അഭിസാരിക, അവിഹിതം, വേശ്യ, ജാരസന്തതി തുടങ്ങിയ വാക്കുകൾ ഇനി വേണ്ടെന്ന് ​സുപ്രീം കോടതി; കൈപ്പുസ്തകം ഇറക്കി

ന്യൂഡൽഹി: സു​പ്രീ​ം കോടതി പുതിയ കൈപ്പുസ്തകം പുറത്തിറക്കി. ലിംഗവിവേചനമുളള ഭാഷാപ്രയോഗങ്ങള്‍ കോടതികളില്‍നിന്ന് ഒഴിവാക്കുന്നതി​െൻറ ഭാഗമായാണ് പുതിയ കൈപ്പുസ്തകം ഒരുക്കിയത്. വാക്കുകള്‍ക്കു പുറമെ 40 ഭാഷാപ്രയോഗങ്ങള്‍ക്ക് പകരം കോടതികളില്‍ ഉപയോഗിക്കാവുന്ന പുതിയ പ്രയോഗങ്ങള്‍ അടങ്ങുന്ന കൈപ്പുസ്തകമാണ് പുറത്തിറക്കിയിരിക്കുന്നത്.

ഒഴിവാക്കേണ്ട പദങ്ങള്‍/പ്രയോഗങ്ങള്‍, പകരം ഉപയോഗിക്കേണ്ട പദങ്ങള്‍/പ്രയോഗങ്ങള്‍ എന്നിവയാണ് കൈപുസ്തകത്തില​ുള്ളത്. കൈപുസ്തക പ്രകാരം അഭിസാരിക, അവിഹിതം തുടങ്ങിയ പദങ്ങള്‍ ഇനിമുതല്‍ കോടതികളിലോ കോടതി രേഖകളിലോ ഉപയോഗിക്കാൻ പാടില്ല. അഭിസാരികക്ക് പകരമായി `വിവാഹത്തിന് പുറത്ത് ലൈംഗികബന്ധത്തില്‍ ഏര്‍പ്പെട്ട സ്ത്രീ' എന്ന് എഴുതാം. അവിഹിതത്തിന് പകരം `വിവാഹത്തിന് പുറത്തുള്ള ബന്ധം' എന്നാണ് ഉപയോഗിക്കേണ്ടത്. ബന്ധം എന്ന് പറയുന്നതിന് പകരം `വിവാഹത്തിന് പുറത്തുള്ള ബന്ധം' എന്ന് കൃത്യമായി പറഞ്ഞിരിക്കണം.

കാമവികാരപരമായ ലൈംഗിക വേഴ്ച എന്നതിന് പകരം `ലൈംഗിക വേഴ്ച' എന്ന് മതി. വേശ്യ എന്ന പദത്തിന് പകരം `ലൈംഗിക തൊഴിലാളി' എന്ന് ഉപയോഗിക്കണം. അവിവാഹിതയായ അമ്മയെന്ന് പറയുന്നതിന് പകരം `അമ്മ' എന്ന് പറഞ്ഞാല്‍ മതി. ജാരസന്തതി എന്ന് ഉപയോഗിക്കുന്നതിന് പകരം `വിവാഹിതരല്ലാത്ത മാതാപിതാക്കള്‍ക്ക് ഉണ്ടായ കുട്ടി' എന്നാണ് ഉപയോഗിക്കേണ്ടത്. പ്രായപൂര്‍ത്തിയാകാത്ത ലൈംഗിക തൊഴിലാളി എന്നതിന് പകരം `മനുഷ്യക്കടത്തിന് ഇരയായ കുട്ടി' എന്നാണ് പറയേണ്ടത്.

കര്‍ത്തവ്യബോധമുള്ള ഭാര്യ, വിശ്വസ്തയായ ഭാര്യ, നല്ല ഭാര്യ, അനുസരണയുള്ള ഭാര്യ എന്നിവയ്ക്ക് പകരം ഇനി മുതല്‍ `ഭാര്യ' എന്ന് ഉപയോഗിച്ചാല്‍ മതി. വീട്ടമ്മ എന്നതിന് പകരം 'ഗാര്‍ഹിക പരിപാലനം നടത്തുന്നവര്‍' എന്നാണ് ഉപയോഗിക്കേണ്ടത്. ഇന്ത്യന്‍ വനിത, പാശ്ചാത്യ വനിത എന്നിവയ്ക്ക് പകരം `വനിത' എന്ന് ഉപയോഗിച്ചാല്‍ മതിയെന്നും സുപ്രീം കോടതി പുറത്തിറക്കിയ കൈപുസ്തകത്തില്‍ പറയുന്ന​ു.

