ചൈനാഫണ്ട്​ സ്വീകരിച്ചിട്ടില്ല -ന്യൂസ്​ക്ലിക്​

ന്യൂ​ഡ​ൽ​ഹി: ത​ങ്ങ​ൾ​ക്കെ​തി​രെ ഡ​ൽ​ഹി പൊ​ലീ​സ്​ യു.​എ.​പി.​എ നി​യ​മ​പ്ര​കാ​രം ചു​മ​ത്തി​യ കു​റ്റ​ങ്ങ​ൾ കെ​ട്ടി​ച്ച​മ​ച്ച​തും അ​ടി​സ്ഥാ​ന​ര​ഹി​ത​വു​മാ​ണെ​ന്ന്​ ന്യൂ​സ്​​ക്ലി​ക്​ വെ​ബ്​​സൈ​റ്റ്​ അ​ധി​കൃ​ത​ർ. ഇ​ന്ത്യ​യു​ടെ അ​ഖ​ണ്ഡ​ത​ക്ക് വി​രു​ദ്ധ​മാ​യ​നി​ല​യി​ൽ ഉ​പ​യോ​ഗ​പ്പെ​ടു​ത്തു​ന്ന​തി​ന്​ ചൈ​ന​യി​ൽ​നി​ന്ന്​ ഫ​ണ്ട്​ എ​ത്തി, അ​മേ​രി​ക്ക​ൻ വ്യ​വ​സാ​യി നെ​വി​ല്ലെ റോ​യ്​ സിം​ഘ​ത്തി​ന്‍റെ ഇ​ന്ത്യ​വി​രു​ദ്ധ അ​ജ​ണ്ട​യെ സ​ഹാ​യി​ച്ചു തു​ട​ങ്ങി​യ കു​റ്റ​ങ്ങ​ളാ​ണ്​ എ​ഫ്.​ഐ.​ആ​റി​ൽ ആ​രോ​പി​ക്കു​ന്ന​ത്.

എ​ന്നാ​ൽ, ചൈ​ന​യി​ൽ​നി​ന്നോ ചൈ​നീ​സ്​ സ്ഥാ​പ​ന​ങ്ങ​ളി​ൽ​നി​ന്നോ പ​ണം സ്വീ​ക​രി​ക്കു​ക​യോ അ​വ​രു​ടെ ഉ​പ​ദേ​ശ​മ​നു​സ​രി​ച്ച്​ പ്ര​വ​ർ​ത്തി​ക്കു​ക​യോ ചെ​യ്തി​ട്ടി​ല്ലെ​ന്ന്​ ന്യൂ​സ്​​ക്ലി​ക്​ പ്ര​സ്താ​വ​ന​യി​ൽ പ​റ​ഞ്ഞു. അ​ക്ര​മം, നി​യ​മ​വി​രു​ദ്ധ പ്ര​വ​ർ​ത്ത​നം തു​ട​ങ്ങി​യ​വ​യൊ​ന്നും ന്യൂ​സ്​​ക്ലി​ക്​ പ്രോ​ത്സാ​ഹി​പ്പി​ച്ചി​ട്ടി​ല്ല.

ന്യൂ​സ്​​ക്ലി​ക്​ ന​ൽ​കി​യ വാ​ർ​ത്ത​ക​ളും ലേ​ഖ​ന​ങ്ങ​ളു​മെ​ല്ലാം​ വെ​ബ്​​സൈ​റ്റി​ൽ ല​ഭ്യ​മാ​ണ്. അ​തു പ​രി​ശോ​ധി​ച്ച്​ നി​ജ​സ്ഥി​തി ഉ​റ​പ്പു​വ​രു​ത്താ​വു​ന്ന​തേ​യു​ള്ളൂ. നീ​തി​പീ​ഠ​ത്തി​ൽ പൂ​ർ​ണ​വി​ശ്വാ​സം അ​ർ​പ്പി​ച്ച്​ കേ​സ്​ നേ​രി​ടു​മെ​ന്ന്​ പ്ര​സ്താ​വ​ന വ്യ​ക്​​ത​മാ​ക്കി. എ​ൻ​ഫോ​ഴ്​​സ്​​മെ​ന്‍റ്, സാ​മ്പ​ത്തി​ക കു​റ്റാ​ന്വേ​ഷ​ണ വി​ഭാ​ഗം, ഡ​ൽ​ഹി ​പൊ​ലീ​സ്, ആ​ദാ​യ​നി​കു​തി വ​കു​പ്പ്​ എ​ന്നി​വ​യെ​ല്ലാം ന്യൂ​സ്​​ക്ലി​ക്കി​നെ​തി​രെ വ​ർ​ഷ​ങ്ങ​ളാ​യി അ​ന്വേ​ഷ​ണം ന​ട​ത്തു​ന്നു​ണ്ട്. എ​ന്നാ​ൽ, കു​റ്റ​പ​ത്ര​മൊ​ന്നും ഇ​തു​വ​രെ ര​ജി​സ്റ്റ​ർ ചെ​യ്തി​രു​ന്നി​ല്ല -പ്ര​സ്താ​വ​ന​യി​ൽ പ​റ​ഞ്ഞു.