ഒ​ന്നി​ച്ച്​ മു​ന്നോ​ട്ട്; മോ​ദി​ക്കെ​തി​രെ ഒ​ന്നി​ച്ചു നീ​ങ്ങാ​ൻ പ്ര​തി​പ​ക്ഷം

പ​ട്​​ന: ലോ​ക്സ​ഭ തെ​ര​ഞ്ഞെ​ടു​പ്പി​ൽ ബി.​ജെ.​പി​യെ അ​ധി​കാ​ര​ത്തി​ൽ​നി​ന്ന്​ പു​റ​ന്ത​ള്ളു​ക എ​ന്ന പൊ​തു​ല​ക്ഷ്യ​ത്തി​നാ​യി ഒ​ന്നി​ച്ചു​നീ​ങ്ങാ​ൻ ഉ​റ​ച്ച്​ പ്ര​തി​പ​ക്ഷം. 17 പാ​ർ​ട്ടി​ക​ളു​ടെ നേ​താ​ക്ക​ൾ അ​ണി​നി​ര​ന്ന യോ​ഗം തു​ട​ർ​ന​ട​പ​ടി​ക​ൾ ആ​വി​ഷ്​​ക​രി​ക്കാ​ൻ അ​ടു​ത്ത മാ​സം ര​ണ്ടു ദി​വ​സം ഷിം​ല​യി​ൽ ഒ​ത്തു​ചേ​രാ​ൻ തീ​രു​മാ​നി​ച്ചു. കോ​ൺ​ഗ്ര​സ്​ ആ​തി​ഥ്യം വ​ഹി​ക്കും.

ജ​ന​ത​ദ​ൾ-​യു, ആ​ർ.​ജെ.​ഡി നേ​താ​ക്ക​ളു​ടെ സം​ഘാ​ട​ന​ത്തി​ൽ പ​ട്​​ന​യി​ൽ ന​ട​ന്ന യോ​ഗ​ത്തി​ൽ കോ​ൺ​ഗ്ര​സ്, തൃ​ണ​മൂ​ൽ കോ​ൺ​ഗ്ര​സ്, ഇ​ട​തു പാ​ർ​ട്ടി​ക​ൾ, ആം ​ആ​ദ്​​മി പാ​ർ​ട്ടി എ​ന്നി​വ ആ​ശ​യ​പ​ര​മാ​യ ഭി​ന്ന​ത​ക​ൾ മാ​റ്റി​വെ​ച്ച്​ പ​​ങ്കെ​ടു​ത്ത​ത്​ അ​പൂ​ർ​വ​ത​യാ​യി. ഒ​ന്നി​ച്ചു​നി​ന്ന്​ ബി.​ജെ.​പി​യെ തോ​ല്പി​ക്കാ​നു​ള്ള നി​ശ്ച​യ​യ​ദാ​ർ​ഢ്യം പ്ര​ക​ട​മാ​ക്കി​യാ​ണ്​ നാ​ലു മ​ണി​ക്കൂ​ർ നീ​ണ്ട ച​ർ​ച്ച​ക്കു ശേ​ഷം നേ​തൃ​നി​ര പി​രി​ഞ്ഞ​ത്.

ജൂ​ലൈ 10,11 തീ​യ​തി​ക​ളി​ൽ ഷിം​ല​യി​ൽ യോ​ഗം ചേ​രാ​നാ​ണ്​ പ്ര​തി​പ​ക്ഷം ഒ​രു​ങ്ങു​ന്ന​ത്. ഓ​രോ സം​സ്ഥാ​ന​ങ്ങ​ളി​ലെ​യും വേ​റി​ട്ട തെ​ര​ഞ്ഞെ​ടു​പ്പു ത​ന്ത്ര​ങ്ങ​ൾ, ക​ഴി​യു​ന്ന​ത്ര സ്ഥ​ല​ങ്ങ​ളി​ൽ ബി.​ജെ.​പി​ക്കെ​തി​രെ പൊ​തു സ്ഥാ​നാ​ർ​ഥി, പൊ​തു കാ​ര്യ​പ​രി​പാ​ടി തു​ട​ങ്ങി പ്ര​തി​പ​​ക്ഷ ഐ​ക്യ​ത്തി​ന്‍റെ പ്രാ​​യോ​ഗി​ക വ​ഴി​ക​ളെ​ക്കു​റി​ച്ച്​ ഈ ​യോ​ഗ​ത്തി​ലാ​ണ്​ വി​ശ​ദ ച​ർ​ച്ച ന​ട​ക്കു​ക.

