​ക​ശ്മീ​ർ ഫ​യ​ൽ​സിന് ‘ദേ​ശീ​യോ​ദ്ഗ്ര​ഥ​ന’ പുരസ്കാരം: പരിഹാസവുമായി ഉ​മ​ർ അ​ബ്ദുല്ല

ശ്രീ​ന​ഗ​ർ: വി​വേ​ക് അ​ഗ്നി​ഹോ​ത്രി​യു​ടെ വി​വാ​ദ സി​നി​മ ‘ദ ​ക​ശ്മീ​ർ ഫ​യ​ൽ​സി’ന് ദേശീയ ചലച്ചിത്ര പുരസ്കാരം ലഭിച്ചതിൽ പ്രതികരണവുമായി ക​​ശ്മീ​ർ മു​ൻ മു​ഖ്യ​മ​ന്ത്രി ഉ​മ​ർ അ​ബ്ദു​ല്ല. ‘ദേ​ശീ​യോ​ദ്ഗ്ര​ഥ​നം’ എന്ന വാക്കിനൊപ്പം പരിഹാസ ചിരിയുടെ ഇമോജി കൂടി ചേർത്താണ് സമൂഹമാധ്യമമായ എക്സിൽ ഉ​മ​ർ അ​ബ്ദു​ല്ല പോസ്റ്റിട്ടത്. ക​​ശ്മീ​​ർ ഫ​​യ​​ൽ​​സിൽ അഭിനയിച്ച പ​​ല്ല​​വി ജോ​​ഷിയെ മി​​ക​​ച്ച സ​​ഹ​​ന​​ടിയായും തെരഞ്ഞെടുത്തിരുന്നു.

മി​ക​ച്ച ദേ​ശീ​യോ​ദ്ഗ്ര​ഥ​ന ചിത്രമായി ‘ദ ​ക​ശ്മീ​ർ ഫ​യ​ൽ​സി’നെ തെരഞ്ഞെടുത്തതിൽ രാജ്യവ്യാപക വിമർശനമാണ് ഉയർന്നത്. തരംതാണ രാഷ്‍ട്രീയ നേട്ടത്തിനായി ദേശീയ പുരസ്കാരത്തിന്റെ വില കളയരുതെന്നാണ് തമിഴ്‍നാട് മുഖ്യമന്ത്രി എം.കെ. സ്റ്റാലിൻ പ്രതികരിച്ചത്.

‘വിവാദ ചിത്രമെന്ന നിലയിൽ നിഷ്പക്ഷ സിനിമ നിരൂപകർ അവഗണിച്ച ഒരു ചിത്രത്തിന് ദേശീയോദ്ഗ്രഥന ചിത്രത്തിനുള്ള നർഗീസ് ദത്ത് അവാർഡ് ലഭിച്ചത് ആശ്ചര്യകരമാണ്. സാഹിത്യ-ചലച്ചിത്ര പുരസ്കാരങ്ങളിൽ രാഷ്ട്രീയ പക്ഷപാതം ഇല്ലാതായാൽ കാലാതീതമായ ബഹുമതിയാകും. വിലകുറഞ്ഞ രാഷ്ട്രീയത്തിന് വേണ്ടി ദേശീയ പുരസ്കാരങ്ങളുടെ അന്തസിൽ വിട്ടുവീഴ്ച ചെയ്യരുത്’ -സ്റ്റാലിൻ ചൂണ്ടിക്കാട്ടി.

'ദ ​ക​ശ്മീ​ർ ഫ​യ​ൽ​സ്' നു​ണ​ക​ളു​ടെ കൂ​മ്പാ​ര​മാ​ണെ​ന്ന് ഉ​മ​ർ അ​ബ്ദു​ല്ല മുമ്പ് പ്രതികരിച്ചിരുന്നു. ക​ശ്മീ​ർ ഫ​യ​ൽ​സ് ക​ച്ച​വ​ട സി​നി​മ​യാ​ണെ​ങ്കി​ൽ ആ​ർ​ക്കും എ​തി​ർ​പ്പി​ല്ല. പ​ക്ഷേ, അ​ത് യ​ഥാ​ർ​ഥ സം​ഭ​വ​ങ്ങ​ളെ അ​ടി​സ്ഥാ​ന​മാ​ക്കി എ​ടു​ത്ത സി​നി​മ​യാ​ണെ​ന്ന് നി​ർ​മാ​താ​ക്ക​ൾ അ​വ​കാ​ശ​പ്പെ​ടു​മ്പോ​ൾ എ​ന്താ​ണ് യാ​ഥാ​ർ​ഥ്യം എ​ന്നു​കൂ​ടി പ​റ​യേ​ണ്ടി​വ​രു​മെ​ന്നും അദ്ദേഹം പറഞ്ഞു.

