ബി.ജെ.ഡി എം.പി ഉപദ്രവിച്ചതായി ഒഡിഷ മാധ്യമ പ്രവർത്തകയുടെ പരാതി

കട്ടക്​: ബി.ജെ.ഡി എം.പി അനുഭവ്​ മൊഹന്ദിയും സഹോദരനും തന്നെ ഉപദ്രവിക്കുകയും അപമര്യാദയായി പെരുമാറുകയും ചെയ്​ത തായി ഒഡിഷ വനിതാ മാധ്യമപ്രവർത്തക പരാതി നൽകി. കട്ടക്​ ഡി.സി.പിക്കാണ്​ മാധ്യമപ്രവർത്തകയായ സസ്​മിത ആചാര്യ പരാതി നൽകിയത്​. കേസ്​ തേച്ചുമായ്​ച്ചു കളയാൻ ശ്രമം നടക്കുന്നതായി ​െപാലീസ്​ ഓഫീസറെ കണ്ടശേഷം സസ്​മിത പറഞ്ഞു.

‘‘എന്നോട്​ കോടതിയിൽ പോയ്​ക്കോളാനാണ്​ ഡി.സി.പി പറഞ്ഞത്​. എം.പിയും പൊലീസും മുഖ്യമന്ത്രി പോലും കേസ്​ ഒതുക്കി തീർക്കാനാണ്​ ശ്രമിക്കുന്നത്​.’’ സസ്​മിത ആരോപിച്ചു. താൻ എഫ്​.ഐ.ആറിൽ നൽകിയ വിവരങ്ങളും തനിക്ക്​ കിട്ടിയ എഫ്​.​ഐ.ആർ പകർപ്പിലെ വിവരങ്ങളും തമ്മിൽ വൈരുദ്ധ്യമുണ്ടെന്ന്​ ചൂണ്ടിക്കാട്ടി ജൂ​െലെ 14ന്​ സസ്​മിത പുരിഘട്ട്​ പൊലീസ്​ സ്​റ്റേഷന്​ മുന്നിൽ ധർണ നടത്തിയിരു​ന്നു.

സസ്​മിതയുടെ പരാതിയുടെ അടിസ്ഥാനത്തിൽ അനുഭവ്​ മൊഹന്ദി എം.പി, അദ്ദേഹത്തിൻെറ ഇളയ സഹോദരൻ അനുപ്രാശ്​, എം.പിയുടെ ഭാര്യയും ചലച്ചിത്ര താരവുമായ ബർഷ പ്രിയദർശിനി എന്നിവർക്കെതിരെ ജൂൺ 13ന്​ ​പൊലീസ്​ കേസെടുത്തിരുന്നു.

അതേസമയം, തനിക്കും കുടുംബാംഗങ്ങൾക്കും എതിരെ ഉയർന്ന ആരോപണം ബി.ജെ.ഡി എം.പി അനുഭവ്​ മൊഹന്ദി നിഷേധിച്ചിട്ടുണ്ട്​.