എൻ.ടി.പി.സി സ്ഫോടനം: മരണം 29 ആയി

റായ്​ബറേലി: യു.പിയിൽ റായ്​ബറേലിയി​െല നാഷനൽ തെർമൽ പവർ കോർപറേഷ​​ൻ പ്ലാൻറിൽ ഉണ്ടായ പൊട്ടിത്തെറിയിൽ പൊള്ളലേറ്റ്​ മരിച്ചവരുടെ എണ്ണം 29 ആയി. കോൺ​ഗ്രസ്​ വൈസ്​ പ്രസിഡൻറ്​ രാഹുൽ ഗാന്ധി ഗുജറാത്തിൽ നടത്തിവരുന്ന ‘നവ്​സർജൻ യാത്ര’ തൽക്കാ​ലം​ നിർത്തിവെച്ച്​  റായ്​ബറേലിയിൽ എത്തി. സ്​ഫോടനത്തിൽ മരിച്ചവരുടെ കുടുംബാംഗങ്ങളെ സന്ദർശിച്ചു. കോൺഗ്രസ്​ പ്രസിഡൻറ്​ സോണിയ ഗാന്ധിയുടെ മണ്ഡലമാണ്​ റായ്​ബറേലി. ദുരന്തത്തിൽ ഇവർ നടുക്കം പ്രകടിപ്പിച്ചു. 

യു.പി മുഖ്യമന്ത്രി യോഗി ആദിത്യനാഥ്​ വിദേശത്തായതിനാൽ ഉപ മുഖ്യമന്ത്രി ദിനേശ്​ ശർമ റായ്​ബറേലി സന്ദർശിക്കും. കൊല്ലപ്പെട്ടവർക്ക്​ രണ്ടു ലക്ഷവും ഗുരുതരമായി പരിക്കേറ്റവർക്ക്​ 50,000 രൂപയും നഷ്​ടപരിഹാരം മുഖ്യമന്ത്രി പ്രഖ്യാപിച്ചിരുന്നു.  

നിരവധി പേരുടെ മരണത്തിനിടയാക്കിയ സംഭവത്തിൽ ദേശീയ മനുഷ്യാവകാശ കമീഷൻ യു.പി സർക്കാറിന്​ നോട്ടീസ്​ അയച്ചു. അതിനിടെ, സ്​ഫോടനത്തിലേക്ക്​ നയിച്ച കാരണത്തെക്കുറിച്ച്​ എൻ.ടി.പി.സി ​അന്വേഷണം ആരംഭിച്ചു.  എൻ.ടി.പി.സിയുടെ ആശുപത്രിയിൽ എത്തിയ എൺപതോളം പേരിൽ ഏറെയും പേരെ പ്രഥമ ശുശ്രൂഷകൾക്കുശേഷം വിട്ടയച്ചു. 
ഒമ്പതു സംസ്​ഥാനങ്ങളിലേക്ക്​ വിതരണം ചെയ്യാനുള്ള  1550 മെഗാവാട്ട്​ വൈദ്യുതിയാണ്​ ഇവിടെ ഉൽപാദിപ്പിക്കുന്നത്​. ആറു യൂനിറ്റുകളിലായി 870 ​പേർ ജോലിചെയ്യുന്നുണ്ട്​.  പ്ലാൻറിലെ മറ്റു അഞ്ചു യൂനിറ്റുകൾ അപകടത്തിനുശേഷവും സാധാരണനിലയിൽ പ്രവർത്തിക്കുന്നതായി അധികൃതർ അറിയിച്ചു. ​​ഫിറോസ്​ ഗാന്ധി ഉൻചാഹർ തെർമൽ പവർ സ്​റ്റേഷ​​െൻറ പ്രവർത്തനമാണ്​ നിർത്തിവെച്ചത്​. ഇൗ വർഷം മാർച്ചിലാണ്​ 500 മെഗാവാട്ട്​ വൈദ്യുതി ഉൽപാദനശേഷിയുള്ള ഇൗ പ്ലാൻറ്​ സ്​ഥാപിച്ചത്​. ഇതി​​െൻറ പൈപ്പിലാണ്​ ബുധനാഴ്​ച വൈകീട്ട്​ പൊട്ടിത്തെറിയുണ്ടായത്​.