മന്ത്രിസഭ പുനഃസംഘടനയിൽ സന്തോഷം; കോൺഗ്രസിൽ വിഭാഗീയതയില്ല, ഒറ്റക്കെട്ടാ​െണന്ന്​ സചിൻ​ പൈലറ്റ്​

ജയ്​പൂർ: രാജസ്​ഥാൻ മന്ത്രിസഭ പുനഃസംഘടനയിൽ സന്തോഷം പങ്കുവെച്ച്​ കോൺഗ്രസ്​ നേതാവ്​ സചിൻ പൈലറ്റ്​. മണിക്കൂറുകൾക്കകം സംസ്​ഥാന മന്ത്രിസഭയിൽ വൻ അഴിച്ചുപണി നടക്കാനിരിക്കേയാണ്​ ​പൈലറ്റിന്‍റെ പ്രതികരണം.

മുഖ്യമന്ത്രി അശോക്​ ഗെഹ്​ലോട്ടും സചിൻ പൈലറ്റും തമ്മിൽ ഒരു വർഷം മുമ്പ്​ ഉടലെടുത്ത തർക്കത്തിന്‍റെ പര്യവസാനമാകും മന്ത്രിസഭ പുനഃസംഘടനയെന്നാണ്​ കോൺഗ്രസിന്‍റെ കണക്കുകൂട്ടൽ.

'നമ്മൾ ഇവിടെ തത്വങ്ങളെക്കുറിച്ചാണ്​ സംസാരിക്കുന്നത്​. എല്ലാവരുടെയും അഭിപ്രായം പ്രധാനമാണ്​. ആശങ്കകൾ പരിഹരിക്കപ്പെട്ടതിൽ സന്തോഷം. മാറ്റം സ്​ഥിരമാണ്​. എന്നാൽ ഈ മാറ്റം ​ആളുകളെ ഉത്തേജിപ്പിക്കാൻ സാധിക്കും. 2023ലെ തെരഞ്ഞെടുപ്പിൽ ഞങ്ങൾ ജയിക്കും' -മാധ്യമപ്രവർത്തകരോട്​ സചിൻ പൈലറ്റ്​ പറഞ്ഞു.

രാജസ്​ഥാൻ കോൺഗ്രസിനുള്ളിൽ മാധ്യമങ്ങൾ സൃഷ്​ടിക്കുന്ന പോരാട്ടങ്ങൾ മാത്രമാണെന്നായിരുന്നു ​പൈലറ്റിന്‍റെ മറ്റൊരു പ്രതികരണം. 'രണ്ടു സംഘങ്ങൾ തമ്മിൽ പോരാട്ടമാണെന്ന്​ മാധ്യമങ്ങൾ ചിത്രീകരിക്കുന്നു. എന്നാൽ ഞങ്ങളെല്ലാവരും സോണിയ ഗാന്ധിയുടെയും നേതൃത്വത്തിലാണ്​ പ്രവർത്തിക്കുന്നത്​' -പൈലറ്റ്​ കൂട്ടിച്ചേർത്തു.

എന്തുകൊണ്ടാണ്​ കോൺഗ്രസിനുള്ളിലെ വിഭാഗീയതയെക്കുറിച്ച്​ മാത്രം ഇത്രയധികം ചർച്ചകൾ. ഞങ്ങൾ ഒരുമിച്ചാണ്​​. ഞങ്ങൾ തെരഞ്ഞെടുപ്പിനെ ഒരുമിച്ച്​ നേരിടുകയും സർക്കാർ രൂപീകരിക്കുകയും ചെയ്​തു. കോൺഗ്രസിനുള്ളിൽ ഒരു വിഭാഗം മാത്രമാണ്​ ഞങ്ങൾക്കുള്ളത്​' -സചിൻ പൈലറ്റ്​ പറഞ്ഞു.

ഞായറാഴ്ച വൈകിട്ട്​ നാലുമണിക്കാണ്​ പുതിയ മന്ത്രിമാരുടെ സത്യപ്രതിജ്ഞ. പുതിയ മന്ത്രിസഭ പട്ടിക നല്ല സന്ദേശമാണ്​ നൽകുന്നതെന്നും സചിൻ പൈലറ്റ്​ പറഞ്ഞു. ദലിത്​, ആദിവാസി സഹോദരങ്ങൾക്ക്​ പ്രാധാന്യം നൽകിയി​ട്ടു​​ണ്ടെന്നും ഇത്​ വളരെ നല്ല കാര്യമാ​െണന്നും സചിൻ ​ൈപലറ്റ്​ കൂട്ടിച്ചേർത്തു. മന്ത്രിസഭ പുനസംഘടനയിൽ സോണിയ ഗാന്ധി, അജയ്​ മാക്കൻ, അശോക്​ ഗെഹ്​ലോട്ട്​ എന്നിവർക്ക്​ നന്ദി രേഖപ്പെടു​ത്തുകയും ചെയ്​തു.

15 പുതുമുഖങ്ങളാണ്​ മന്ത്രിസഭയിലേക്ക്​ പുതുതായി എത്തുക. ഇവർ ഉൾപ്പെടെ 30 മന്ത്രിമാരാണ്​ ഞായറാഴ്ച സത്യപ്രതിജ്ഞ ചെയ്​ത്​ അധികാരമേൽക്കുക. നിലവിലെ മന്ത്രിസഭയിലെ 21 പേരും രാജിവെച്ചിരുന്നു. പുതുമുഖ മന്ത്രിമാരിൽ അഞ്ചുപേർ സചിൻ പൈലറ്റ്​ പക്ഷത്തുള്ളവരാണെന്നാണ്​ വിവരം.