തെരഞ്ഞെടുപ്പുകാലത്ത്​ ഇന്ധന വില വർധനക്ക്​ ഇടവേള; വില നിയന്ത്രിക്കാനാകില്ലെന്ന സർക്കാർ വാദം പൊളിയുന്നു

ന്യൂഡൽഹി: അഞ്ച്​ നിയമസഭകളിലേക്ക്​ നടക്കുന്ന തെരഞ്ഞെടുപ്പിൽ എങ്ങനെയും ഭരണം പിടിക്കാനിറങ്ങിയ സർക്കാർ 20 ദിവസമായി എണ്ണവില വർധന മരവിപ്പിച്ചത്​ ശരിക്കും 'പട്ടിണിയാക്കിയത്​' എണ്ണക്കമ്പനികളെ. അന്താരാഷ്​ട്ര വിപണിയിലെ വിലയനുസരിച്ച്​ ഇന്ത്യയിൽ വില കൂട്ടാൻ സർക്കാർ നൽകിയ അനുമതി മുതലെടുത്ത്​ ഓരോ ദിവസവും തുടർച്ചയായി വില കൂട്ടിക്കൊണ്ടിരുന്ന കമ്പനികൾക്ക്​ ലാഭം ഇരട്ടിയാക്കാനുള്ള അവസരമാണ്​ ഈ വിലവർധന മരവിപ്പിച്ചതിനാൽ തത്​കാലം മുടങ്ങിയത്​.

അന്താരാഷ്​ട്ര വിപണിയിലെ നിലവിലെ വില വർധനയും ഇന്ത്യയിൽ വിലയേറ്റുന്ന ​തോതും പരിഗണിച്ചാൽ മുംബൈയിൽ എണ്ണവില 103 രൂപയായി ഉയരേണ്ട സമയ​െമത്തി. ഒട്ടുമിക്ക നഗരങ്ങളിലും ഇത്​ 100 തൊടുകയും ​െ​ചയ്യേണ്ടതാണ്​. പക്ഷേ, ഭരണ- പ്രതിപക്ഷ കക്ഷികൾ തെരഞ്ഞെടുപ്പിനായുള്ള ഓട്ടത്തിനായതിനാൽ ഇനിയും വർധന തുടരുന്നതിൽ കലിപൂണ്ട്​ ജനം കൈവിടുമെന്ന്​ കണ്ട്​ തത്​കാലം മരവിപ്പിക്കുകയായിരുന്നു. അതുവഴി ഒരു ലിറ്റർ പെട്രോളിന്​ ചുരുങ്ങിയത്​ നാലു രൂപയാണ്​ ജനത്തിന്​ ലാഭം, ഡീസലിന്​ രണ്ടു രൂപയും.

എണ്ണവില വർധനയിൽ സർക്കാറിന്​ പ​ങ്കൊന്നുമില്ലെന്നും കമ്പനികളാണ്​ എല്ലാം തീരുമാനിക്കുന്നതെന്നുമുള്ള സർക്കാറിന്‍റെ വാദമാണ്​ ഇതോടെ പൊളിയുന്നത്​. ഇന്ധന വില ക്രമാതീതമായി ഉയർന്ന​പ്പോൾ തങ്ങൾ നിസഹായരാണെന്ന്​ പറഞ്ഞ്​ കൈയ്യൊഴിയുകയായിരുന്നു ധനമന്ത്രിയും പ്രധാനമന്ത്രിയും. എന്നാൽ, തെരഞ്ഞെടുപ്പ്​ കാലമാകു​േമ്പാൾ സർക്കാറിന്​ എണ്ണ വില കൃത്യമായി നിയന്ത്രിക്കാനുമാകുന്നുണ്ട്​.

ഫെബ്രുവരി 27നു ശേഷം​ ഇന്ധന വില ഉയർത്തിയിട്ടില്ല. അന്ന്​ ആഗോള വിപണിയിൽ എണ്ണവില ബാരലിന്​ 64.68 ഡോളറായിരുന്നു. ബുധനാഴ്ച വില 66.82 ഡോളറും. ഇടക്ക്​ 68.42 ഡോളർ വരെയെത്തി. ഇതിനിടെ ഡോളറുമായി വിനിമയത്തിൽ രൂപയുടെ മൂല്യം ഇടിഞ്ഞ്​ 72.57 ആയും കുറഞ്ഞു. എന്നിട്ടും വില വർധിച്ചില്ല. ഇന്ധന കമ്പനികൾ ഇതേ കുറിച്ച്​ പ്രതികരിക്കുന്നുമില്ല. മുമ്പ്​ രാജ്യാന്തര വിപണിയിൽ കുറഞ്ഞപ്പോഴും ഇന്ത്യയിൽ വില ഉയർത്തുന്നത്​ തുടർക്കഥയായിരുന്നു.

ഫെ​ബ്രുവരി 17നാണ്​ രാജ്യ ചരിത്രത്തിൽ ആദ്യമായി പെട്രോൾ വില 100 കടന്ന്​ കുതിച്ചിരുന്നത്​. രാജസ്​ഥാനിലെ ശ്രീഗംഗാനഗറിലും മറ്റു ചില നഗരങ്ങളിലുമായിരുന്നു ആദ്യം സെഞ്ച്വറിയടിച്ചത്​. തൊട്ടടുത്ത ദിവസങ്ങളിൽ മറ്റിടങ്ങളിലും വില മൂന്നക്കം കടന്നു. ഒട്ടുമിക്ക സംസ്​ഥാനങ്ങളിലും 90 രൂപക്ക്​ മുകളിലാണിപ​ വില. എണ്ണവില മാത്രമല്ല, പാചക വാതക വിലയും ഡിസംബറിനു ശേഷം മാത്രം 175 രൂപ ഉയർന്നിട്ടുണ്ട്​.

രണ്ടിരട്ടിയോളം വില നികുതിയായി ഒടുക്കുന്നതിനെതിരെ രാജ്യമൊട്ടുക്കും പ്രതിഷേധം ശക്​തമായിട്ടും നികുതി കുറച്ച്​ സാധാരണക്കാരന്‍റെ തലയിലെ ഭാരം ലഘൂകരിക്കാൻ സർക്കാർ തയാറാകാത്തതിൽ പ്രത​ിഷേധം ശക്​തമാണ്​. കർണാടക നിയമസഭ തെരഞ്ഞെടുപ്പ്​ നടന്ന 2018ലും സമാനമായി കേന്ദ്രം ഇടപെട്ട്​ വില വർധന 19 ദിവസത്തേക്ക്​ അനൗദ്യോഗികമായി മരവിപ്പിച്ചിരുന്നു.