ഒഡീഷയിൽ ആനയെ രക്ഷിക്കാൻ ശ്രമിക്കുന്നതിനിടെ ദ്രുതകർമ സേനയുടെ ബോട്ട്​ മറിഞ്ഞ്​ മാധ്യമപ്രവർത്തകൻ മരിച്ചു

ഭുവനേശ്വർ: ഒഡിഷയിൽ ദ്രുതകർമ സേനയുടെ ബോട്ട്​ മറിഞ്ഞ്​ പ്രമുഖ മാധ്യമപ്രവർത്തകൻ മരിച്ചു. വെള്ളിയാഴ്ചയാണ്​ സംഭവം.

ദൃശ്യമാധ്യമപ്രവർത്തകനായ 39കാരൻ അരിന്ദം ദാസാണ്​ അന്തരിച്ചത്​. മഹാനദിയുടെ കരയിൽ അകപ്പെട്ട ആനയെ രക്ഷിക്കാൻ ശ്രമിക്കുന്നതിനിടെയാണ്​ അപകടം. നദിയിലെ ശക്തമായ ഒഴുക്കിൽപ്പെട്ട്​ പവർ ബോട്ട്​ മറിയുകയായിരുന്നു. ബോട്ടിൽ ദ്രുതകർമ​ സോനംഗങ്ങളും അരിന്ദം ദാസും കാമറാമാനും ഉണ്ടായിരുന്നു. ദുരന്തത്തിൽ അകപ്പെട്ട മറ്റു മാധ്യമപ്രവർത്തകരെയും ദ്രുതകർമ സേനാംഗങ്ങ​െളയും രക്ഷ​െപ്പടുത്തി കട്ടക്കിലെ എസ്​.സി.ബി മെഡിക്കൽ കോളജിൽ പ്രവേശിപ്പിച്ചു.

ആശുപത്രിയിലെ അത്യാഹിത വിഭാഗത്തിൽ ചികിത്സയിലാണ്​ അരിന്ദമിനൊപ്പമുണ്ടായിരുന്ന കാമറമാർ പ്രവത്​ സിങ്​ഹ. ഒരു ദ്രുതകർമ സേന ഉദ്യോഗസ്​ഥൻ അതി ഗുരുതരാവസ്​ഥയിലാണെന്നും ആശുപത്രി സൂപ്രണ്ട്​ ഭുപാനന്ദ മൊഹരാന പറഞ്ഞു.

ടെലിവിഷൻ മാധ്യമപ്രവർത്തകനായ 39കാരൻ അരിന്ദം ദാസ്​ ഒഡിയ ചാനലായ ഒ.ടി.വിയുടെ ചീഫ്​ റിപ്പോർട്ടറാണ്​. പ്രകൃതി ദുരന്തങ്ങൾ, നക്​സൽ ആക്രമണങ്ങൾ, മറ്റു ആക്രമങ്ങൾ തുടങ്ങിയ റി​േപ്പാർട്ട്​ ചെയ്യാൻ അദ്ദേഹം നിരവധി തവണ മുന്നിട്ടിറങ്ങിയിരുന്നു. വെള്ളിയാഴ്ചയാണ്​ നദിക്കരയിൽ കുടുങ്ങിയ ആനയെ രക്ഷപ്പെടുത്തുന്നത്​ റിപ്പോർട്ട്​ ചെയ്യാനായി ദ്രുതകർമ സേനക്കൊപ്പം മഹാനദിയിലെത്തിയത്​. നദിയുടെ നടുക്കെത്തിയതോടെ ​േബാട്ട്​ മറിയുകയായിരുന്നു.

ഒഡിഷ ഗവർണർ ഗണേഷി ലാൽ, മുഖ്യമന്ത്രി നവീൻ പട്​നായിക്​, കേന്ദ്രമന്ത്രി ധർമേന്ദ്ര പ്രധാൻ തുടങ്ങിയവർ ദാസിന്‍റെ മരണത്തിൽ അനുശോചനം അറിയിച്ചു.