എ​.​െഎ.എ.ഡി.എം.കെ ലയനം: സമിതി പിരിച്ചുവിട്ടതായി പന്നീർസെൽവം

ചെന്നൈ: എ.​െഎ.എ.ഡി.എം.കെയിലെ ഇരുവിഭാഗങ്ങളെ ഒന്നിപ്പിക്കാൻ ലക്ഷ്യമിട്ട്​ രൂപംനൽകിയ ഏഴംഗ പാനൽ പിരിച്ചുവിട്ടതായി പുരട്ച്ചി തലൈവി അമ്മ വിഭാഗത്തെ നയിക്കുന്ന ഒ. പന്നീർസെൽവം. പാർട്ടിക്കകത്തെ പോര്​ കൂടുതൽ രൂക്ഷമാകുന്നതി​​​െൻറ സൂചന നൽകി ഞായറാഴ്​ച രാത്രിയോടെയാണ്​ മുഖ്യമന്ത്രി കെ. പളനിസ്വാമി നേതൃത്വം നൽകുന്ന അമ്മ വിഭാഗവുമായുള്ള ചർച്ചകൾ അവസാനിപ്പിക്കുന്നതായി തീരുമാനമുണ്ടാകുന്നത്​. മറുക്യാമ്പിൽനിന്ന്​ നിരന്തരമായി തുടരുന്ന ഉത്തരവാദിത്തരഹിതമായ പ്രസ്​താവനകളുടെ തുടർച്ചയായാണ്​ തീരുമാനമെന്ന്​ പന്നീർസെൽവം പറഞ്ഞു. കഴിഞ്ഞ ഏപ്രിലിൽ രൂപംനൽകിയ പാനൽ പലവുരു ചർച്ചകൾ നടത്തിയിട്ടും കാര്യമായ പുരോഗതിയുണ്ടായിരുന്നില്ല. ജയലളിതയുടെ മരണം സി.ബി.​െഎ അന്വേഷിക്കണമെന്ന്​ പന്നീർ​സെൽവം ആവശ്യപ്പെട്ടിരുന്നു.