നൂഹ് ആക്രമണം സം​ഘ​ടി​ത കു​റ്റ​കൃ​ത്യമല്ല, പ്രാ​ദേ​ശി​ക ഭ​ര​ണ​കൂ​ട​ത്തി​ന് വീ​ഴ്ച ഉ​ണ്ടാ​യി​ട്ടി​ല്ല -ദേശീയ ന്യൂനപക്ഷ കമീഷൻ

ന്യൂ​ഡ​ൽ​ഹി: ആ​റു പേ​രു​ടെ മ​ര​ണ​ത്തി​നി​ട​യാ​ക്കി​യ ഹ​രി​യാ​ന​യി​ലെ നൂ​ഹി​ലും മ​റ്റി​ട​ങ്ങ​ളി​ലു​മു​ണ്ടാ​യ വ​ർ​ഗീ​യ സം​ഘ​ർ​ഷ​ത്തി​ൽ പ്രാ​ദേ​ശി​ക ഭ​ര​ണ​കൂ​ട​ത്തി​ന് വീ​ഴ്ച ഉ​ണ്ടാ​യി​ട്ടി​ല്ലെ​ന്ന് ദേ​ശീ​യ ന്യൂ​ന​പ​ക്ഷ ക​മീ​ഷ​ൻ. ചി​ല പോ​രാ​യ്മ​ക​ൾ മാത്രമാണ് സം​ഭ​വി​ച്ചതെന്നും ക​മീ​ഷ​ൻ.

ആ​ക്ര​മ​ണ​ത്തി​ൽ പ്ര​ദേ​ശ​വാ​സി​ക​ൾ ഉ​ൾ​പ്പെ​ട്ടി​രു​ന്നി​ല്ല. സ​മൂ​ഹ​മാ​ധ്യ​മ​ങ്ങ​ളി​ലൂ​ടെ​യു​ള്ള പ്ര​ചാ​ര​ണ​മാ​ണ് സം​ഭ​വ​ങ്ങ​ൾ​ക്ക് കാ​ര​ണ​മാ​യ​തെ​ന്നും ചെ​യ​ർ​മാ​ൻ ഇ​ഖ്ബാ​ൽ സി​ങ് ലാ​ൽ​പു​ര വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു.

‘സ​മൂ​ഹ മാ​ധ്യ​മ​ങ്ങ​ളു​ടെ ദു​രു​പ​യോ​ഗ​മാ​ണ് സം​ഘ​ർ​ഷം വ്യാ​പി​ക്കാ​നി​ട​യാ​ക്കി​യ​ത്. എ​ന്നാ​ലും ഇ​തൊ​രു സം​ഘ​ടി​ത കു​റ്റ​കൃ​ത്യ​മാ​ണെ​ന്ന് പ​റ​യാ​നാ​വി​ല്ല. നൂ​ഹും ഗു​രു​ഗ്രാ​മും സ​ന്ദ​ർ​ശി​ച്ച് ക​മീ​ഷ​ൻ കാ​ര്യ​ങ്ങ​ൾ വി​ല​യി​രു​ത്തി. ആ​ക്ര​മ​ണം ന​ട​ത്തി​യ​വ​ർ പു​റ​ത്തു​നി​ന്നു​ള്ള​വ​രാ​ണെ​ന്നാ​ണ് ആ​ളു​ക​ൾ പ​റ​യു​ന്ന​ത്. പ്രാ​ദേ​ശി​ക മു​സ്‍ലിം​ക​ൾ ക്ഷേ​ത്ര​ങ്ങ​ൾ സം​ര​ക്ഷി​ച്ച​പ്പോ​ൾ ഹി​ന്ദു​ക്ക​ൾ പ​ള്ളി​ക​ൾ സം​ര​ക്ഷി​ച്ചു. ഈ ​സൗ​ഹാ​ർ​ദ​മാ​ണ് അ​വി​ടെ ക​ണ്ട​ത്’ -ലാ​ൽ​പു​ര പ​റ​ഞ്ഞു.

ക​ഴി​ഞ്ഞ ജൂ​ലൈ 31ന് ​വി​ശ്വ​ഹി​ന്ദു പ​രി​ഷ​ത്ത് ഘോ​ഷ​യാ​ത്ര​യെ തു​ട​ർ​ന്നാ​ണ് നൂ​ഹി​ൽ സം​ഘ​ർ​ഷ​ത്തി​ന് തു​ട​ക്ക​മാ​യ​ത്. ഗു​രു​ഗ്രാ​മി​ലും അ​ക്ര​മ​സം​ഭ​വ​ങ്ങ​ളു​ണ്ടാ​യി. സി​ഖു​കാ​ർ ഇ​ന്ത്യ​യി​ൽ​നി​ന്ന് വേ​ർ​പി​രി​യാ​ൻ ഉ​ദ്ദേ​ശി​ക്കു​ന്നി​ല്ലെ​ന്നും ഖലി​സ്താ​ൻ വാ​ദ​ത്തി​ന് പി​ന്നി​ൽ ചി​ല ത​ൽ​പ​ര​ക​ക്ഷി​ക​ളു​ടെ ഇ​ട​പെ​ട​ലാ​ണെ​ന്നും, ചോ​ദ്യ​ങ്ങ​ൾ​ക്ക് മ​റു​പ​ടി​യാ​യി ക​മീ​ഷ​ൻ ചെ​യ​ർ​മാ​ൻ പ​റ​ഞ്ഞു. വൈ​സ് ചെ​യ​ർ​പേ​ഴ്‌​സ​ൻ കെ​ർ​സി കെ. ​ദേ​ബൂ, അം​ഗ​ങ്ങ​ളാ​യ ധ​ന്യ​കു​മാ​ർ ജി​ന​പ്പ ഗു​ണ്ടെ, റി​ഞ്ചെ​ൻ ലാ​മോ എ​ന്നി​വ​രും വാ​ർ​ത്ത സ​മ്മേ​ള​ന​ത്തി​ൽ പ​ങ്കെ​ടു​ത്തു.