കടംവാങ്ങിയ പണം തിരിച്ചടച്ചില്ല; രണ്ടരവയസുകാരിയെ വിറ്റ പിതാവ്​ അറസ്റ്റിൽ

ഭു​വനേശ്വർ: കടബാധിതനായ പിതാവ്​ 5000 രൂപയുടെ വായ്​പ തിരിച്ചടക്കാൻ കഴിയാതെ വന്നതോടെ രണ്ടരവയസുകാരിയെ വിറ്റു. ഒഡീഷയിലെ ജയ്​പുർ ജില്ലയിലാണ്​ സംഭവം.

പരാതിയുമായി കുഞ്ഞിന്‍റെ മുത്തച്ഛൻ രംഗത്തെത്തുന്നതോടെയാണ്​ സംഭവം പുറത്തറിയുന്നത്​. മകൻ രമേശിനെതിരെയും കുഞ്ഞിനെ വാങ്ങിയ ലിതു ജെനക്കെതിരെയുമാണ്​ പരാതി നൽകിയത്​.

ലിതുവിൽനിന്ന്​ രമേശ്​ 5000 രൂപയോളം വാങ്ങിയിരുന്നു. തുടർന്ന്​ സാമ്പത്തിക സ്​ഥിതി മോശമാ​യതോടെ രമേശിന്​ പണം തിരികെ നൽകാൻ സാധിച്ചിരുന്നില്ല. പണത്തിനായി ലിതു നിരവധി തവണ രമേശിന്‍റെ വീട്ടിലെത്തിയിരുന്നു. എന്നാൽ പണം നൽകാ​ൻ കഴിയാതെ വന്നതോടെ പകരം കുഞ്ഞിനെ കൈമാറുകയായിരുന്നു.

കുഞ്ഞിനെ ലിതുവിൽനിന്ന്​ മോചിപ്പിച്ചതായി ജില്ല ശിശു സംരക്ഷണ ഓഫിസർ നിരജ്ഞൻ കർ പറഞ്ഞു. ഭുവനേശ്വറിലാണ്​ രമേശും ഭാര്യയും ജോലിചെയ്യുന്നത്​. മദ്യപിച്ച്​ വീട്ടിലെത്തി നിരന്തരം വഴക്കുണ്ടാക്കുന്ന വ്യക്തിയാണ്​ ഇയാൾ. തുടർന്ന്​ ഭാര്യ മാതാപിതാക്കളുടെ അടുത്തായിരുന്നു താമസം. മകൾ രമേശിനൊപ്പവുമായിരുന്നു.

​േലാക്​ഡൗൺ പ്രഖ്യാപിച്ചതോടെ ഇയാൾ സ്വന്തം ഗ്രാമത്തിലേക്ക്​ കുഞ്ഞുമായി മടങ്ങിയിരുന്നു. കുട്ടിയെ ലിതുവിന്​ കൈമാറു​േമ്പാൾ ഇയാൾ മദ്യപിച്ചിരുന്നതായാണ്​ വിവരം. സംഭവത്തിൽ പ്രതികളെ അറസ്റ്റ്​ ചെയ്​തതായി ​െപാലീസ്​ പറഞ്ഞു.