വി​വി​ധ പാ​ർ​ട്ടി​ക​ൾ​ക്കി​ട​യി​ലെ അ​ഭി​പ്രാ​യ ഭി​ന്ന​ത​ക​ൾ പ​രി​ഹ​രി​ക്കു​ന്ന​തി​ന്​ പ​ര​മാ​വ​ധി വി​ട്ടു​വീ​ഴ്ച​ക​ൾ വേ​ണ​മെ​ന്ന്​ പ​ട്​​ന യോ​ഗം പൊ​തു​ധാ​ര​ണ​യി​ലെ​ത്തി. മോ​ദി​സ​ർ​ക്കാ​റി​ന്‍റെ വി​ഭാ​ഗീ​യ അ​ജ​ണ്ട​ക​ളെ പ​രാ​ജ​യ​പ്പെ​ടു​ത്തി ഇ​ന്ത്യ​യെ​ന്ന ​ആ​ശ​യം തി​രി​ച്ചു​പി​ടി​ക്കാ​നു​ള്ള നീ​ക്ക​ത്തി​ന്‍റെ പ്രാ​രം​ഭ വേ​ദി​യാ​ണ്​ പ​ട്​​ന​യെ​ന്ന്​ നേ​താ​ക്ക​ൾ വാ​ർ​ത്ത​സ​മ്മേ​ള​ന​ത്തി​ൽ വി​ശ​ദീ​ക​രി​ച്ചു.

ബി​ഹാ​ർ മു​ഖ്യ​മ​ന്ത്രി നി​തീ​ഷ്​ കു​മാ​ർ, മു​ൻ​മു​ഖ്യ​മ​ന്ത്രി ലാ​ലു പ്ര​സാ​ദ്​ എ​ന്നി​വ​ർ​ക്കു പു​റ​മെ കോ​ൺ​ഗ്ര​സ്​ നേ​താ​ക്ക​ളാ​യ മ​ല്ലി​കാ​ർ​ജു​ൻ ഖാ​ർ​ഗെ, രാ​ഹു​ൽ ഗാ​ന്ധി, മ​മ​ത ബാ​ന​ർ​ജി (തൃ​ണ​മൂ​ൽ കോ​ൺ​ഗ്ര​സ്), എം.​കെ സ്റ്റാ​ലി​ൻ -ഡി.​എം.​കെ, ശ​ര​ദ്​ പ​വാ​ർ -എ​ൻ.​സി.​പി, സീ​താ​റാം യെ​ച്ചൂ​രി -സി.​പി.​എം, ഉ​ദ്ധ​വ്​ താ​ക്ക​റെ -ശി​വ​സേ​ന, അ​ര​വി​ന്ദ്​ കെ​ജ്രി​വാ​ൾ -ആം ​ആ​ദ്​​മി പാ​ർ​ട്ടി, അ​ഖി​ലേ​ഷ്​ യാ​ദ​വ്​ -സ​മാ​ജ്​​വാ​ദി പാ​ർ​ട്ടി, ഉ​മ​ർ അ​ബ്​​ദു​ല്ല -നാ​ഷ​ന​ൽ കോ​ൺ​ഫ​റ​ൻ​സ്, മ​ഹ്​​ബൂ​ബ മു​ഫ്തി -പി.​ഡി.​പി, ഡി. ​രാ​ജ -സി.​പി.​ഐ, ദീ​പാ​ങ്ക​ർ ഭ​ട്ടാ​ചാ​ര്യ -സി.​പി.​ഐ (എം.​എ​ൽ), ഹേ​മ​ന്ദ്​ സോ​റ​ൻ -ജെ.​എം.​എം തു​ട​ങ്ങി​യ​വ​രാ​ണ്​ പ​ട്​​ന യോ​ഗ​ത്തി​ൽ പ​​ങ്കെ​ടു​ത്ത​ത്.