ഗുസ്​തി താരത്തിൻെറ മരണം: സുശീൽ കുമാർ പൊലീസ്​ കസ്​റ്റഡിയിൽ

ന്യൂഡൽഹി: രണ്ടു തവണ ഒളിമ്പിക്​സ്​ മെഡലണിഞ്ഞ്​, രാജ്യം ആവേശകരമായി വരവേറ്റ ഗുസ്​തി ചാമ്പ്യൻ ​കഴിഞ്ഞ ദിവസം മാധ്യമങ്ങൾക്ക്​ മുന്നിൽ അവതരിച്ചത്​ കൊലപാതക കേസിലെ പ്രതിയെന്ന പാപഭാരവുമായി. ഗുസ്​തി താരവും ദേശീയ ജൂനിയർ ചാമ്പ്യനുമായ സാഗർ ധൻകറി​െൻറ കൊലപാതക കേസിൽ പ്രതിചേർക്കപ്പെട്ട സുശീലിനെ ഒളിവിൽ കഴിയവെയാണ്​ ​ശനിയാഴ്​ച രാത്രിയിൽ പഞ്ചാബിൽനിന്നും അറസ്​റ്റ്​ ചെയ്യുന്നത്​. രാജ്യത്തിന്​ അഭിമാനമായ താരത്തി​െൻറ നിലവിലെ അവസ്​ഥ കായിക ഇന്ത്യക്കും നാണക്കേടായി. ഞെട്ടലും നിരാശയും പ്രകടിപ്പിച്ചുകൊണ്ടായിരുന്നു ബോക്​സിങ്​ ഒളിമ്പിക്​സ്​ മെഡൽ ജേതാവ്​ വിജേന്ദർ സിങ്ങി​െൻറ പ്രതികരണം. കാര്യങ്ങൾ കൂടുതൽ വ്യക്തമായ ശേഷം പ്രതികരിക്കാമെന്ന്​ അദ്ദേഹം അറിയിച്ചു.

'കൊലപാതകത്തിൽ സുശീലി​െൻറ പങ്ക്​ നിർഭാഗ്യകരമാണ്​. ഇന്ത്യൻ സ്​പോർട്​സിനേറ്റ തിരിച്ചടിയാണിത്​' -ടേബ്​ൾ ടെന്നിസ്​ താരം അജന്ത ശരത്​കമലി​​െൻറ പ്രതികരണം.

ശനിയാഴ്​ച രാത്രിയിൽ അറസ്​റ്റ്​ ചെയ്​ത സുശീലിനെയും കൂട്ടാളി അജയ്​ കുമാറിനെയും ഞായറാഴ്​ച മെട്രോപൊളിറ്റൻ മജിസ്​ട്രേറ്റിന്​ മുന്നിൽ ഹാജരാക്കിയ പൊലീസ്​ ആറു ദിവസത്തേക്ക്​ കസ്​റ്റഡിയിൽ വാങ്ങി. മേയ്​ നാലിന്​ രാത്രിയിലാണ്​ ഡൽഹിയിലെ ഛത്രസാൽ സ്​റ്റേഡിയത്തിന് പുറത്തെ പാർക്കിങ്​ സ്ഥലത്ത്​ ഗുസ്​തി താരങ്ങൾ തമ്മിൽ സംഘർഷമുണ്ടായത്​. സുശീലി​െൻറയും സുഹൃത്തുക്കളുടെയും ക്രൂര മർദനത്തിനിരയായ സാഗർ ആശുപത്രിയിൽ വെച്ചാണ്​ മരിച്ചത്​. തുടർന്ന്​ സുശീലിനും സംഘത്തിനുമെതിരെ കേസ്​ രജിസ്​റ്റർ ചെയ്​ത്​ അന്വേഷണ സംഘത്തിന്​ മുന്നിൽ ഹാജരാകാൻ ആവശ്യപ്പെ​െട്ടങ്കിലും ഒളിവിൽ പോയി.

ശേഷം,​ പൊലീസ്​ തിരച്ചിൽ നോട്ടീസ്​ പുറപ്പെടുവിക്കുകയും വിവരം നൽകുന്നവർക്ക്​ പാരിതോഷികം പ്രഖ്യാപിക്കുകയും ചെയ്​തു. ഇതിനിടെ സുശീൽ മുൻകൂർ ജാമ്യത്തിന്​ ശ്രമിച്ചെങ്കിലും കോടതി അനുവദിച്ചില്ല.