ബലപ്രയോഗത്തിലൂടെയുള്ള ബലാത്സംഗം എന്ന് പറയുന്നതിന് പകരം `ബലാത്സംഗം' എന്ന് പറഞ്ഞാല്‍ മതി. `തെരുവില്‍ നടക്കുന്ന ലൈംഗിക അതിക്രമം' എന്നാണ് പൂവാലശല്യത്തെ ഇനി മുതല്‍ പറയേണ്ടത്. ലൈംഗിക പീഡനത്തിന് ഇരയാകുന്നവരെ `ഇരകള്‍' എന്നോ, `അതിജീവിതകള്‍' എന്നോ വിശേഷിപ്പിക്കാം. പീഡനത്തിന് ഇരയായവരുടെ ആവശ്യപ്രകാരം ആയിരിക്കണം ഇതില്‍ ഏത് പ്രയോഗം എന്ന് തീരുമാനിക്കേണ്ടതെന്നും സുപ്രീം കോടതി വ്യക്തമാക്കി. അവിവാഹിതയായ അമ്മ എന്നതിന് പകരം `അമ്മ' എന്നാണ് ഇനിമുതല്‍ ഉപയോഗിക്കേണ്ടതെന്നാണ് പുതിയ നിർദേശം.

സ്ത്രീ​ക​ൾ അ​ബ​ല​ക​ളോ പു​രു​ഷ​ന്മാ​ർ​ക്ക് കീ​ഴ്പ്പെ​ടേ​ണ്ട​വ​രോ അ​ല്ല

ന്യൂ​ഡ​ൽ​ഹി: സ്ത്രീ​ക​ളെ​ക്കു​റി​ച്ച് സ​മൂ​ഹം വെ​ച്ചു​പു​ല​ർ​ത്തു​ന്ന പൊ​തു​സ​ങ്ക​ൽ​പ​ങ്ങ​ൾ പൊ​ളി​ച്ചെ​ഴു​തി സു​പ്രീം​കോ​ട​തി പു​റ​ത്തി​റ​ക്കി​യ കൈ​പ്പു​സ്ത​കം. അ​ഭി​സാ​രി​ക, വെ​പ്പാ​ട്ടി, വേ​ശ്യ തു​ട​ങ്ങി​യ പ​ദ​പ്ര​യോ​ഗ​ങ്ങ​ൾ ലിം​ഗ​നീ​തി​ക്ക് നി​ര​ക്കാ​ത്ത​താ​ണെ​ന്ന് കൈ​പ്പു​സ്ത​ക​ത്തി​ൽ പ​റ​യു​ന്നു. വി​ധി​ന്യാ​യ​ങ്ങ​ളി​ലും ഹ​ര​ജി​ക​ളി​ലും സാ​ധാ​ര​ണ​യാ​യി ഉ​പ​യോ​ഗി​ക്കു​ന്ന ഇ​ത്ത​രം വാ​ക്കു​ക​ൾ​ക്കും പ്ര​യോ​ഗ​ങ്ങ​ൾ​ക്കും ബ​ദ​ൽ നി​ർ​ദേ​ശി​ക്കു​ന്ന​തി​നൊ​പ്പം എ​ന്തു​കൊ​ണ്ട് പാ​ടി​ല്ലെ​ന്ന് വി​ശ​ദീ​ക​രി​ക്കു​ന്നു​മു​ണ്ട്. സ്ത്രീ​ക​ൾ പു​രു​ഷ​ന്മാ​ർ​ക്ക് കീ​ഴ്പ്പെ​ട്ട് ജീ​വി​ക്കേ​ണ്ട​വ​രാ​ണെ​ന്ന വാ​ർ​പ്പു​മാ​തൃ​ക ശ​രി​യ​ല്ല. സ്ത്രീ​ക​ൾ​ക്കും പു​രു​ഷ​ന്മാ​ർ​ക്കും ഭ​ര​ണ​ഘ​ട​ന തു​ല്യ അ​വ​കാ​ശ​മാ​ണ് ന​ൽ​കു​ന്ന​ത്. വീ​ട്ടു​ജോ​ലി​ക​ൾ ചെ​യ്യേ​ണ്ട ഉ​ത്ത​ര​വാ​ദി​ത്തം സ്ത്രീ​ക​ൾ​ക്ക് മാ​ത്ര​മ​ല്ല, പു​രു​ഷ​ന്മാ​ർ​ക്കു കൂ​ടി​യു​ണ്ട്.

