ഇന്ത്യയിലെ മൂന്നിലൊന്ന് കോവിഡ് കേസും കേരളത്തിൽ

തിരുവനന്തപുരം: പുതുതായി ഇന്ത്യയിൽ റെക്കോഡ്​ ചെയ്യപ്പെടുന്ന കോവിഡ്​ കേസുകളിൽ മൂന്നിലൊന്നും കേരളത്തിൽ. രാജ്യത്തുടനീളം കോവിഡ്​ കേസുകൾ ഗണ്യമായി കുറയു​േമ്പാഴും സംസ്​ഥാനത്ത്​ കാര്യങ്ങൾ വലിയ മാറ്റമില്ലാതെ തുടരുന്നുവെന്നാണ്​ ഏറ്റവുമൊടുവിലെ റിപ്പോർട്ടുകൾ സൂചിപ്പിക്കുന്നത്​. കഴിഞ്ഞ ഒക്​ടോബർ മുതൽ കേരളമാണ്​ മറ്റു സംസ്​ഥാനങ്ങളെക്കാൾ മുന്നിൽ നിൽക്കുന്നത്​.

ബുധനാഴ്​ച കേരളത്തിൽ രേഖപ്പെടുത്തിയത്​ 6,815 കോവിഡ്​ കേസുകളാണ്​. 15,000 ത്തിലേറെയാണ്​ രാജ്യത്തെ മൊത്തം കണക്ക്​. ജനുവരി 13 നുശേഷം നീണ്ട ഒരാഴ്​ച ഇന്ത്യയിലെ കണക്കുകളുടെ 37 ശതമാനമോ അതിൽകൂടുതലോ ആണ്​ കേരളത്തിലെത്​.

നേരത്തെയുണ്ടായിരുന്നതിനെ അപേക്ഷിച്ച്​ എണ്ണം കുറയുകയും വിവിധ ജില്ലകൾ കൂടുതൽ തുറന്നുനൽകുകയും ചെയ്​തത്​ കേരളത്തിലും സ്​ഥിതി നിയന്ത്രണ വിധേയമായതി​െൻറ സൂചനയാണെന്ന്​ സംസ്​ഥാന സർക്കാർ പറയുന്നു.

ദേശീയാടിസ്​ഥാനത്തിൽ സെപ്​റ്റംബർ 16ന്​ 93,617 ആയിരുന്നത്​ ജനുവരി 19ന്​ 14,376 ആയി കുറഞ്ഞിരുന്നു. എന്നാൽ, കേരളത്തിൽ ഒക്​ടോബർ 13ന്​ 8,728 എണ്ണം വരെ എത്തിയത്​ കഴിഞ്ഞ ആഴ്​ച 5,000 ആയി കുറഞ്ഞത്​ മാത്രമാണ്​ ആശ്വാസകരം. ഒരു ഘട്ടത്തിൽ ഇത്​ രാജ്യത്തി​െൻറ 45 ശതമാനംവരെ എത്തിയെങ്കിലും നേരിയ കുറവ്​ അവസാന നാളുകളിലുണ്ട്​.

ജനുവരി ആരംഭത്തോടെ സംസ്​ഥാനത്ത്​ സ്​കൂളുകളും തിയറ്ററുകളും വരെ തുറന്നിട്ടുണ്ട്​. സ്​കൂളുകൾ 10, 12 ക്ലാസുകളാണ്​ തുറന്നത്​. ജനുവരി 13നായിരുന്നു സിനിമ തിയറ്ററുകളിൽ പ്രദർശനം ആരംഭിച്ചത്​. ആയുർവേദ റി​േസാർട്ടുകളും വിനോദ സഞ്ചാര കേന്ദ്രങ്ങളും തുറന്നിട്ടുണ്ട്​.

രാജ്യത്ത്​ മറ്റിടങ്ങളിലും കൂടുതൽ തുറന്നതിനൊപ്പം പരിശോധന ആപേക്ഷികമായി കുറച്ചതായുംസൂചനയുണ്ട്​.

കേരളത്തിൽ കോവിഡ്​ ബാധിച്ച്​ മരണനിരക്ക്​ ഒരു ശതമാനത്തിലും താഴെയാണ്​- 0.4 ശതമാനം.

ടെസ്​​റ്റ്​ പോസിറ്റിവിറ്റി നിരക്കുകൾ രാജ്യത്ത്​ 1.8 ശതമാനമായപ്പോൾ കേരളത്തിൽ ഇത്​ 11.8 ശതമാനം തൊട്ടതാണ്​ ആശങ്കയുണർത്തുന്നത്​.

കേരളത്തിൽ കാര്യങ്ങൾ അതി ഗുരുതരമായി തുടരുക്യാശണന്നും നിലവി​ൽ 40 ശതമാനംപരിശോധനയും ആൻറിജനാണെന്നും അധികൃതർ പറയുന്നു. കൂടുതൽ വിദഗ്​ധരുടെ സേവനം പ്രയോജനപ്പെടുത്തണമെന്നും ആവശ്യം ശക്​തമാണ്​.

ഇന്ത്യയിൽ മൊത്തമായി 85 ശതമാനം വരെ രോഗനിരക്ക്​ കുറഞ്ഞിട്ടുണ്ട്​.

അതേ സമയം, കഴിഞ്ഞ മാസാവസാന​ം സംസ്​ഥാനത്തുനടന്ന തദ്ദേശ തെരഞ്ഞെടുപ്പ്​ കോവിഡ്​ വ്യാപനത്തിനിടയാക്കിയെന്ന ആശങ്കയും നിലനിൽക്കുന്നു.