തെരഞ്ഞെടുപ്പിൽ ഒരു ദേശീയ പാർട്ടിക്കും കേവല ഭൂരിപക്ഷം ലഭിക്കില്ല- നവീൻ പട്​നായിക്​

നയാഗർ: ലോക്​സഭാ തെരഞ്ഞെടുപ്പിൽ ഒരു ദേശീയ പാർട്ടിക്കും കേവല ഭൂരിപക്ഷം ലഭിക്കില്ലെന്ന്​ ഒഡീഷ മുഖ്യമന്ത്രി നവ ീൻ പട്​നായിക്​. ബി.ജെ.ഡിക്ക്​ തെരഞ്ഞെടുപ്പിൽ വൻ വിജയം നേടാൻ കഴിയും. അതുകൊണ്ടു തന്നെ കേന്ദ്രത്തിൽ സർക്കാർ രൂപീകരിക്കുന്നതിന്​ ബി.ജെ.ഡിക്ക്​ പ്രധാനപങ്ക്​ വഹിക്കാൻ കഴിയുമെന്നും അദ്ദേഹം പറഞ്ഞു.

കേന്ദ്രസർക്കാർ ഇതുവരെയും ഒഡീഷയെ അവഗണിക്കുകയാണ്​ ചെയ്​തത്​. ആന്ധ്രാപ്രദേശിനെയും ഛത്തിസ്​ഗഢിനെയും കേന്ദ്രസർക്കാർ പിന്തുണച്ചു.
സംസ്ഥാനത്തിന്​ പ്രത്യേക പദവിയെന്നത്​​ 2014 തെരഞ്ഞെടുപ്പിൽ ബി.ജെ.പി തന്ന വാഗ്​ദാനമായിരുന്നു. എന്നാൽ സർക്കാർ രൂപീകരിച്ച ശേഷം അത്​ മറന്നു. ഒഡീഷയുടെ പ്രത്യേക പദവിക്കായി പോരാട്ടം തുടരുമെന്നും നവീൻ പട്​നായിക്​ പറഞ്ഞു.