ലൈംഗികവൃത്തിയുമായി​ ബന്ധമില്ല; ക്രോസ്​ ജെൻഡർ മസാജിനുള്ള വിലക്ക്​ നീക്കി കോടതി

ന്യൂഡൽഹി: ക്രോസ്​ ജെൻഡർ മസാജിന്​ വിലക്കേർപ്പെടുത്തിയ ഡൽഹി സർക്കാർ ഉത്തരവ്​ സ്​റ്റേ ചെയ്​ത്​ ​ൈഹകോടതി. മസാജ്​ പാർലറുകളുടെ നിരോധനവും ലൈംഗികവൃത്തിയും തമ്മിൽ ബന്ധ​മില്ലെന്ന്​ നിരീക്ഷിച്ചായിരുന്നു കോടതി ഉത്തരവ്​.

നേരത്തെ ലൈംഗികവൃത്തി തടയുകയെന്ന ലക്ഷ്യംമുൻനിർത്തി പുരുഷൻമാർക്ക്​ സ്​ത്രീകൾ മസാജ്​ സേവനം നൽകുന്നത്​ ഡൽഹി സർക്കാർ തടഞ്ഞിരുന്നു. സ്​ത്രീകൾക്ക്​ പുരുഷൻമാർ മസാജ് ​നൽകുന്നതിനും വിലക്കുണ്ടായിരുന്നു. ഇതാണ്​ ഹൈകോടതി ഇപ്പോൾ ഒഴിവാക്കിയിരിക്കുന്നത്​.

ഡൽഹിയിലെ സ്​പാ ഉടമകൾ നൽകിയ ഹരജി പരിഗണിച്ചാണ്​ കോടതി ഉത്തരവ്​. നയം രൂപീകരിക്കു​േമ്പാൾ മസാജ്​ പാർലറുകളിലെ​ തൊഴിലാളികളെ സർക്കാർ പരിഗണിച്ചില്ലെന്ന്​ ജസ്റ്റിസ്​ രേഖ പാലി പറഞ്ഞു. മസാജ്​ പാർലറുകളിൽ ജോലി ചെയ്യുന്നവർക്ക്​ പെ​ട്ടെന്ന്​ തൊഴിൽ നഷ്​ടമായാൽ അത്​ പ്രശ്​നങ്ങൾ സൃഷ്​ടിക്കുമെന്നും കോടതി നിരീക്ഷിച്ചു.

സ്​പാകളിലും മസാജ്​ പാർലറുകളിലും പരിശോധനകൾ കർശനമാക്കി ലൈംഗികവൃത്തിയും മനുഷ്യക്കടത്തും നടക്കുന്നില്ലെന്ന്​ ഉറപ്പാക്കുകയാണ്​ വേണ്ടതെന്നും കോടതി ഉത്തരവിട്ടു. 5000ത്തോളം അനധികൃത സ്​പാകൾ ഡൽഹിയിൽ പ്രവർത്തിക്കുന്നതിൽ ആശങ്ക രേഖപ്പെടുത്തിയ കോടതി ഒരാഴ്ചക്കകം ഇവ അടച്ചുപൂട്ടണമെന്നും നിർദേശിച്ചു. കേസ്​ ജനുവരിയിൽ വീണ്ടും പരിഗണിക്കും.