കശ്​മീർ പ്രശ്​നം പരിഹരിക്കാൻ മൂന്നാം കക്ഷിയുടെ സഹായം വേണ്ട -ഇന്ത്യ

ന്യൂഡൽഹി: കശ്​മീർ പ്രശ്​നം പരിഹരിക്കാൻ മൂന്നാം കക്ഷിയുടെ സഹായം വേണ്ടെന്ന്​ ഇന്ത്യ. വിഷയത്തിൽ​ ഇടപെടാമെന്ന യ ു.എസ്​ പ്രസിഡൻറ്​ ഡോണൾഡ്​ ട്രംപി​​​െൻറ വാഗ്​ദാനത്തോടാണ്​ ഇന്ത്യയുടെ പ്രതികരണം.

പ്രശ്​നം പരിഹരിക്കാൻ മ ൂന്നാമതൊരാളുടെ സഹായം വേണമോ എന്ന എന്ന കാര്യത്തിൽ ഇന്ത്യയുടെ നിലപാട്​ സുവ്യക്​തമാണ്​. ഇക്കാര്യത്തിൽ ഇന്ത്യയുടെ നിലപാട്​ ഒരിക്കൽ കൂടി വ്യക്​തമാക്കുകയാണെന്നും മൂന്നാമതൊരു രാജ്യത്തി​​​െൻറ സഹായം കശ്​മീർ വിഷയത്തിൽ ഇന്ത്യക്ക്​ ആവശ്യമില്ലെന്നും വിദേശകാര്യ മന്ത്രാലയം വക്​താവ്​ രവീഷ്​ കുമാർ പറഞ്ഞു.

ഇന്ത്യയും പാകിസ്​താനും തമ്മിൽ എന്തെങ്കിലും പ്രശ്​നമുണ്ടെങ്കിൽ ചർച്ചകളിലൂടെ അത്​ പരിഹരിക്കും. ഷിംല കരാറി​​​െൻറയും ലാഹോർ പ്രഖ്യാപനത്തി​​​െൻറയും അടിസ്ഥാനത്തിൽ ചർച്ചകൾ ഇരു രാജ്യങ്ങളും തമ്മിൽ നടത്തും. പക്ഷേ പാകിസ്​താൻ​ പ്രശ്​നങ്ങൾ സൃഷ്​ടിക്കുകയാണെന്ന്​ രവീഷ്​ കുമാർ പറഞ്ഞു. ബുധനാഴ്​ചയാണ്​ കശ്​മീർ പ്രശ്​നം പരിഹരിക്കാൻ ഇടപെടാമെന്ന്​ ട്രംപ്​ വീണ്ടും വാഗ്​ദാനം നൽകിയത്​.