോവിഡ്​ സ്ഥിരീകരിച്ചത്​. 7,67,296 പേർക്കാണ്​ രാജ്യത്ത്​ ഇതുവരെ കോവിഡ്​ സ്ഥിരീകരിച്ചത്​​. മഹാരാഷ്​ട്ര, തമിഴ്​നാട്​, കർണാടക, ​ഡൽഹി, തെലങ്കാന, യു.പി, ആന്ധ്രപ്രദേശ്​ തുടങ്ങിയ സംസ്ഥാനങ്ങളിലാണ്​ കോവിഡ്​ കേസുകളിൽ ഭൂരിപക്ഷവും. 

നേരത്തെ മുംബൈയിൽ മാത്രം കോവിഡ്​ മരണം 5,000 കടന്നിരുന്നു. 62 പേരാണ്​ കഴിഞ്ഞ ദിവസം മാത്രം മരിച്ചത്​. 23,214 പേരാണ്​ മുംബൈയിൽ മാത്രം രോഗം ബാധിച്ച്​ ചികിൽസയിലുള്ളത്​. സമാന സ്ഥിതി തന്നെയാണ്​ ഡൽഹിയിലും നിലവിലുള്ളത്​.