ഭ​ർ​ത്താ​വി​ന്റെ മാ​താ​പി​താ​ക്ക​ളെ സം​ര​ക്ഷി​ക്കേ​ണ്ട ജോ​ലി സ്ത്രീ​ക​ളു​ടേ​തു മാ​ത്ര​മ​ല്ല. കു​ടും​ബ​ത്തി​ലെ എ​ല്ലാ​വ​ർ​ക്കും അ​തി​ന് ബാ​ധ്യ​ത​യു​ണ്ട്. ജോ​ലി​ക്കു പോ​കു​ന്ന സ്ത്രീ​ക​ൾ മ​ക്ക​ളു​ടെ കാ​ര്യ​ത്തി​ൽ ശ്ര​ദ്ധ പു​ല​ർ​ത്തു​ന്നി​ല്ല, അ​മ്മ​മാ​രാ​യ സ്ത്രീ​ക​ൾ ഓ​ഫി​സ് ജോ​ലി​ക​ളി​ൽ ​ശ്ര​ദ്ധ​പു​ല​ർ​ത്തു​ന്നി​ല്ല, ജോ​ലി​ക്ക് പോ​കാ​ത്ത സ്ത്രീ​ക​ൾ വീ​ട്ടു​ചെ​ല​വി​ലേ​ക്ക് പ​ണം ന​ൽ​കു​ന്നി​ല്ല തു​ട​ങ്ങി​യ പൊ​തു​സ​ങ്ക​ൽ​പ​ങ്ങ​ൾ തെ​റ്റാ​ണെ​ന്നും കൈ​പ്പു​സ്ത​ക​ത്തി​ൽ പ​റ​യു​ന്നു. ഭ​ക്ഷ​ണം പാ​കം​ചെ​യ്യ​ൽ, വീ​ട് വൃ​ത്തി​യാ​ക്ക​ൽ, തു​ണി അ​ല​ക്ക​ൽ, കു​ട്ടി​ക​ളെ​യും പ്രാ​യ​മാ​യ​വ​രെ​യും പ​രി​ച​രി​ക്ക​ൽ തു​ട​ങ്ങി​യ ജോ​ലി​ക​ൾ ചെ​യ്യു​ന്ന​തി​ന് സ്ത്രീ​ക​ൾ പ്ര​തി​ഫ​ലം വാ​ങ്ങു​ന്നി​ല്ല. ഇ​തു ജീ​വി​ത​നി​ല​വാ​രം ഉ​യ​ർ​ത്തു​ന്ന​തി​നൊ​പ്പം കു​ടും​ബ​ത്തി​ന്റെ സാ​മ്പ​ത്തി​ക ഭ​ദ്ര​ത ഉ​റ​പ്പു​വ​രു​ത്തു​ന്ന​തി​ലും വ​ലി​യ പ​ങ്കു​വ​ഹി​ക്കു​ന്ന​താ​യി കൈ​പ്പു​സ്ത​കം ചൂ​ണ്ടി​ക്കാ​ണി​ക്കു​ന്നു.

സ്ത്രീ​ക​ളു​ടെ വ​സ്ത്ര​ധാ​ര​ണ​വും ലൈം​ഗി​ക അ​ഭി​നി​വേ​ശ​വു​മാ​യി ബ​ന്ധ​മി​ല്ല. പ്ര​ത്യേ​ക രീ​തി​യി​ൽ വ​സ്ത്രം​ധ​രി​ക്കു​ന്ന​തും മ​ദ്യ​പി​ക്കു​ന്ന​തും പു​ക​വ​ലി​ക്കു​ന്ന​തും അ​നു​വാ​ദ​മി​ല്ലാ​തെ അ​വ​ളു​ടെ ദേ​ഹ​ത്ത് തൊ​ടാ​നു​ള്ള ലൈ​സ​ൻ​സ​ല്ലെ​ന്നും പു​സ്ത​ക​ത്തി​ൽ വി​ശ​ദീ​ക​രി​ക്കു​ന്നു.