ഇന്ദ്രേഷ് കുമാറിന്റെ പരാമർശം ആയുധമാക്കി പ്രതിപക്ഷം

ന്യൂ​ഡ​ൽ​ഹി: ആ​ർ.​എ​സ്.​എ​സ് നേ​താ​വ് ഇ​ന്ദ്രേ​ഷ് കു​മാ​റി​ന്റെ പ​രാ​മ​ർ​ശം ആ​യു​ധ​മാ​ക്കി പ്ര​തി​പ​ക്ഷം. ആ​ർ.​എ​സ്.​എ​സ്​ പോ​ലും മോ​ദി​ക്ക്​ വി​ല ക​ൽ​പി​ക്കു​ന്നി​ല്ല, പി​ന്നെ മ​റ്റു​ള്ള​വ​രെ​ന്തി​ന് ന​ൽ​ക​ണ​മെ​ന്ന് കോ​ൺ​​ഗ്ര​സ് നേ​താ​വ് പ​വ​ൻ ഖേ​ര ചോ​ദി​ച്ചു. അ​ഹ​ങ്കാ​രി​ക​ളാ​യ ബി.​ജെ.​പി​ക്കാ​രെ ആ​ർ.​എ​സ്.​എ​സ് അ​ധി​കാ​ര​ത്തി​ൽ​നി​ന്ന് പു​റ​ത്താ​ക്കു​മെ​ന്നാ​ണ് വി​ശ്വാ​സ​മെ​ന്ന് ശി​വ​സേ​ന നേ​താ​വ് സ​ഞ്ജ​യ് റാ​വ​ത്ത് പ്ര​തി​ക​രി​ച്ചു. ആ​ർ.​എ​സ്.​എ​സ് മോ​ദി​യു​മാ​യും ബി.​ജെ.​പി​യു​മാ​യും ബ​ന്ധം ഉ​പേ​ക്ഷി​ക്ക​ണ​മെ​ന്ന് സി.​പി.​ഐ ആ​വ​ശ്യ​പ്പെ​ട്ടു. ഇ​ന്ദ്രേ​ഷ് കു​മാ​ർ പ​റ​ഞ്ഞ​ത് പാ​തി സ​ത്യ​മെ​ന്ന് പ്ര​തി​ക​രി​ച്ച ആ​ർ.​ജെ.​ഡി, ഇ​ൻ​ഡ്യ സ​ഖ്യ​ത്തെ രാ​മ​​ന്‍റെ ശ​ത്രു​പ​ക്ഷ​മാ​ക്കാ​നു​ള്ള ശ്ര​മം തെ​റ്റാ​ണെ​ന്നും പ​റ​ഞ്ഞു.

ഇ​ന്ദ്രേ​ഷ്​ കു​മാ​റി​ന്‍റെ പ്ര​സ്താ​വ​ന വി​വാ​ദ​മാ​യ​തോ​ടെ സ​മൂ​ഹ മാ​ധ്യ​മ​ങ്ങ​ളി​ൽ പ്ര​തി​ക​ര​ണ​വു​മാ​യി നി​ര​വ​ധി പേ​രാ​ണ്​ രം​ഗ​ത്തെ​ത്തി​യ​ത്​. ക​ഴി​ഞ്ഞ ദി​വ​സം ആ​ർ.​എ​സ്.​എ​സ് ത​ല​വ​ൻ മോ​ഹ​ൻ ഭാ​ഗ​വ​തും ബി.​ജെ.​പി നേ​തൃ​ത്വ​ത്തെ പ​രോ​ക്ഷ​മാ​യി വി​മ​ർ​ശി​ച്ചി​രു​ന്നു. മ​ഹാ​രാ​ഷ്ട്ര​യി​ലേ​റ്റ ക​ന​ത്ത തോ​ൽ​വി​ക്ക് കാ​ര​ണം എ​ൻ.​സി.​പി (അ​ജി​ത് പ​വാ​ർ) കൂ​ട്ടു​കെ​ട്ടാ​ണെ​ന്നും ആ​ർ.​എ​സ്.​എ​സ് മു​ഖ​പ​ത്രം ഓ​ർ​​ഗ​നൈ​സ​ർ വി​മ​ർ​ശി​ച്ചി​രു​ന്നു.

ലോ​ക്സ​ഭ തെ​ര​ഞ്ഞെ​ടു​പ്പി​ൽ ഉ​ത്ത​ർ​പ്ര​ദേ​ശി​ല​ട​ക്കം ക​ന​ത്ത സീ​റ്റ് ന​ഷ്ടം നേ​രി​ട്ട ബി.​ജെ.​പി 240 സീ​റ്റി​ൽ ഒ​തു​ങ്ങി. ജെ.​ഡി.​യു, ടി.​ഡി.​പി പി​ന്തു​ണ​യോ​ടെ​യാ​ണ് സ​ർ​ക്കാ​ർ രൂ​പ​വ​ത്ക​രി​ച്ച​ത്. അ​യോ​ധ്യ ശ്രീ​രാ​മ ക്ഷേ​ത്രം സ്ഥി​തി ചെ​യ്യു​ന്ന ഫൈ​സാ​ബാ​ദ് മ​ണ്ഡ​ല​ത്തി​ല​ട​ക്കം ക​ന​ത്ത തോ​ൽ​വി​യാ​ണ് ബി.​ജെ.​പി​ക്ക് നേ​രി​ടേ​ണ്ടി വ​ന്ന​ത്. ഒ​റ്റ​ക്ക് ഭൂ​രി​പ​ക്ഷം ല​ഭി​ക്കു​മെ​ന്ന ബി.​ജെ.​പി​യു​ടെ പ്ര​തീ​ക്ഷ​ക്ക് തി​രി​ച്ച​ടി​യേ​റ്റ​തി​ന്​ പി​ന്നാ​ലെ​യാ​ണ്​ പാ​ർ​ട്ടി​യെ പ്ര​തി​രോ​ധ​ത്തി​ലാ​ക്കി ആ​ർ.​എ​സ്.​എ​സ്​ നേ​തൃ​ത്വം പ​ര​സ്യ​വി​മ​ർ​ശ​ന​വു​മാ​യി രം​ഗ​ത്തെ​ത്തു​ന്ന​ത്.