വായ്​പ തിരിച്ചടച്ചില്ല; എൻ.ആർ.​െഎയെ തേൻകണിയിൽപെടുത്തി കൊന്നു

വിജയ്​വാഡ: ​വായ്​പ തിരിച്ചടക്കാത്തതി​​​െൻറ പേരിൽ േഫ്ലാറിഡ ആസ്ഥാനമായി പ്രവർത്തിക്കുന്ന ബിസിനസുകാരനെ തേൻകെ ണിയിൽപ്പെടുത്തി കൊന്നു. എൻ.ആർ.​െഎയായ ചിഗുരുപതി ജയറാമാണ്​ കൊല്ലപ്പെട്ടത്​. റിയൽ എസ്​റ്റേറ്റ്​ ബിസിനസുകാരനിൽ നിന്നും വായ്​പയെടുത്ത ആറു കോടി രൂപ തിരി​ച്ചടക്കാത്തതി​​​െൻറ പേരിൽ ഇയാളെ തേൻകെണിയിൽപ്പെടുത്തി ​കൊലപ്പെടു ത്തുകയായിരുന്നു. സംഭവത്തിൽ റിയൽഎസ്​റ്റേറ്റ്​ ബിസിനസുകാരനായ രാകേഷ്​ റെഡ്​ഢി, ഇയാളുടെ ഡ്രൈവർ എന്നിവരെ പൊലീസ് ​ അറസ്​റ്റു ചെയ്​തു.

ജനുവരി 31 നാണ്​ ചിഗുരുപതി ജയറാമിനെ കൊല്ലപ്പെട്ട നിലയിൽ കണ്ടെത്തിയത്​. 55 കാരനായ ജയറാം കോസ്​റ്റൽ ബാങ്ക്​ എന്ന സ്ഥാപനത്തി​​​െൻറ ഡയറക്​റും തെലുഗു ചാനലായ എക്​സ്​പ്രസ്​ ടി.വിയുടെ മാനേജിങ്​ ഡയറക്​ടറും ആയിരുന്നു. ജനുവരി 31 ന്​ വിജയവാഡക്കടുത്ത് നന്ദിയഗാമയിൽ ദേശീയപാതക്കരിൽ നിർത്തിയിട്ട കാറി​​​െൻറ പിറക്​ സീറ്റിലാണ്​ ജയറാമിനെ കൊല്ലപ്പെട്ടനിലയിൽ കണ്ടെത്തിയത്​.

ബിസിനസിനായി രാകേഷ്​ റെഡ്​ഢിയിൽ നിന്നും ആറു കോടി ജയറാം വായ്​പ​യെടുത്തിരുന്നു. തിരിച്ചടവ്​ മുടങ്ങിയതിനെ തുടർന്ന്​ റെഡ്​ഢി നിരന്തരം ഫോണിൽ ബന്ധപ്പെ​െട്ടങ്കിലും ഇയാൾ ​കണക്​ഷൻ ​േബ്ലാക്​ ചെയ്​തു. തുടർന്ന്​ റെഡ്​ഢി സ്​ത്രീയുടെ ചി​ത്രത്തോടെ മറ്റൊരു നമ്പറിൽ നിന്ന്​ ജയറാമുമായി വാട്​സ്​ ആപ്പിൽ ബന്ധപ്പെടുകയും ജൂബിലി ഹിൽസിലെ വീട്ടിലേക്ക്​ തനിച്ച്​ വരാൻ ആവശ്യപ്പെടുകയുമായിരുന്നു.

സ്​ത്രീയുടെ ഫോൺ പിന്തുടർന്നെത്തിയ ജയറാമിനെ റെഡ്​ഢിയും ഡ്രൈവറും ചേർന്ന്​​ മർദിച്ച്​ കീഴടക്കി ആറുകോടിയും പലിശയും നൽകാൻ ആവശ്യപ്പെട്ടു. എന്നാൽ ഇയാള​ുടെ കൈയിൽ ആറു ലക്ഷം രൂപ മാത്രമേ ഉണ്ടായിരുന്നുള്ളൂ. തുടർന്ന്​ റെഡ്​ഢി ഇയാളെ ക്രൂരമായി മർദിച്ചു. തലക്ക്​ പരിക്കേറ്റ ജയറാം സംഭവസ്ഥലത്തുവെച്ചു തന്നെ മരിച്ചു. മൃതദേഹം ജയറാമി​​​െൻറ തന്നെ കാറിൽ എടുത്തിട്ട്​ ദേശീയപാതയുടെ അരികിൽ ഉപേക്ഷിച്ച്​ പ്രതികൾ കടന്നുകളയുകയായിരുന്നു.

ജയറാമി​​​െൻറ കാറിൽ നിന്നും ഒഴിഞ്ഞ മദ്യകുപ്പികൾ പൊലീസ്​ കണ്ടെടുത്തിരുന്നു. ഇതിനെ അടിസ്ഥാനമാക്കി നടത്തിയ അന്വേഷണമാണ്​ റെഡ്​ഢിയിലേക്ക്​ നയിച്ചത്​. ചിഗുരുപതി ജയറാമും രാകേഷ്​ റെഡ്​ഢിയും ബിസിനസ്​ കാര്യങ്ങൾക്ക്​ ബന്ധപ്പെട്ടിരുന്നതായി ബന്ധു ശിഖ ചൗധരി പൊലീസിനെ അറിയിച്ചിരുന്നു.

കേസിൽ കൂടുതൽ പേർ ഉൾപ്പെട്ടിട്ടുണ്ടോയെന്ന്​ അന്വേഷിച്ച്​ വരികയാണെന്നും പൊലീസ്​ സൂപ്രണ്ട്​ സർവശ്രേഷ്​ഠ്​ ത്രിപതി അറിയിച്ചു.