തമിഴ്​നാട്ടിലെ സ്വകാര്യ മില്ലിൽ ഉത്തരേന്ത്യൻ യുവതി​ക്ക്​ ക്രൂരമർദ്ദനം; രണ്ടുപേർ അറസ്​റ്റിൽ - വിഡിയോ

ചെന്നൈ: കോയമ്പത്തൂർ ശരവണംപട്ടിയിലെ സ്വകാര്യ സ്​പിന്നിങ്​ മിൽ വളപ്പിലെ ഹോസ്​റ്റലിൽ ഉത്തരേന്ത്യൻ തൊഴിലാളിയായ യുവതിക്ക്​ ക്രൂരമർദ്ദനം. ഇതി​െൻറ വിഡിയോ സാമൂഹിക മാധ്യമങ്ങളിൽ പ്രചരിച്ചതോടെ ശരവണംപട്ടി പൊലീസ്​ രണ്ടുപേരെ അറസ്​റ്റ്​ ചെയ്​തു.

മില്ലിലെ എച്ച്​.ആർ ഉദ്യോഗസ്​ഥനായ മുത്തയ്യ (45), ഹോസ്​റ്റൽ വാർഡൻ ലത (32) എന്നിവരാണ്​ പ്രതികൾ. ഝാർഖണ്ഡ്‌​ സ്വദേശിനിയായ സോംവാരി (22) ആണ്​ മർദ്ദനത്തിനിരയായത്​.

ദേഹസ്വാസ്​ഥ്യം മൂലം ജോലിക്ക്​ വരാത്തതാണ്​ പ്രകോപനത്തിന്​ കാരണം​. കൊന്ന്​ കുഴിച്ചുമൂടുമെന്നും ഭീഷണിപ്പെടുത്തുന്നുണ്ട്​. കരാർ അടിസ്​ഥാനത്തിൽ കുറഞ്ഞ കൂലിക്ക്​ അടിമ ജോലി ചെയ്യുന്ന ഉത്തരേന്ത്യൻ സംസ്​ഥാനങ്ങളിൽനിന്നുള്ള 50ഒാളം സ്​ത്രീ തൊഴിലാളികളാണ്​ പ്രസ്​തുത കേന്ദ്രത്തിലുള്ളത്​.