സേനാമേധാവി തെരുവുഗുണ്ടയെപോലെ സംസാരിക്ക​രുതെന്ന്​ സന്ദീപ്​ ദീക്ഷിത്

ന്യൂഡൽഹി: ഇന്ത്യൻകരസേനമേധാവി ‘തെരുവുഗുണ്ട’യെപോലെ സംസാരിക്കരുത്​ എന്ന്​ പറഞ്ഞതിന്​ കോൺഗ്രസ്​ നേതാവും മുൻ ഡൽഹി മുഖ്യമന്ത്രി ഷീലാ ദീക്ഷിതി​​​െൻറ മകനുമായ സന്ദീപ്​ ദീക്ഷിത്​ മാപ്പുപറഞ്ഞു. സന്ദീപ്​ ദീക്ഷിതി​​​െൻറ പ്രസ്​താവനയിൽ നിന്ന്​ കോൺഗ്രസ്​ അകലംപാലി​െച്ചങ്കിലും ബി.ജെ.പി അതിനെതിരെ രംഗത്തുവന്നു. 

പാകിസ്താൻ സേനാമേധാവി ഖമർ ജാ​േവദ്​ ബജ്​വയുടെ പ്രകോപനപരമായ പ്രസ്​താവനയെക്കുറിച്ച്​ അഭിപ്രായമാരാഞ്ഞപ്പോൾ, പാകിസ്​താൻ​ അങ്ങനെയൊക്കെ പറയുമെന്ന്​ എല്ലാവരും പ്രതീക്ഷിക്കുന്നതാണെന്നും എന്നാൽ, ഇന്ത്യയുടെ കരസേന മേധാവി  ഒരു തെരുവുഗുണ്ടയെപോലെ സംസാരിക്കരുതെന്നുമാണ്​ സന്ദീപ്​ ദീക്ഷിത്​ അഭിപ്രായപ്പെട്ടത്​. സന്ദീപി​​​െൻറ പരാമർശം ഞെട്ടിക്കുന്നതാണെന്നും അതിനെ അപലപിക്കുകയാണെന്നും കോൺഗ്രസ്​ വക്​താവ്​ മീം അഫ്​സൽ പറഞ്ഞു.കോൺഗ്രസ്​ പാർട്ടി സേനയെ ആദരിക്കുന്നുണ്ടെന്നും സേനാമേധാവിക്കെതിരെ അത്തരം പദ പ്രയോഗങ്ങൾ ഞെട്ടിപ്പിക്കുന്നതാണെന്നും മീം അഫ്​സൽ പറഞ്ഞു. 

എന്നാൽ, സന്ദീപി​​​െൻറ അഭിപ്രായം കോൺഗ്രസി​േൻറതാണെന്ന നിലയിൽ ബി.ജെ.പി നേതാവും കേന്ദ്ര ആഭ്യന്തര സഹമന്ത്രിയുമായ കിരൺ റിജിജുവും രംഗത്തുവന്നു. കരസേനമേധാവിയെ തെരുവുഗുണ്ട എന്ന്​ വിളിക്കാൻ കോൺഗ്രസിന്​ എങ്ങനെ ധൈര്യം വ​െന്നന്ന്​ കിരൺ റിജിജു ചോദിച്ചു. താൻ പറഞ്ഞത്​ തെറ്റായിപ്പോയെന്ന്​ ശരിക്കും വിശ്വസിക്കുന്നുണ്ടെന്നും അതിനാൽ മാപ്പുപറയുകയാണെന്നും ആ പരാമർശം പിൻവലിക്കുകയാണെന്നും സന്ദീപ്​ ദീക്ഷിത്​ പറഞ്ഞു.