ക​ശ്മീ​രി​ന്റെ സം​സ്കാ​ര​ത്തി​ന് (ക​ശ്മീ​രി​യ​ത്ത്) ക​ള​ങ്ക​മാ​യി തീ​ർ​ന്ന സം​ഭ​വ​മാ​ണ് പ​ണ്ഡി​റ്റു​ക​ളു​ടെ പ​ലാ​യ​നം. അ​ത് സം​ഭ​വി​ക്കു​മ്പോ​ൾ ഫാ​റൂ​ഖ് അ​ബ്ദു​ല്ല​യാ​യി​രു​ന്നി​ല്ല ക​ശ്മീ​ർ മു​ഖ്യ​മ​ന്ത്രി. ബി.​ജെ.​പി​യു​ടെ പി​ന്തു​ണ​യോ​ടെ ഭ​രി​ച്ച വി.​പി. സി​ങ് നി​യോ​ഗി​ച്ച ഗ​വ​ർ​ണ​ർ ജ​ഗ​ൻ​മോ​ഹ​ന്റെ ഭ​ര​ണ​മാ​യി​രു​ന്നു അ​പ്പോ​ൾ ക​ശ്മീ​രി​ൽ.

ക​ശ്മീ​രി പ​ണ്ഡി​റ്റു​ക​ൾ ഇ​ര​യാ​യ അ​തേ തോ​ക്കി​നു മു​ന്നി​ൽ ഇ​ര​ക​ളാ​യി തീ​ർ​ന്ന മു​സ്‍ലിം​ക​ളു​ടെ​യും സി​ഖു​കാ​രു​ടെ​യും ത്യാ​ഗ​ത്തെ വി​സ്മ​രി​ക്കു​ന്ന​ത് അ​നീ​തി​യാ​ണ്. താ​ഴ്വ​ര വി​ട്ടു​പോ​യ മു​സ്‍ലിം​ക​ളി​ൽ നി​ര​വ​ധി​പേ​ർ ഇ​നി​യും തി​രി​ച്ചെ​ത്തി​യി​ട്ടു​മി​​ല്ലെ​ന്നോ​ർ​ക്ക​ണം. ഈ ​സി​നി​മ നി​ർ​മി​ച്ച​വ​രു​ടെ ഉ​ദ്ദേ​ശ്യം പ​ണ്ഡി​റ്റു​ക​ളെ തി​രി​കെ കൊ​ണ്ടു​വ​രു​ക​യ​ല്ല, അ​വ​രെ ഇ​പ്പോ​ഴും അ​ക​റ്റി​ത്ത​ന്നെ നി​ർ​ത്ത​ണ​മെ​ന്നാ​ണ് -ഉ​മ​ർ അ​ബ്ദു​ല്ല പ​റ​ഞ്ഞു.

'1990ലും ​അ​തി​നു​ശേ​ഷ​വും അ​നു​ഭ​വി​ച്ച വേ​ദ​ന​യും ക​ഷ്ട​പ്പാ​ടും പ​ഴ​യ​പ​ടി​യാ​ക്കാ​നാ​വി​ല്ല. ക​ശ്മീ​രി പ​ണ്ഡി​റ്റു​ക​ളു​ടെ സു​ര​ക്ഷി​ത​ത്വ​ബോ​ധം അ​വ​രി​ൽ​നി​ന്ന് ത​ട്ടി​യെ​ടു​ത്ത​തും താ​ഴ്‌​വ​ര വി​ട്ട് അ​വ​ർ​ക്ക് പോ​കേ​ണ്ടി​വ​ന്ന​തും ക​ശ്മീ​രി​യ​ത്തി​ന് ക​ള​ങ്ക​മാ​ണ്. വി​ഭ​ജ​നം അ​വ​സാ​നി​പ്പി​ക്കാ​നു​ള്ള വ​ഴി​ക​ളാ​ണ് ക​ണ്ടെ​ത്തേ​ണ്ട​ത്. അ​ല്ലാ​തെ അ​ത് കൂ​ടു​ത​ൽ വ​ഷ​ളാ​ക്കു​ക​യ​ല്ല' -ഉ​മ​ർ അ​ബ്ദു​ല്ല ചൂണ്ടിക്കാട്ടിയിരുന്നു.